آزادی کی قدر سمجھنی ہے تو اہلِ فلسطین اور کشمیریوں سے پوچھیں، میئر کراچی
اشاعت کی تاریخ: 14th, August 2025 GMT
کراچی:
میئر کراچی مرتضیٰ وہاب نے کہا ہے کہ آزادی کی قدر سمجھنی ہے تو اہلِ فلسطین اور کشمیریوں سے پوچھیں۔
کے ایم سی ہیڈ آفس میں جشن آزادی کی تقریب سے خطاب کرتے ہوئے مرتضیٰ وہاب نے تمام اہل وطن کو مبارک باد پیش کرتے ہوئے کہا کہ ہم خوش نصیب ہیں کہ ہمیں بزرگوں کی قربانیوں، تحریک پاکستان کے رہنماؤں کی کاوش سے آزاد ریاست نصیب ہوئی ۔
انہوں نے کہا کہ آزادی ایک ایسی نعمت ہے جس کا شاید ہمیں احساس نہ ہو ۔ اس نعمت کے بارے میں سمجھنا ہے تو فلسطین کے عوام سے پوچھیں کہ کس کرب و تکلیف سے گزر رہے ہیں۔ آزادی کی قدر پوچھنی ہے تو کشمیر کے عوام سے پوچھیں ۔ آئیے آج عہد کریں کہ آزادی کی نعمت کی 365 دن قدر کریں گے اور اس آزادی کا جشن منائیں گے۔ کوئی میلی آنکھ سے وطن عزیز کی طرف دیکھے تو سیسہ پلائی دیوار بن کر دفاع کریں گے۔
مرتضیٰ وہاب کا کہنا تھا کہ مودی سرکاری نے جارحیت کا مظاہرہ کیا ۔ فخر ہے ایک ایک شہری پر، جس نے اختلافات بھلا کر اور پرچم تلے متحد ہوکر مودی کو کرارا جواب دیا ۔ اس معرکہ کے شہدا اور غازیوں کو بھی خراج تحسین پیش کرتے ہیں۔ بہادر پاکستانی افواج اور قانون نافذ کرنے والے اداروں، سیاسی قیادت اور حکومت کی جانب سے اتحاد اور ایمان کا مظاہرہ کیا گیا۔
انہوں نے کہا کہ ہم نے ثابت کیا جب قوم کسی معاملے پر مل کر کھڑی ہوتی ہے تو دنیا کی کوئی طاقت پاکستانی قوم کو نہیں روک سکتی ۔ مودی کو اپنی معیشت اور فوج پر گھمنڈ تھا ، اس کا غرور تھا کہ اسرائیل اس کا دوست اور اس کے ساتھ ہے جب کہ ہمارے ساتھ ایمان، اتحاد اور یقین تھا۔ ہم نے مودی کو جواب دیا کہ پاکستان پر تمہاری نہیں چل سکتی، جو کچھ تم نے گجرات میں کیا یا جو اسرائیل نے فلسطین میں کیا، وہ اسرائیل کا ایجنٹ مودی پاکستان میں نہیں کر سکتا۔
انہوں نے کہا کہ آج کا دن اہم ہے، ہم سب کو پاکستانی ہونے کا کردار ادا کرنا ہے ۔ ہمیں یہ ثابت کرنا ہے کہ ہم دنیا کی سازشوں سے گھبرانے والے نہیں ہیں۔ پیار کرو گے تو پیار کریں گے، اگر لڑو گے تو ہم منہ توڑ جواب دیں گے ۔ اگست کا مہینہ ہمارے لیے بہت اہم ہے ۔ پوری قوم جشن آزادی کے ساتھ معرکہ حق کی بھی خوشی منا رہی ہے۔
سیاسی گفتگو کرتے ہوئے مرتضیٰ وہاب کا کہنا تھا کہ ایم کیو ایم والوں کو کہوں گا کہ ڈانس وغیرہ کریں لیکن کام بھی کریں ۔ ہم کام کررہے تھے اور کررہے ہیں ۔ مجھے ایسی باتوں سے دکھ ہوتا ہے ۔ یہاں پر بھی آکر لوگ سیاست کرتے ہیں ۔ بلاول بھٹو کی قیادت میں ہم گٹکا سائڈ میں کرکے قلم تھما رہے ہیں ۔ آپ سیاست کرتے رہے ہم کام کرتے رہیں گے۔
.
ذریعہ
ذریعہ: Express News
کلیدی لفظ: آزادی کی نے کہا کہا کہ
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع