شوہر کی خودکشی نے زندگی کا سب سے بڑا سبق دیا،ریکھا
اشاعت کی تاریخ: 1st, September 2025 GMT
ممبئی (شوبز ڈیسک) بالی ووڈ کی ایورگرین اداکارہ ریکھا کا ایک پرانا انٹرویو دوبارہ وائرل ہو رہا ہے جس میں انہوں نے اپنے شوہر مکیش اگروال کی خودکشی کو اپنی زندگی کا سب سے بڑا سبق قرار دیا تھا۔
بھارتی میڈیا رپورٹس کے مطابق ریکھا نے 1990 میں صنعت کار مکیش اگروال سے شادی کی تھی۔ یہ شادی چند مہینوں کی ملاقات کے بعد انجام پائی اور توقع کی جا رہی تھی کہ ریکھا کی زندگی میں استحکام آجائے گا، مگر ایسا نہ ہو سکا۔
شادی کے کچھ ہی عرصے بعد دونوں کے تعلقات میں دراڑیں پیدا ہو گئیں۔ ریکھا کے مطابق لندن کے ہنی مون کے دوران ہی یہ بات واضح ہو گئی تھی کہ دونوں کی سوچ اور مزاج یکسر مختلف ہیں۔ صرف چند ماہ بعد ہی علیحدگی کا فیصلہ کر لیا گیا تھا۔ ریکھا کے بقول طلاق کا خیال سب سے پہلے مکیش نے پیش کیا تھا۔
اسی دوران مکیش اگروال نے اچانک خودکشی کر لی جس کا الزام براہِ راست ریکھا پر لگا۔ بھارتی میڈیا اور عوامی حلقوں میں انہیں شدید تنقید کا نشانہ بنایا گیا اور بعض حلقوں نے انہیں ’چڑیل‘ جیسے الفاظ سے بھی نوازا۔
ریکھا نے طویل خاموشی کے بعد 2004 میں سمی گریوال کو انٹرویو دیتے ہوئے پہلی بار اس واقعے پر کھل کر بات کی۔ اس موقع پر ان کا کہنا تھا: “مکیش کی موت نے مجھے زندگی کا سب سے بڑا سبق دیا۔ اس نے مجھے دنیا کی حقیقت سمجھا دی۔”
اداکارہ نے مزید کہا کہ شوہر کی موت کے بعد وہ صدمے، انکار، غصے اور خود ترسی جیسے مراحل سے گزریں اور آخرکار حقیقت کو قبول کیا۔ ریکھا نے واضح کیا کہ شادی محبت کی بنیاد پر نہیں تھی بلکہ یہ زیادہ تر ایک اریج میرج تھی جس میں وہ مکیش کو اجنبی ہی محسوس کرتی رہیں۔
ریکھا کے مطابق اس سانحے نے انہیں بدل کر رکھ دیا اور اس کے بعد انہوں نے دوبارہ شادی نہ کرنے کا فیصلہ کیا۔
میڈیا رپورٹس کے مطابق اس واقعے پر شدید دباؤ کے بعد ریکھا کو ایک انٹرویو کا اہتمام بھی کرنا پڑا تھا جس کا عنوان تھا: “میں نے مکیش کو قتل نہیں کیا”۔
آج بھی اس سانحے کو ریکھا کی ذاتی زندگی کا سب سے مشکل مگر اہم موڑ سمجھا جاتا ہے، جس نے ان کی شخصیت اور فیصلوں کو نئی سمت دی۔
Post Views: 6.
ذریعہ
ذریعہ: Daily Mumtaz
کلیدی لفظ: زندگی کا سب سے کے مطابق کے بعد
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی