اسٹاک ایکسچینج میں تیزی، 100 انڈیکس میں 500 پوائنٹس سے زائد اضافہ
اشاعت کی تاریخ: 26th, August 2025 GMT
پاکستان اسٹاک ایکسچینج میں منگل کے روز سرمایہ کاروں کا اعتماد لوٹ آیا اور مارکیٹ ایک بار پھر تیزی کی لپیٹ میں نظر آئی، کاروبار کے دوران کے ایس ای 100 انڈیکس 500 سے زائد پوائنٹس بڑھ کر نمایاں سطح پر ٹریڈ کرتا رہا اور یوں مندی کے بعد ایک بار پھر امید کی کرن دکھائی دی۔
میڈیا رپورٹس کے مطابق دوپہر ڈیڑھ بجے تک بینچ مارک 100 انڈیکس 149,353 پوائنٹس کی سطح پر تھا، جو 538 پوائنٹس یعنی 0.
Market is up at midday ????
⏳ KSE 100 is positive by +250.85 points (+0.17%) at midday trading. Index is at 149,066.15 and volume so far is 60.18 million shares (12:00 PM) pic.twitter.com/U1HNWoK9dU
— Investify Pakistan (@investifypk) August 26, 2025
مارکیٹ میں زیادہ سرگرمی سیمنٹ، کمرشل بینکس، آئل اینڈ گیس ایکسپلوریشن کمپنیوں، ریفائنری اور پاور سیکٹر کے حصص میں دیکھی گئی، جب کہ حبکو، ماری، او جی ڈی سی، پی پی ایل، پی او ایل، پی ایس او، ایس این جی پی ایل، ایچ بی ایل، این بی پی اور یو بی ایل جیسے بڑے شیئرز نمایاں طور پر سبز زون میں رہے۔
واضح رہے کہ گزشتہ روز یعنی پیر کو پاکستان اسٹاک ایکسچینج دباؤ کا شکار رہی تھی اور منافع سمیٹنے کے رجحان نے مارکیٹ کو نیچے دھکیل دیا تھا، اس دوران کے ایس ای 100 انڈیکس 677 پوائنٹس کمی کے بعد 148,815 پر بند ہوا، جس سے سرمایہ کاروں کے اعتماد میں کمی دیکھنے میں آئی تھی۔
یہ بھی پڑھیں: پاکستان اسٹاک ایکسچینج میں مندی، ہنڈریڈ انڈیکس 600 سے زائد پوائنٹس گر گیا
دوسری جانب بین الاقوامی منظرنامے میں بھی سرمایہ کاروں کی بے چینی بڑھتی جا رہی ہے، امریکی صدر ڈونلڈ ٹرمپ کی جانب سے فیڈرل ریزرو کی گورنر لیزا کُک کو اچانک عہدے سے ہٹانے کے اعلان نے وال اسٹریٹ اور ایشیائی مارکیٹوں میں بے یقینی کو مزید گہرا کر دیا ہے۔
صدر ٹرمپ نے الزام عائد کیا ہے کہ لیزا کُک نے رہن کے قرضوں کے حوالے سے غلط بیانی کی، اور اسی بنیاد پر انہیں عہدے سے برطرف کیا گیا ہے، اس فیصلے نے نہ صرف امریکی معیشت پر سوالات کھڑے کیے ہیں بلکہ فیڈ کی خودمختاری پر بھی بحث چھیڑ دی ہے۔
مزید پڑھیں: اسٹاک ایکسچینج میں تاریخ رقم، 100 انڈیکس پہلی بار 150,000 کی سطح عبور کرگیا
ڈالر کی قدر جاپانی ین اور یورو کے مقابلے میں مزید گر گئی، جب کہ ایشیائی منڈیوں میں بھی منفی رجحان غالب رہا۔، ایم ایس سی آئی ایشیا پیسیفک انڈیکس (جاپان کے علاوہ) 0.6 فیصد نیچے آیا اور جاپان کا نکی انڈیکس 1.1 فیصد گر گیا۔
یورپی مارکیٹوں کے آغاز سے قبل ہی فیوچرز میں کمی دیکھی گئی، جرمن ڈیکس، ایف ٹی ایس ای اور یورو اسٹاکس سبھی سرخ زون میں رہے، جب کہ امریکی ایس اینڈ پی 500 ای منی بھی منفی میں ٹریڈ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس او جی ڈی سی ایچ بی ایل این بی پی پاکستان اسٹاک ایکسچینج پاور سیکٹر پی پی ایل ریفائنری سیمنٹ کمرشل بینکس کے ایس ای مندی یو بی ایل
ذریعہ
ذریعہ: WE News
کلیدی لفظ: 100 انڈیکس او جی ڈی سی ایچ بی ایل این بی پی پاکستان اسٹاک ایکسچینج پاور سیکٹر پی پی ایل ریفائنری کے ایس ای یو بی ایل پاکستان اسٹاک ایکسچینج اسٹاک ایکسچینج میں ایس ای
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم