چینی فوج کی تاریخی پریڈ میں نئے اور اہم ہتھیاروں کی نمائش، یہ ہتھار کن صلاحیتوں کے حامل ہیں؟
اشاعت کی تاریخ: 3rd, September 2025 GMT
بیجنگ میں بدھ کو منعقدہ شاندار فوجی پریڈ میں آبدوز ڈرونز، دیوہیکل میزائل اور لیزر ہتھیاروں نے حاضرین کو محو کر دیا، یہ پریڈ اس وقت ہوئی جب چین اور واشنگٹن کے درمیان کشیدگی برقرار ہے، اور اسے چین کی طاقت کے مظاہرے کے طور پر دیکھا جا رہا ہے۔
فوجی ماہرین نے اس تقریب کو خاص توجہ سے مانیٹر کیا، جس میں روسی صدر ولادیمیر پیوٹن اور شمالی کوریا کے رہنما کم جونگ اُن سمیت کئی اہم عالمی رہنما شریک ہوئے۔
پریڈ سے قبل خطاب کرتے ہوئے صدر شی جن پنگ نے دوسری جنگِ عظیم میں جاپان پر چین کی فتح کے 80 سال مکمل ہونے کے موقع پر اپنے ملک کو ’ناقابلِ تسخیر‘ قرار دیا، بعدازاں جدید فوجی ساز و سامان تیانمن اسکوائر میں موجود ہزاروں افراد کے سامنے پیش کیا گیا، جہاں فضا میں مسرت انگیز موسیقی گونج رہی تھی۔
بین البراعظمی میزائلچین نے اپنی نئی دفاعی ٹیکنالوجی میں نمایاں اضافہ کرتے ہوئے ڈی ایف 5 سی انٹرکانٹینینٹل بیلسٹک میزائل کی نقاب کشائی کی، یہ بھاری بھرکم ایٹمی ہتھیار ’ڈونگ فینگ‘ سیریز کا حصہ ہیں اور انہیں بڑی، کیموفلاج کی گئی فوجی گاڑیوں پر نمائش کے لیے پیش کیا گیا، چینی اخبار گلوبل ٹائمز کے مطابق ڈی ایف 5 سی دنیا کے کسی بھی مقام کو نشانہ بنانے کی صلاحیت رکھتا ہے۔
آبدوز ڈرونزپریڈ میں دو نئے دیوہیکل آبدوز نما ڈرونز اے جے ایکس 002 اور ایچ ایس یو 100 پیش کیے گئے، دفاعی تجزیہ کار الیکس لک کے مطابق، پہلا ڈرون ممکنہ طور پر جاسوسی مقاصد کے لیے تیار کیا گیا ہے جبکہ دوسرا ڈرون بارودی سرنگیں بچھانے کی صلاحیت رکھتا ہے۔
نیول نیوز کے مطابق چین کے پاس دنیا کا سب سے بڑا ’ایکسٹرا لارج ان مینڈ انڈر واٹر وہیکل‘پروگرام موجود ہے، جس کے کم از کم 5 ماڈلز پہلے ہی سمندر میں موجود ہیں۔
سپرسونک میزائلپریڈ میں 4 نئے اینٹی شپ میزائل وائی جے 15، وائی جے 17، وائی جے 19 اور وائی جے 20 بھی پیش کیے گئے، یہ میزائل جہازوں یا طیاروں سے فائر کیے جا سکتے ہیں اور بڑے بحری جہازوں کو شدید نقصان پہنچانے کے لیے ڈیزائن کیے گئے ہیں۔ بتایا جاتا ہے کہ ان میں سے بعض ماڈلز ہائپرسونک ہیں، جو آواز کی رفتار سے 5 گنا زیادہ تیز پرواز کر سکتے ہیں۔
لیزر ہتھیارپریڈ سے قبل جس ہتھیار نے سب سے زیادہ توجہ حاصل کی، وہ تھا ایل وائی 1 لیزر ایئر ڈیفنس سسٹم، جسے دنیا کا ’سب سے طاقتور لیزر ہتھیار‘ قرار دیا جا رہا ہے، بڑے سفید ڈھانچوں پر مشتمل یہ نظام فوجی گاڑیوں پر نصب کر کے پیش کیا گیا۔
یہ ’ڈائریکٹڈ انرجی ویپنز‘ کم لاگت میں انتہائی درستگی سے بڑے نقصان پہنچانے کی صلاحیت رکھتے ہیں اور امریکا سمیت دیگر ممالک بھی اس پر کام کر رہے ہیں۔
بغیر پائلٹ کے گاڑیاںآبدوز ڈرونز کے ساتھ ساتھ کئی سطحی ڈرونز، بغیر پائلٹ کے طیارے اور زمینی گاڑیاں بھی نمائش کے لیے پیش کی گئیں، جو مختلف مقاصد کے لیے تیار کیے گئے ہیں، جن میں کان کنی کی صفائی، سامان اور گولہ بارود کی ترسیل، فوجیوں کی منتقلی اور جاسوسی شامل ہیں۔
ریڈار سسٹمزپریڈ میں جدید ریڈار سسٹمز بھی نمایاں رہے، زمین پر بڑے ڈیٹیکشن آلات اور فضا میں ریڈار سے لیس طیارے ملک کی نگرانی کی صلاحیت کا مظاہرہ کرتے رہے۔
پہلی بار کے جے 600 ارلی وارننگ طیارہ بھی عوام کے سامنے پیش کیا گیا، جسے آئندہ چند ماہ میں چین کے نئے ایئرکرافٹ کیریئر ’فوجیان‘ میں شامل کیے جانے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبدوز ڈرونز امریکا ایئرکرافٹ کیریئر بین البراعظمی میزائل چین ڈیٹیکشن ریڈار ریڈار سسٹمز سپرسونک میزائل گولہ بارود لیزر ہتھیار ہتھیار.
ذریعہ
ذریعہ: WE News
کلیدی لفظ: امریکا ایئرکرافٹ کیریئر بین البراعظمی میزائل چین ڈیٹیکشن ریڈار ریڈار سسٹمز گولہ بارود لیزر ہتھیار ہتھیار لیزر ہتھیار پیش کیا گیا کی صلاحیت پریڈ میں وائی جے کیے گئے پیش کی کے لیے
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع