’کیا ساری زندگی اپنی حب الوطنی ثابت کرنا ہوگی؟’، عدنان سمیع کے بیٹے اذان سمیع کن سوالوں سے تنگ ہیں؟
اشاعت کی تاریخ: 29th, August 2025 GMT
گلوکار سے اداکار بننے والے اذان سمیع خان نے اپنے والد عدنان سمیع خان کے ساتھ تعلقات اور اس کے اپنی زندگی پر اثرات کے بارے میں کھل کر گفتگو کی ہے۔
ایک حالیہ انٹرویو میں، جو ویب پلیٹ فارم سمتھنگ ہوٹے کو دیا گیا، اذان نے کہا کہ ’بیٹے کی حیثیت سے میں اپنے والد کو سمجھتا ہوں لیکن ایک پاکستانی کی حیثیت سے ہم کئی باتوں پر متفق نہیں۔‘
یہ بھی پڑھیے: عدنان سمیع سے علیحدگی کے بعد زیبا بختیار کے ساتھ کیا کچھ پیش آیا؟
ڈرامہ سیریل ‘میں منٹو نہیں ہوں’ کے حوالے سے بات کرتے ہوئے اذان نے بتایا کہ وہ ڈرامے کے مصنف خلیل الرحمٰن قمر کے بیٹے دراب خلیل کے ساتھ اچھی دوستی کر چکے ہیں۔ دونوں نے اپنے والدین کے تنازعات کے باعث ایک دوسرے کو قریب سے سمجھا۔
جب انٹرویو کے میزبان نے عدنان سمیع سے تعلق پر سوال کیا تو اذان نے کہا کہ اس رشتے کے تین پہلو ہیں: وہ والد کو بطور فنکار سمجھتے ہیں، انہیں دل سے چاہتے اور عزت دیتے ہیں، اور اس سارے معاملے نے انہیں دنیا کی حقیقت سے روشناس کرایا۔ اذان نے کہا کہ والد ایک حساس فنکار ہیں، جنہیں مشکلات بالخصوص سیاسی حالات نے بھارتی شہریت لینے پر مجبور کیا۔ تاہم انہوں نے واضح کیا کہ وہ والد کا دفاع نہیں کرتے، بس سمجھنے کی کوشش کرتے ہیں۔
یہ بھی پڑھیے: بالی ووڈ میں فلاپ پاکستانی اداکارہ؛ 4 شادیاں، پھر بھی لگژری لائف کے مزے
اذان نے کہا کہ وہ اپنے والد سے بے حد محبت کرتے ہیں اور مذہبی عقائد کے مطابق ان کا احترام کرتے ہیں۔ انہیں کئی بار عوامی پلیٹ فارمز پر والد کی مذمت کرنے کے لیے کہا گیا لیکن وہ ایسا نہیں کر سکتے۔ انہوں نے کہا۔ ’میں ہمیشہ ان کا بیٹا رہوں گا‘۔
انہوں نے افسوس کا اظہار کیا کہ سوشل میڈیا پر انہیں اکثر ’غدار کا بیٹا‘ کہہ کر تنقید کا نشانہ بنایا جاتا ہے، حالانکہ وہ محب وطن خاندان سے تعلق رکھتے ہیں اور پاکستان سے بے پناہ محبت کرتے ہیں۔ اذان نے سوال اٹھایا: ’کیا مجھے ساری زندگی اپنی حب الوطنی ثابت کرنا ہوگی؟ ‘
اپنی والدہ زِیبا بختیار کے بارے میں اذان نے کہا کہ وہ ان کی سب سے بڑی نقاد ہیں اور ڈرامے میں کام کے بعد ہمیشہ ان سے مشورہ لیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اذان سمیع خان شوبز عدنان سمیع خان فنکاری.
ذریعہ
ذریعہ: WE News
کلیدی لفظ: فنکاری اذان نے کہا کہ اپنے والد کرتے ہیں
پڑھیں:
معاون خصوصی / وزیر مملکت نے اپنی وزارت میں پندرہ لاکھ کے مساج کا بل جمع کروادیا
اسلام آباد(نیوز ڈیسک)ایک معاون خصوصی / وزیر مملکت نے مبینہ طور پر اپنی وزارت میں پندرہ لاکھ کے مساج کا بل جمع کروایا ہے،وزیر موصوف کا کہنا ہے کہ انہوں نے تھائی لینڈ سے مساج کروایا تھا،اب وزارت کے سیکرٹری بل پر دستخط نہیں کررہے۔
نوٹ۔ پاکستان میں غربت اور مہنگائی عروج پر ہے اور وزیر مساج کا بل بھی سرکاری کھاتے سے ادا کرنا چاہتے ہیں، کیا لوٹ مار کی گنگا بہہ رہی ہے ۔
مزید پڑھیں۔کم از کم ماہانہ اجرت 45 ہزار مقرر کرنے کی سفارش
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ