کلاؤڈ برسٹ کیا ہے؟ اسکی پیشگوئی ممکن کیوں نہیں؟
اشاعت کی تاریخ: 15th, August 2025 GMT
حالیہ دنوں میں خیبر پختونخوا کے کئی علاقوں بونیر، مانسہرہ، سوات، شانگلہ، بٹگرام اور باجوڑ — میں آنے والے شدید سیلاب نے تباہی کی نئی داستانیں رقم کیں۔ ان حادثات کے پیچھے ایک خطرناک اور تیزی سے ابھرتا موسمی مظہر ہے جسے کلاؤڈ برسٹ یا عام زبان میں بادل پھٹناکہا جاتا ہے۔
کلاؤڈ برسٹ ایک انتہائی غیر معمولی واقعہ ہوتا ہے جس میں گھنٹوں یا دنوں کی بارش صرف چند منٹوں میں ایک ہی جگہ پر برس جاتی ہے ۔
بعض اوقات 100 سے 300 ملی میٹر تک بارش محض 10 سے 20 منٹ میں ہو جاتی ہے۔
یہ اچانک برسنے والی شدید بارش پہاڑی علاقوں میں تباہ کن سیلاب، ندی نالوں کے بپھرنے، اور زمین کھسکنے (لینڈ سلائیڈنگ) جیسے خطرناک حالات پیدا کر دیتی ہے۔
پورے دیہات منٹوں میں صفحۂ ہستی سے مٹ سکتے ہیں ۔
اس کی بنیادی وجوہات کیا ہیں؟
کلاؤڈ برسٹ کی اصل وجہ ایک پیچیدہ قدرتی عمل ہے، جو عام طور پر پہاڑی علاقوں میں ہوتا ہے:
جب گرم اور مرطوب ہوائیں پہاڑوں سے ٹکرا کر اوپر اٹھتی ہیں اور وہاں ٹھنڈی ہواؤں سے ملتی ہیں تو بڑے بادل بنتے ہیں۔
* اگر ان بادلوں میں نمی کی مقدار حد سے زیادہ بڑھ جائے تو وہ اچانک “پھٹ” جاتے ہیں، اور شدید بارش ایک ہی مقام پر برسنے لگتی ہے۔
اس مظہر کو مزید بڑھاوا دینے والے عوامل میں موسمیاتی تبدیلی، زمین کا درجہ حرارت بڑھنااور ماحولیاتی عدم توازن شامل ہیں۔
پیشگوئی ممکن کیوں نہیں؟
جدید ریڈارز، سیٹلائٹس اور سائنسی آلات ہونے کے باوجود کلاؤڈ برسٹ کی پیش گوئی انتہائی مشکل ہے کیونکہ یہ واقعہ بہت محدود علاقے میں ہوتا ہے،چند منٹوں کے اندر سب کچھ بدل جاتا ہے ، موجودہ ٹیکنالوجی ایسی باریکیوں کو فوری طور پر شناخت نہیں کر پاتی
قدرتی راستوں میں رکاوٹ نہ بنیں
ہمیں یہ سمجھنا ہوگا کہ پانی ہمیشہ اپنی صدیوں پرانی راہوں پر بہتا ہے ۔ جب ہم ان قدرتی گزرگاہوں پر مکانات، ہوٹل، یا پل بناتے ہیں ندی نالوں اور پہاڑی راستوں کو روکنے کی کوشش کرتے ہیں ،تو قدرتی آفات کی شدت کئی گنا بڑھ جاتی ہے۔ پانی اپنی راہ میں آنے والی ہر چیز چاہے وہ عمارت ہو یا انسانی جان — سب کچھ اپنے ساتھ بہا لے جاتا ہے۔
وقت ہے سنبھلنے کا
یہ محض ایک قدرتی واقعہ نہیں بلکہ ایک وارننگ ہے۔ ہمیں قدرتی راستوں کا احترام کرنا ہوگا، پہاڑی علاقوں میں احتیاط سے تعمیرات کرنی ہوں گی، ماحولیاتی توازن کو بگڑنے سے روکنا ہوگا
ذریعہ: Daily Mumtaz
کلیدی لفظ: کلاو ڈ برسٹ
پڑھیں:
پشاور سمیت مختلف علاقوں میں وقفے وقفے سے بارش جاری رہنے کا امکان
محکمہ موسمیات نے خیبرپختونخوا میں وقفے وقفے سے بارشوں کا سلسلہ جاری رہنے کی پیشگوئی کی ہے۔ تفصیلات کے مطابق محکمہ موسمیات نے پیشگوئی کی ہے کہ خیبر پختونخواکے بیشترا ضلاع میں وقفے وقفے سے بارش جاری رہنے کاامکان ہے۔خیبر پختونخواکے بلند وبالا پہاڑی علا قوں میں بارش کے ساتھ بر ف باری کا امکان جاری رہے گا۔ چترا ل،دیر،سوات،شانگلہ،ہزار ہ اور مالاکنڈ ڈویثرن میں بارش کاامکان ہے۔پشاور،مردان،چارسدہ،کوہاٹ،کرک،ہنگو میں موسلا دھار بارش کاامکان ہے۔ محکمہ موسمیات کا کہنا ہے کہ موسلا دھار بارش کے باعث مقامی ندی نالوں میں سیلا ب آنے کا خدشہ ہے۔پہاڑی علا قوں میں لینڈ سلا ئیڈنگ کے خدشات ہیں۔شہر پشاو ر کا کم سے کم درجہ حرارت 21اور ذیادہ سے ذیادہ 30ڈگری سینٹی گریڈ تک جانے کاامکان ہے۔گزشتہ جو بیس گھنٹوں کے دوران کاکول میں 16ملی میٹر بارش ریکارڈ کی گئی۔ محکمہ موسمیات کے مطابق شہر سٹی 13،پشاور ائیر پورٹ ایریا8،بالاکوٹ4،چترال میں 3ملی میٹر بارش ریکارڈ کی گئی۔دورش،کالام،تخت بائی،چیراٹ میں ایک ایک ملی میٹر بارش ریکارڈ کی گئی۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری