فوجی پریڈ: چین نے غیرمعمولی صلاحیتوں سے آراستہ ڈرونز متعارف کرا دیے
اشاعت کی تاریخ: 3rd, September 2025 GMT
چین نے دوسری عالمی جنگ میں فتح کی 80ویں سالگرہ کے موقع پر منعقدہ فوجی پریڈ میں جدید اور غیر معمولی صلاحیتوں سے آراستہ ڈرونز متعارف کرا دیے۔
چینی میڈیا کے مطابق ماہرین کا کہنا ہے کہ اس مرتبہ متعارف کرائے گئے ڈرونز نہ صرف منفرد ڈیزائن رکھتے ہیں بلکہ فضائی جنگ کے مستقبل کے نئے تصورات کو بھی نمایاں کرتے ہیں۔
یہ بھی پڑھیں: عسکری، سیاسی طاقت کی دوڑ، چین اور امریکا میں سے کون آگے؟
پریڈ میں پہلی بار ایسے ڈرونز پیش کیے گئے جن میں مسلح ریکی ڈرون، ونگ مین ڈرون، ایئر سپیریئورٹی ڈرون اور بحری جہازوں سے پرواز کرنے والے بغیر پائلٹ ہیلی کاپٹر شامل تھے۔ یہ ڈرونز اسٹیلتھ حملوں اور خودکار آپریشنز کی استعداد رکھتے ہیں۔
ونگ مین ڈرونز کو حالیہ برسوں میں ڈرون ٹیکنالوجی کا انقلابی تصور قرار دیا جا رہا ہے اور انہیں مستقبل کے بغیر پائلٹ جنگی نظام کا مرکزی حصہ سمجھا جاتا ہے۔
یہ ڈرونز پائلٹ بردار جنگی طیاروں کے ساتھ ہم آہنگی میں کام کر کے فضائی برتری، دفاع اور اہداف کی نشاندہی جیسے اہم مشنز سرانجام دے سکتے ہیں۔
ماہرین کے مطابق یہ ڈرونز نہ صرف پائلٹس کی فضائی آگاہی اور حملے کی صلاحیت بڑھاتے ہیں بلکہ میدانِ جنگ کا ایک جامع نقشہ بھی فراہم کرتے ہیں، جس سے پائلٹس دباؤ والے ماحول سے نکل کر زیادہ مؤثر انداز میں کمانڈر کا کردار ادا کر سکتے ہیں۔
اسی طرح پہلی بار ایئر سپیریئورٹی ڈرونز بھی منظرِ عام پر آئے ہیں جنہیں جدید فضائی جنگی آلات میں شمار کیا جا رہا ہے۔ یہ ڈرونز زیادہ اسٹیلتھ کارکردگی، خودکار آپریشنز اور غیر معمولی تیزی کے باعث نمایاں ہیں۔ خاص بات یہ ہے کہ ان میں کچھ ڈرونز بغیر دم کے ڈیزائن پر مبنی ہیں، جو انہیں ہر زاویے سے ریڈار سے بچنے کی صلاحیت فراہم کرتے ہیں۔
پریڈ میں بحری جہازوں کے لیے ایک نیا بغیر پائلٹ ہیلی کاپٹر بھی شامل کیا گیا جو ریکی، ارلی وارننگ، اینٹی شپ اور اینٹی سب میرین آپریشنز کے ساتھ ساتھ تلاش و بچاؤ اور ٹرانسپورٹ کی ذمہ داریاں بھی ادا کر سکتا ہے۔ چونکہ یہ انسان بردار نہیں، اس لیے اپنے سائز کے اعتبار سے عام ہیلی کاپٹروں کے مقابلے میں زیادہ رینج رکھتا ہے۔
یہ بھی پڑھیں: دنیا میں نئی صف بندی کی ضرورت، چینی قوم کی نشاۃ ثانیہ کو روکا نہیں جاسکتا، چینی صدر شی جن پنگ
اس کا چھوٹا ڈیزائن اسے فریگیٹس، ڈسٹرائرز، ایمفیبیئس جہازوں اور طیارہ بردار جہازوں پر بڑی تعداد میں رکھنے کے قابل بناتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews چین ڈرونز متعارف غیرمعمولی صلاحیتیں فوجی پریڈ وی نیوز.ذریعہ: WE News
کلیدی لفظ: چین فوجی پریڈ وی نیوز یہ ڈرونز
پڑھیں:
آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، شاداب نقشبندی
سربراہ پاکستان سنی تحریک نے کہا کہ 78 سال سے جاری حق خود ارادیت کے درس سے کشمیریوں کو کچھ حاصل نہیں ہوا، آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، افواج پاکستان کشمیر کی آزادی کیلئے جب بھی علم جہاد بلند کریگی پوری قوم شانہ بشانہ کھڑی ہوگی۔ اسلام ٹائمز۔ سربراہ پاکستان سنی تحریک محمد شاداب رضا نقشبندی کا کہنا تھا کہ مقبوضہ کشمیر پاکستان کا ہے، بھارت ظلم و بربریت فوری بند کردے، پاکستان سنی تحریک اسلام و ملک دشمنوں اور مقبوضہ کشمیر میں ظالموں کے خلاف سیسہ پلائی دیوار ثابت ہوگی، فلسطین اور بھارت میں مسلم نسل کشی اور انسانیت سوز مظالم کھلی دہشتگردی ہے، مقبوضہ کشمیر کے عوام کے ساتھ ہیں بھارت کا ظالمانہ و غاصبانہ اور انسانیت دشمن دہشتگردانہ چہرہ بے نقاب ہوچکا ہے، مقبوضہ جموں کشمیر کی آزادی کیلئے بھارت کو منہ توڑ جواب دینے کا وقت آگیا ہے، پاکستان کے عوام کشمیریوں کے ساتھ ہیں اور ان کی سیاسی و اخلاقی حمایت جاری رکھیں گے، دھونس دھمکیوں اور گیدڑ بھبکیوں کا دور گذر گیا بھارت کو ہر سطح پر شکست دیں گے۔ ان خیالات کا اظہار انہوں نے مقبوضہ کشمیر میں بھارتی مظالم کی شدید مذمت کرتے ہوئے کیا۔
محمد شاداب رضا نقشبندی نے کہا کہ بھارت میں مسلمانوں پر زمین تنگ کی جارہی ہے، اقلیتیں غیر محفوظ اور بھارتی مظالم کی انتہا ہوچکی ہے، اقلیتوں کی نسل کشی معمول بن گئی ہے۔ انہوں نے کہا کہ 78 سال سے جاری حق خود ارادیت کے درس سے کشمیریوں کو کچھ حاصل نہیں ہوا، آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، افواج پاکستان کشمیر کی آزادی کیلئے جب بھی علم جہاد بلند کریگی، پوری قوم شانہ بشانہ کھڑی ہوگی، اقوام متحدہ میں قرارداد صرف بھارتی قبضے کا بہانا تھا جو 78 سال پہلے ہی اپنا مقصد پورا کرچکی ہے، کشمیر اور فلسطین کی آزادی کا سورج انشا اللہ جلد طلوع ہونیوالا ہے، ظلم و جبر کرنیوالے اللہ کے عذاب سے کسی طور بھی نہیں بچ سکیں گے، مسئلہ کشمیر و فلسطین کے حل کیلئے فی الفور اور بلاتفریق اقوام متحدہ کردار ادا کرے۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا