ایئر کینیڈا کی مکمل بندش: 10 ہزار ملازمین کی ہڑتال نے فضائی سروس معطل کردی
اشاعت کی تاریخ: 16th, August 2025 GMT
ائیر کینیڈا کو ایک بڑے بحران کا سامنا ہے کیونکہ ملازمین کی مکمل ہڑتال کے باعث فضائی آپریشنز معطل کردیے گئے ہیں۔ اس اچانک فیصلے سے ہزاروں پروازیں متاثر اور لاکھوں مسافر مشکلات کا شکار ہوگئے ہیں۔
غیر ملکی میڈیا کے مطابق ائیر کینیڈا اور کینیڈین یونین آف پبلک ایمپلائز کے درمیان گزشتہ آٹھ ماہ سے مذاکرات جاری تھے، تاہم کسی نتیجے پر نہ پہنچنے کے باعث دس ہزار کے قریب ملازمین نے ہڑتال کردی۔
رپورٹس کے مطابق ائیر کینیڈا روزانہ تقریباً سات سو پروازیں آپریٹ کرتا ہے اور اس بندش کے باعث ایک دن میں ایک لاکھ 30 ہزار مسافر متاثر ہوں گے، جب کہ تقریباً پچیس ہزار کینیڈین بیرونِ ملک پھنس سکتے ہیں۔
ملازمین کا کہنا ہے کہ وہ تنخواہوں میں خاطر خواہ اضافہ نہ ہونے اور بلامعاوضہ کام کے بوجھ کے خلاف احتجاج کر رہے ہیں۔ دوسری جانب ائیرلائن انتظامیہ کا مؤقف ہے کہ انہوں نے ملازمین کو چار سال کے دوران تنخواہوں، مراعات اور پنشن سمیت کُل معاوضے میں 38 فیصد اضافے کی پیشکش کی تھی۔ تاہم یونین نے اس تجویز کو ناکافی قرار دیتے ہوئے کہا کہ پہلے سال میں صرف 8 فیصد اضافہ مہنگائی کے بوجھ کو کم کرنے کے لیے کافی نہیں۔
ائیر کینیڈا نے اعلان کیا ہے کہ متاثرہ مسافر کمپنی کی ویب سائٹ یا موبائل ایپ کے ذریعے اپنی رقم کی واپسی کی درخواست دے سکتے ہیں۔ اس کے ساتھ ساتھ انتظامیہ نے یقین دہانی کرائی ہے کہ وہ دیگر کینیڈین یا غیر ملکی ائیرلائنز کے ذریعے متبادل سفری سہولت فراہم کرنے کی کوشش کریں گے، لیکن مصروف شیڈول کی وجہ سے مکمل گارنٹی دینا ممکن نہیں ہوگا۔
ائیر کینیڈا کی اس ہڑتال سے نہ صرف فضائی نظام مفلوج ہوگیا بلکہ ہزاروں مسافروں میں بھی بے یقینی کی کیفیت پیدا ہوگئی ہے۔
.
ذریعہ
ذریعہ: Express News
کلیدی لفظ: ائیر کینیڈا
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ