کوئٹہ میں موبائل فون انٹرنیٹ ڈیٹا سروس کی بندش میں مزید 2 روز کا اضافہ، شہری مشکلات سے دوچار
اشاعت کی تاریخ: 17th, November 2025 GMT
بلوچستان کے صوبائی دارالحکومت کوئٹہ سمیت صوبے کے بیشتر اضلاع میں موبائل فون انٹرنیٹ 3جی اور 4جی سروس ساتویں روز بھی معطل ہے۔
ایڈیشنل چیف سیکرٹری داخلہ حمزہ شفقت کے مطابق موبائل فون انٹرنیٹ سروس کی بندش میں 2 روز کا اضافہ کرتے ہوئے 18 نومبر تک بڑھا دیا گیا ہے۔
یہ بھی پڑھیے: بلوچستان میں موبائل فون اور انٹرنیٹ سروس معطل
انہوں نے کہا کہ یہ فیصلہ مسلسل بڑھتے ہوئے سیکیورٹی خدشات کے پیشِ نظر کیا گیا ہے، جبکہ سیکیورٹی اداروں کی سفارش پر مزید توسیع کا امکان بھی ظاہر کیا جا رہا ہے۔
اس سے قبل موبائل فون انٹرنیٹ سروس 10 نومبر سے 16 نومبر تک معطل رہی، تاہم ممکنہ خطرات کے باعث اب اسے مزید بڑھا دیا گیا ہے۔ شہر کے مختلف علاقوں میں صارفین گزشتہ کئی روز سے انٹرنیٹ کی عدم دستیابی کے باعث مشکلات کا شکار ہیں۔
یہ بھی پڑھیے: کوئٹہ سے پشاور جانے والی جعفر ایکسپریس پر راکٹ حملہ
شہریوں نے اس طویل بندش پر شدید تشویش کا اظہار کیا ہے۔ آن لائن کاروبار کرنے والوں، فوڈ ڈلیوری رائیڈرز، طلبا اور صحافیوں کا کہنا ہے کہ انٹرنیٹ سروس کی عدم دستیابی سے ان کے کام بری طرح متاثر ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ سروس بلوچستان حمزہ شفقت کوئٹہ.ذریعہ: WE News
کلیدی لفظ: انٹرنیٹ سروس بلوچستان کوئٹہ موبائل فون انٹرنیٹ انٹرنیٹ سروس
پڑھیں:
اسٹاک ایکسچینج میں تیزی برقرار، انڈیکس مزید 1,000 پوائنٹس بلند
پاکستان اسٹاک ایکسچینج میں جمعہ کو بھی تیزی کا سلسلہ برقرار رہا۔
ابتدائی کاروباری سیشن کے دوران بینچ مارک کے ایس ای-100 انڈیکس میں ایک ہزار سے زائد پوائنٹس کا اضافہ ریکارڈ کیا گیا۔
یہ بھی پڑھیں: اسٹاک ایکسچینج میں سرمایہ کاروں کا اعتماد بحال، انڈیکس 160,000 کی سطح عبور کرگیا
دوپہر 12 بجے انڈیکس 1,011.93 پوائنٹس اضافے کے ساتھ 161,669.42 کی سطح پر ٹریڈ کر رہا تھا، جو 0.63 فیصد اضافہ ظاہر کرتا ہے۔
کاروبار کے دوران آٹو موبائل اسمبلرز، کمرشل بینکس، فرٹیلائزر، آئل اینڈ گیس ایکسپلوریشن، او ایم سیز، پاور جنریشن اور ریفائنری سیکٹر میں نمایاں خریداری دیکھی گئی۔
Market is up at midday ????
⏳ KSE 100 is positive by +1008.78 points (+0.63%) at midday trading. Index is at 161,666.28 and volume so far is 126.06 million shares (12:00 PM) pic.twitter.com/ZvWbQ7Xsts
— Investify Pakistan (@investifypk) November 14, 2025
او جی ڈی سی، پی او ایل، پی پی ایل، پی ایس او، وافی، حبیب بینک لمیٹڈ اور مسلم کمرشل بینک سمیت انڈیکس پر اثر انداز بڑی کمپنیوں کے شیئرز بھی سبز زون میں ٹریڈ ہوتے رہے۔
کارپوریٹ محاذ پر، کے الیکٹرک کے متنازع بورڈ آف ڈائریکٹرز کا اجلاس جمعرات کو ایک گروپ کے واک آؤٹ کے بعد مؤخر کر دیا گیا۔
مزید پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
میڈیا رپورٹس کے مطابق سرکاری اور ایشیا پیک گروپ کے نمائندہ ڈائریکٹرز کی بنیادی کوشش سی ای او سید منیس عبداللہ علوی کو عہدے سے ہٹانے کے فیصلے تک رسائی تھی۔
دوسری جانب سعودی عرب کے العمائع گروپ نے بورڈ کی سرگرمیوں پر برہمی کا اظہار کرتے ہوئے پاکستان حکومت کو 2 ارب ڈالر کا قانونی نوٹس بھی بھیج رکھا ہے۔
گزشتہ روز یعنی جمعرات کو بھی پاکستان اسٹاک ایکسچینج میں تیزی برقرار رہی تھی۔
سیمنٹ سیکٹر میں مرجر اور ایکوزیشن کی خبروں کے بعد سرمایہ کاروں کے اعتماد میں مزید اضافہ ہوا۔
مزید پڑھیں:اسٹاک ایکسچینج میں نمایاں بحالی، انڈیکس میں 1500 پوائنٹس اضافہ
کے ایس ای 100 انڈیکس نے 2,473.55 پوائنٹس یعنی 1.56 فیصد کے نمایاں اضافے کے ساتھ 160,657.50 پر سیشن کا اختتام کیا تھا۔
عالمی بازاروں میں جمعہ کو مندی چھائی رہی۔
فیڈرل ریزرو حکام کے سخت گیر بیانات کے بعد اگلے ماہ ممکنہ امریکی شرح سود میں کمی کی امیدیں دم توڑ گئیں، جس کا اثر ایشیائی مارکیٹوں پر بھی پڑا۔
جاپان کا نکی انڈیکس 1.8 فیصد گر گیا، آسٹریلیا کا ریسورسز انڈیکس 1.5 فیصد نیچے آیا جبکہ جنوبی کوریا کی مارکیٹ میں 2.3 فیصد کی بڑی کمی دیکھنے میں آئی۔
ادھر چین کی کمزور قرضہ جاتی سرگرمیوں نے بھی معاشی بے یقینی میں اضافہ کر دیا ہے۔
مزید پڑھیں:سرمایہ کاروں کا اعتماد اسٹاک ایکسچینج میں بہتری کا باعث، کیا معیشت مستحکم ہورہی ہے؟
امریکی مارکیٹوں میں بھی بھاری گراوٹ ریکارڈ کی گئی، جہاں انویڈیا اور دیگر اے آئی کمپنیوں کے شیئرز ویلیوایشن خدشات کے باعث دباؤ میں آئے۔
جبکہ سرمایہ کاروں نے دسمبر میں شرح سود میں کمی کے امکانات 63 سے گھٹا کر 51 فیصد تک محدود کر دیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹو موبائل اسمبلرز انڈیکس پاکستان اسٹاک ایکسچینج حبیب بینک لمیٹڈ کمرشل بینکس مسلم کمرشل بینک وافی
ٹرمپ پر دستاویزی فلم کا تنازع، بی بی سی کے ڈائریکٹر جنرل مستعفی