فوج عبوری حکومت کیساتھ، افواہوں پر توجہ نہ دی جائے، بنگلہ دیشی آرمی چیف کی چیف ایڈوائزر پروفیسر یونس سے ملاقات
اشاعت کی تاریخ: 1st, September 2025 GMT
بنگلہ دیش کی عبوری حکومت کے سربراہ پروفیسر محمد یونس سے آرمی چیف جنرل وقار الزمان نے ملاقات کی ہے۔ اور واضح کیا ہے کہ فوج حکومت کے تمام اقدامات اور پروگرامز کو کامیاب بنانے کے لیے پرعزم ہے، افواہوں پر توجہ نہ دی جائے۔
یہ بھی پڑھیں: بنگلہ دیش میں عام انتخابات فروری 2026 میں ہوں گے، محمد یونس کا اعلان
پروفیسر یونس نے موجودہ حالات میں سول انتظامیہ کی معاونت میں فوج کے کردار پر بات کی، اور قانون و انصاف کے قیام میں مسلسل خدمات پر شکریہ ادا کیا۔
پروفیسر یونس نے اس کردار کو منظم بنانے کی ضرورت پر زور دیا، جس میں تمام فورسز کے درمیان قریبی رابطہ شامل ہو۔ خصوصاً آئندہ عام انتخابات تک انہوں نے اسے اہم قرار دیا۔
انہوں نے کہاکہ میں نے قوم سے ملک میں شفاف انتخابات کرانے کا وعدہ کر رکھا ہے۔ تاکہ جمہوریت مضبوط ہو اور قانون کی حکمرانی آئے۔
اس موقع پر آرمی چیف جنرل وقار الزمان نے چیف ایڈوائزر پروفیسر یونس کو عبوری حکومت کے ساتھ مکمل تعاون کی یقین دہانی کرائی۔
یہ بھی پڑھیں: بنگلہ دیش کے عبوری رہنما محمد یونس کا انتخابات کے بعد اقتدار چھوڑنے کا اعلان
انہوں نے کہا کہ افواہوں پر توجہ نہ دی جائے۔ پوری فوج حکومت کے تمام اقدامات اور پروگرامز کو کامیاب بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بنگلہ دیش آرمی چیف پروفیسر یونس جنرل وقار الزمان چیف ایڈوائزر وی نیوز.
ذریعہ
ذریعہ: WE News
کلیدی لفظ: بنگلہ دیش ا رمی چیف پروفیسر یونس جنرل وقار الزمان چیف ایڈوائزر وی نیوز پروفیسر یونس بنگلہ دیش ا رمی چیف حکومت کے
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ