کوئٹہ، محکمہ داخلہ نے انٹرنیٹ مزید 2 روز کیلئے معطل کر دیا
اشاعت کی تاریخ: 17th, November 2025 GMT
سیکرٹری داخلہ حمزہ شفقات کے مطابق انٹرنیٹ سروس کی معطلی میں اضافے کا فیصلہ سکیورٹی خدشات کے باعث کیا گیا ہے۔ مزید معطلی کے بھی امکانات ہیں۔ اسلام ٹائمز۔ محکمہ داخلہ بلوچستان نے کوئٹہ میں انٹرنیٹ سروسز کو مزید 2 دنوں کیلئے معطل کر دیا۔ ایڈیشنل چیف سیکرٹری داخلہ حمزہ شفقات کے مطابق کوئٹہ میں موبائل فون انٹرنیٹ ڈیٹا سروس کی معطلی میں مزید 2 روز کا اضافہ کر دیا گیا ہے۔ مذکورہ سروسز 18 نومبر تک معطل رہے گی۔ حمزہ شفقات کے مطابق انٹرنیٹ سروس کی معطلی میں اضافے کا فیصلہ سکیورٹی خدشات کے باعث کیا گیا ہے۔ انٹرنیٹ سروس کی معطلی میں مزید اضافہ بھی متوقع ہے۔ واضح رہے کہ صوبائی محکمہ داخلہ نے اس سے قبل بھی انٹرنیٹ سروسز کو معطل رکھا ہے۔ اگست کے مہینے میں عدالت عالیہ کے حکم پر حکومت کو انٹرنیٹ بحال کرنا پڑا تھا۔
.ذریعہ: Islam Times
کلیدی لفظ: سروس کی معطلی میں انٹرنیٹ سروس
پڑھیں:
کابینہ نے پاکستان اور عمان کے درمیان مسافر اور کارگو فیری سروس کی منظوری دیدی
وفاقی کابینہ نے پاکستان اور عمان کے درمیان مسافر اور کارگو فیری سروس کے آغاز کی منظوری دے دی ہے۔
وفاقی وزیر برائے بحری امور محمد جنید انور چوہدری کے مطابق دونوں ممالک جلد اس سلسلے میں مفاہمتی یادداشت پر دستخط کریں گے۔
اسی طرح عمان کا ایک اعلیٰ سطحی وفد انتظامات کو حتمی شکل دینے کے لیے جلد پاکستان کا دورہ کرے گا۔
یہ بھی پڑھیں:گوادر سے خلیجی ممالک کے لیے فیری سروس چلانے کا فیصلہ
بیان میں کہا گیا کہ یہ پیش رفت جولائی 2025 میں جُنید انور چوہدری اور عمان کے سفیر فہد بن سلیمان بن خلف الخروصی کے درمیان اسلام آباد میں ہونے والی ملاقات کا تسلسل ہے، جس میں دونوں جانب نے اقتصادی و بحری تعاون بڑھانے پر تبادلۂ خیال کیا تھا۔
اس موقع پر وزیر نے بتایا تھا کہ گوادر اور عمان کے درمیان مجوزہ فیری سروس کے ذریعے پاکستان کو سالانہ 10 سے 15 ارب ڈالر تک کی آمدن ہوسکتی ہے۔
جمعہ کو جاری بیان میں وفاقی وزیر نے مزید بتایا کہ گوادر کی سالانہ برآمدی آمدن 850 ملین ڈالر سے تجاوز کرنے کی توقع ہے۔
مزید پڑھیں: کراچی تا چاہ بہار فیری سروس شروع کرنے پر پیشرفت
جس میں 645 ملین ڈالر ویلیو ایڈڈ فشریز اور 200 سے 205 ملین ڈالر کھجور کے شعبے سے حاصل ہوں گے۔
عمان جیسے علاقائی شراکت دار وسطی ایشیائی منڈیوں تک رسائی کے لیے انتہائی مؤثر راستہ حاصل کریں گے۔
2024 میں پاکستان کی عمان کو برآمدات 224 ملین ڈالر تھیں۔
مزید پڑھیں: میانوالی میں فیری سروس، سیاح کھنچے چلے آنے لگے
وزیر نے کہا کہ نئی فیری سروس، بہتر بندرگاہی ڈھانچے اور مضبوط دوطرفہ تعاون کے ذریعے یہ حجم نمایاں طور پر بڑھ سکتا ہے۔
پاکستان پہلے ہی اپنی پہلی بین الاقوامی فیری سروس کا لائسنس جاری کرچکا ہے، جس کے تحت خلیجی تعاون کونسل یعنی عمان، متحدہ عرب امارات، بحرین اور ایران سمیت جی سی سی کے رکن ممالک کے ساتھ مسافر فیری آپریشنز شروع ہوسکیں گے۔
بیان میں کہا گیا کہ اس لائسنسنگ فریم ورک سے قواعد و ضوابط میں وضاحت آئے گی اور نجی شعبے کی شمولیت بڑھے گی، جس سے خطے میں بحری تجارت اور رابطہ مزید فروغ پائے گا۔
مزید پڑھیں:بلیو اکانومی میں اہم پیشرفت، پاکستان اور عراق کے درمیان فیری سروس شروع کرنے کا معاہدہ
جنید انور چوہدری کے مطابق 2024 کے اختتام تک وہاں تقریباً 2.5 سے 3.2 لاکھ پاکستانی مقیم تھے، جبکہ تمام زمروں کو شامل کیا جائے تو یہ تعداد 3.6 لاکھ تک پہنچ سکتی ہے۔
ان کا کہنا تھا کہ فیری رابطے کے مضبوط ہونے سے دونوں ممالک کے عوام کے درمیان سفر آسان ہوگا اور کاروباری و ذاتی روابط میں اضافہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران بحرین خلیجی تعاون کونسل عمان فیری سروس لائسنس متحدہ عرب امارات
افغانستان میں دہشتگرد گروہوں کی غیر قانونی اسلحے تک رسائی پڑوسی ممالک کیلئے براہ راست خطرہ ہے: پاکستان