مظفر آباد، پاک فوج کے زیر اہتمام کیل پریمیئر لیگ کا آغاز
اشاعت کی تاریخ: 4th, September 2025 GMT
یومِ دفاع کی تقریبات کے سلسلے میں آزاد کشمیر کے کیل اسپورٹس گراؤنڈ میں کیل پریمیئر لیگ 2025 کا باوقار افتتاح ہوگیا۔ ٹرافی کی پروقار رونمائی نے ایونٹ کو قومی رنگ دے دیا، جبکہ عوام کی بڑی تعداد نے شرکت کر کے وطن سے محبت کا عملی مظاہرہ کیا۔
یہ بھی پڑھیں: بھارتی جنگی جنون سے بے پرواہ، کشمیریوں کا کرکٹ جنون عروج پر
ٹورنامنٹ میں آزاد جموں و کشمیر سمیت ملک بھر سے 12 ٹیمیں شریک ہیں۔ 3 سے 7 ستمبر تک جاری رہنے والا یہ ایونٹ نوجوان کھلاڑیوں کو اپنی صلاحیتیں منوانے کا سنہری موقع فراہم کرے گا اور معیاری کرکٹ کے فروغ میں سنگِ میل ثابت ہوگا۔
فائنل میں فاتح ٹیموں کو ٹرافی، میڈلز اور نقد انعامات سے نوازا جائے گا۔
یہ بھی پڑھیں: چھکا لگاتے ہی زندگی کا اختتام، نوجوان کرکٹر کی پچ پر ہلاکت کی ویڈیو وائرل
اس کامیاب انعقاد میں پاک فوج اور کیل بریگیڈ کا کلیدی کردار رہا، جنہوں نے مقامی کمیونٹی کے ساتھ مل کر اس ایونٹ کو یادگار اور منظم بنایا۔ عوام نے اس کاوش کو زبردست خراج تحسین پیش کیا۔
کیل پریمیئر لیگ نہ صرف کھیلوں کے فروغ کا ذریعہ ہے بلکہ یومِ دفاع کی حقیقی روح اتحاد، حب الوطنی اور قربانی کو بھی اجاگر کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاک فوج کشمیر پریمیئر لیگ کیل اسپورٹس گراؤنڈ کے پی ایل مظفر آباد.ذریعہ: WE News
کلیدی لفظ: پاک فوج کشمیر پریمیئر لیگ کیل اسپورٹس گراؤنڈ کے پی ایل پریمیئر لیگ
پڑھیں:
بچوں کا ٹیلنٹ اجاگر کرنے پر پاک فوج کو سلام: شاہد آفریدی
لاہور (سپورٹس رپورٹر) پاک فوج کے زیراہتمام شمالی وزیرستان میں ٹی 20 کرکٹ لیگ اختتام پذیر ہوگئی۔ باجوڑ کی ٹیم فاتح قرار پائی ہے۔ شمالی وزیرستان میں پاک فوج کے زیرِ اہتمام ٹی 20 کرکٹ لیگ کا فائنل میچ یونس خان سٹیڈیم میران شاہ میں منعقد ہوا۔ خیبر پی کے کی16 ٹیموں نے حصہ لیا۔ قومی ٹیم کیسابق کپتان شاہد آفریدی تقریب کے مہمانِ خصوصی تھے۔ تقریب میں سینئر عسکری حکام، ضلعی انتظامیہ، عمائدین علاقہ اور شائقین کی بڑی تعداد نے شرکت کی۔ شاہد آفریدی نے کہاکہ میں پاک فوج کو سلام پیش کرتا ہوں کہ وہ بچوں کو سرگرم رکھ کر ان کا ٹیلنٹ پروان چڑھا رہی ہے۔ تعلیم اور کھیل ہماری نوجوان نسل کیلئے بہت اہمیت کی حامل ہیں۔ پاک فوج نوجوان نسل کیلئے یہ کردار احسن طریقے سے سر انجام دے رہی ہے۔ امید کرتا ہوں کہ ابھرتے ہوئے ٹیلنٹ کو رائیگاں نہیں ہونے دیا جائے گا۔ شاہد آفریدی نے حکومت سے درخواست کہ فٹبال، کرکٹ کیمپس اور ووکیشنل ٹریننگ سنٹرز بنائے جائیں۔ شاہد آفریدی نے ٹیموں اور کھلاڑیوں میں انعامات تقسیم کئے۔
پاکستان میں آئندہ حج سستا ہونے کا امکان