پی ٹی آئی کی ٹوٹ پھوٹ نئی انتہا کی طرف، نئے سیکریٹری جنرل کیلئے کئی نام سامنے آگئے
اشاعت کی تاریخ: 26th, August 2025 GMT
اسلام آباد (نیوز ڈیسک) تحریک انصاف میں جاری ٹوٹ پھوٹ کے دوران ایک اور اہم رہنما علیحدگی اختیار کر گئے۔ معروف وکیل اور تحریک انصاف کے سابق سیکریٹری جنرل سلمان اکرم راجہ نے پارٹی چھوڑنے کا اعلان کیا ہے۔
باوثوق ذرائع کے مطابق سلمان اکرم راجہ نے اپنی علیحدگی کی بڑی وجہ پارٹی میں بڑھتی ہوئی اندرونی کشمکش اور قیادت کے رویے کو قرار دیا۔ بتایا جاتا ہے کہ وہ عمران خان کی ہمشیرہ علیمہ خان کی جانب سے تنقید اور بشریٰ بی بی کے رویے سے شدید نالاں تھے۔ ذرائع کا کہنا ہے کہ یہ دباؤ ان کے لیے ناقابل برداشت ثابت ہوا جس کے بعد انہوں نے سیاست سے کنارہ کشی اختیار کر لی۔
پارٹی کے اندرونی ذرائع کا کہنا ہے کہ سلمان اکرم راجہ تحریک انصاف میں شامل ہونے کے بعد قانونی پریکٹس میں سالانہ کروڑوں روپے کا نقصان اٹھا رہے تھے۔ قریبی حلقوں کے مطابق ان کے اہل خانہ بھی اس صورتحال پر پریشان تھے اور انہیں دوبارہ وکالت پر توجہ دینے کا مشورہ دے رہے تھے۔ اب انہوں نے باضابطہ طور پر سیاست چھوڑ کر مکمل طور پر اپنی قانونی خدمات پر توجہ مرکوز کرنے کا فیصلہ کیا ہے۔
دوسری جانب، تحریک انصاف میں قیادت کی کشمکش شدت اختیار کر گئی ہے۔ سیکریٹری جنرل کے عہدے کے لیے کئی نام زیر غور ہیں جن میں سردار لطیف کھوسہ کو مضبوط امیدوار قرار دیا جا رہا ہے۔
اسی دوران حماد اظہر کے لاہور کے حلقہ 129 سے دستبردار ہونے کے بعد پاکستان مسلم لیگ (ن) کے لیے ضمنی انتخاب نسبتاً آسان قرار دیا جا رہا ہے۔ ذرائع کے مطابق پارٹی میں مسلسل ٹوٹ پھوٹ سے کارکنان میں بھی بے چینی پائی جا رہی ہے۔
Post Views: 3.
ذریعہ
ذریعہ: Daily Mumtaz
کلیدی لفظ: تحریک انصاف
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ