یکساں ٹیرف کا نفاذ، بجلی کے بلوں پر کیا اثر پڑے گا؟
اشاعت کی تاریخ: 27th, August 2025 GMT
اسلام آباد (نیوز ڈیسک) وفاقی حکومت نے پورے ملک میں بجلی کے لیے یکساں ماہانہ ٹیرف پالیسی نافذ کرنے کی منظوری دے دی ہے۔ اس پالیسی کے تحت اب نہ صرف بجلی کا بنیادی نرخ اور سہ ماہی ایڈجسٹمنٹ بلکہ فیول پرائس ایڈجسٹمنٹ بھی پورے ملک میں یکساں لاگو ہوگا۔
ماہرین توانائی کے مطابق، اس فیصلے کے بعد کراچی کے صارفین پر بجلی کے بلوں میں نمایاں فرق پڑ سکتا ہے کیونکہ اب ان پر بھی وہی فیول پرائس ایڈجسٹمنٹ لاگو ہوگی جو باقی ملک میں پہلے سے موجود تھی۔
پس منظر
پاکستان میں اب تک دو الگ سسٹمز رائج تھے:
ایک کے الیکٹرک کے صارفین کے لیے
دوسرا باقی 10 سرکاری ڈسکوز کے لیے
دونوں میں فیول پرائس ایڈجسٹمنٹ اور کپیسیٹی چارجز کی کیلکولیشن الگ الگ کی جاتی تھی۔ نیشنل گرڈ کا ٹیرف وفاقی حکومت کے مقرر کردہ فارمولے کے تحت تھا، جبکہ کے الیکٹرک اپنی پیداوار اور لاگت کی بنیاد پر علیحدہ ایڈجسٹمنٹ کرتا تھا۔
فیصلے کی وضاحت
انرجی اکانومسٹ ڈاکٹر خالد ولید کے مطابق، مالی سال کے آغاز پر بجلی پیدا کرنے کی لاگت کا ریفرنس ٹیرف بنایا جاتا ہے جس میں فیول کی متوقع قیمت شامل ہوتی ہے۔ اگر اصل لاگت زیادہ نکلے تو صارفین پر اضافی چارجز ڈالے جاتے ہیں اور اگر کم ہو تو قیمت میں کمی کی جاتی ہے۔ اب کے الیکٹرک کو بھی اسی نیشنل یونیفارم فارمولے پر لایا جا رہا ہے۔
انہوں نے کہا کہ یہ اقدام مثبت ہے کیونکہ پورے ملک میں یکساں ٹیرف برقرار رہے گا، تاہم مستقبل میں مسابقتی مارکیٹ لانے کے لیے ٹیرف سسٹم کی ازسرِ نو تشکیل ضروری ہے۔
ماہرِ معیشت راجا کامران کے مطابق، نئے فیصلے کے بعد کراچی کے صارفین پر فیول پرائس ایڈجسٹمنٹ کی مد میں اضافی بوجھ پڑ سکتا ہے کیونکہ اب ان پر بھی وہی چارجز لاگو ہوں گے جو ملک بھر میں ہوتے ہیں۔
دوسری جانب شہباز رانا کا کہنا ہے کہ یہ کوئی نئی پیش رفت نہیں۔ یکساں ٹیرف پہلے ہی نافذ تھا اور پشاور جیسے زیادہ نقصانی علاقوں میں بھی صارفین لاہور یا فیصل آباد کے برابر نرخ ادا کرتے ہیں۔ اصل فرق صرف کراچی میں تھا جہاں فیول پرائس ایڈجسٹمنٹ الگ طریقے سے کی جاتی تھی، جسے اب قومی فریم ورک میں شامل کر دیا گیا ہے۔
ممکنہ اثرات
کراچی کے صارفین کے بلوں میں اضافہ متوقع
باقی ملک کے لیے کوئی بڑی تبدیلی نہیں
ٹیرف سسٹم زیادہ شفاف اور یکساں ہوگا
ماہرین کے نزدیک یہ اقدام تکنیکی نوعیت کا ہے، جو کراچی کے لیے اہم تبدیلی ہے لیکن باقی ملک کے لیے صورتحال جوں کی توں رہے گی۔
Post Views: 5.
ذریعہ
ذریعہ: Daily Mumtaz
کلیدی لفظ: فیول پرائس ایڈجسٹمنٹ کے صارفین کراچی کے ملک میں کے لیے
پڑھیں:
تمام ایپل ڈیوائسز پر یکساں تجربہ، واٹس ایپ کا یونیفائیڈ ڈیزائن پلان سامنے آ گیا
واٹس ایپ اپنے ڈیزائن میں ایک بڑا بصری اپ ڈیٹ لانے کی تیاری کر رہا ہے، جس کے تحت “Liquid Glass” نامی نیا ڈیزائن اب صرف آئی فون تک محدود نہیں رہے گا بلکہ جلد میک (Mac) صارفین تک بھی پہنچنے والا ہے۔
تفصیلات کے مطابق میٹا کی جانب سے واٹس ایپ کے انٹرفیس کو جدید اور یکساں بنانے کی کوششیں تیز ہو گئی ہیں۔ اس نئے ڈیزائن میں شفاف (transparent) اور چمکدار UI عناصر شامل ہیں جو ایپ کو ایک زیادہ جدید اور ہموار شکل دیتے ہیں۔
رپورٹس کے مطابق آئی او ایس صارفین کے لیے یہ نیا ڈیزائن گزشتہ ماہ سے وسیع پیمانے پر متعارف کرایا گیا تھا، تاہم اب بھی کئی صارفین اس فیچر سے محروم ہیں کیونکہ اس کی رول آؤٹ رفتار سست رہی ہے۔ اس اپ ڈیٹ میں ایپ کے اوپر اور نیچے نیویگیشن بارز میں Liquid Glass اثرات شامل کیے گئے ہیں، جبکہ iOS 26 کی بورڈ اور دیگر UI عناصر بھی اس نئے اسٹائل کا حصہ ہیں۔
اب WABetaInfo کی رپورٹ کے مطابق واٹس ایپ نے اسی ڈیزائن کو میک ایپ کے لیے بھی تیار کرنا شروع کر دیا ہے۔ یہ فیچر ابھی ابتدائی ڈویلپمنٹ اسٹیج میں ہے اور حتیٰ کہ بیٹا ٹیسٹرز کو بھی دستیاب نہیں ہوا، تاہم ٹیسٹنگ کے دوران اس کے کچھ عناصر کو فعال حالت میں دیکھا گیا ہے۔
لیک ہونے والی تفصیلات کے مطابق میک ورژن میں نیا ڈیزائن سائیڈبار میں واضح تبدیلیاں لائے گا، جہاں ہر آئیکن کے ساتھ ٹیکسٹ لیبلز شامل ہوں گے۔ اس کے علاوہ چیٹ بار، اٹیچمنٹ مینو اور لاکڈ چیٹس سیکشن کو بھی مکمل طور پر ری ڈیزائن کیا جا رہا ہے۔
مزیدپڑھیں:رام چرن کی تقریب میں مداح کی ہلچل، سیکیورٹی حصار ٹوٹ گیا
ماہرین کے مطابق اس اپ ڈیٹ کا مقصد مختلف پلیٹ فارمز پر ایک ہی جیسا (unified) یوزر تجربہ فراہم کرنا ہے تاکہ آئی فون، آئی پیڈ اور میک پر واٹس ایپ کا انٹرفیس ایک ہی ڈیزائن لینگویج کے تحت کام کرے۔
رپورٹ میں یہ بھی کہا گیا ہے کہ آنے والے وقت میں آئی پیڈ صارفین کو بھی یہی Liquid Glass انٹرفیس ملنے کی توقع ہے، جس کے بعد واٹس ایپ iOS، iPadOS اور macOS پر ایک مکمل طور پر یکساں ڈیزائن کے ساتھ سامنے آئے گا۔
اسی دوران دیگر میٹا ایپس جیسے تھریڈز میں بھی اسی طرز کے ڈیزائن عناصر نظر آنے لگے ہیں، جس سے اندازہ ہوتا ہے کہ کمپنی اپنی تمام ایپس میں اس نئے ڈیزائن کو تیزی سے پھیلانے کی تیاری کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ