امریکی عدالت کا ٹرمپ انتظامیہ کو بڑا جھٹکا
اشاعت کی تاریخ: 5th, September 2025 GMT
ایک امریکی وفاقی عدالت نے سابق صدر ڈونلڈ ٹرمپ کی انتظامیہ کی جانب سےہارورڈ یونیورسٹی کے فنڈز میں کی گئی کٹوتی کو غیر آئینی قرار دیتے ہوئےفیصلہ کالعدم کر دیا ہے۔ یہ کٹوتی یونیورسٹی پریہود دشمنی اور جانبداری کے الزامات کی بنیاد پر کی گئی تھی۔ 2 ارب ڈالر سے زائد کی رقم منجمد کی گئی تھی۔
ٹرمپ انتظامیہ نے رواں سال اپریل میں غزہ جنگ کے خلاف ہارورڈ کیمپس میں ہونے والے مظاہروں کے دوران مبینہ طور پریہودی اور اسرائیلی طلبہ کے تحفظ میں ناکامی کو جواز بنا کر ہارورڈ یونیورسٹی کے لیے مختص دو ارب ڈالر سے زائد کی رقم روک لی تھی۔
ہارورڈ کی جانب سے الزامات کی تردید
ہارورڈ یونیورسٹی نے ان الزامات کو مسترد کرتے ہوئے مؤقف اختیار کیا کہ ٹرمپ حکومت کا اصل مقصدیونیورسٹی کی خودمختاری پر اثر انداز ہونا ہے، تاکہ ادارے کی بھرتیوں، داخلہ پالیسی اور نصاب پر سیاسی اثر و رسوخ قائم کیا جا سکے۔
عدالتی فیصلے کی تفصیل
بوسٹن کی وفاقی جج ایلیسن بوروغز نے بدھ کے روز اپنے فیصلے میں کہا کہ عدالت ٹرمپ انتظامیہ کے وہ تمام احکامات کالعدم قرار دیتی ہے جو ہارورڈ کے فنڈز منجمد یا منسوخ کرنے سے متعلق تھے، کیونکہ یہ امریکہ کے آئین کی پہلی ترمیم (آزادیِ اظہار) کی خلاف ورزی کرتے ہیں۔انہوں نے واضح کیا کہ14 اپریل 2025 یا اس کے بعد جاری کیے گئے تمام احکامات غیر مؤثر سمجھے جائیں گے، اور مستقبل میں بھی اسی نوعیت کے اقدامات غیر آئینی تصور ہوں گے۔
انتظامیہ کی جانب سے اپیل کا اعلان
ٹرمپ انتظامیہ کے ترجمان نے عدالتی فیصلے پر ردعمل دیتے ہوئے کہا کہ وہ اس کے خلاف اعلیٰ عدالت میں اپیل کریں گے۔ ترجمان کا کہنا تھا کہ حکومت نے اپنا اقدام قانونی دائرہ اختیار میں رہتے ہوئے کیا تھا تاکہ طلبہ کو محفوظ تعلیمی ماحول فراہم کیا جا سکے۔
ذریعہ
ذریعہ: Daily Mumtaz
کلیدی لفظ: ٹرمپ انتظامیہ
پڑھیں:
وفاقی آئینی عدالت: پولٹری فیڈ ملز سے 4 فیصد اضافی ٹیکس کی وصولی غیرقانونی قرار
اسلام آباد (ڈیلی پاکستان آن لائن) بجٹ سے چند روز قبل ہی آئینی عدالت سے حکومت کو ریونیو کی مد میں بڑا جھٹکا، وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی۔
نجی وی چینل دنیا نیوز کے مطابق وفاقی آئینی عدالت نے غیر رجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا۔ جسٹس عامر فاروق کی سربراہی میں دو رکنی بنچ نے فیصلہ جاری کیا۔
وفاقی آئینی عدالت نے اپنے فیصلے میں کہا کہ ٹیکس قانون کے سیکشن 31 اے میں ابہام ہے، حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا، اضافی ٹیکس سال 2024 کے فنانس ایکٹ کی مد میں وصول کیا جا رہا تھا۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
فیصلے میں کہا گیا کہ قانون کے مطابق پولٹری فارمز کو ٹیکس سے مستثنیٰ قرار دیا گیا ہے، قانون کے مطابق استثنی ملنے پر پولٹری فارمز رجسٹریشن کے پابند نہیں ہیں، قانون غیررجسٹرڈ پولٹری فارمز کو مکمل تحفظ فراہم کرتا ہے۔
وفاقی آئینی عدالت نے فیصلے میں مزید لکھا کہ رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی۔
وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔ لاہور ہائیکورٹ نے پولٹری فیڈ ملز سے 4 فیصد اضافی ٹیکس کی وصولی کو درست قرار دیا تھا۔ پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
ڈیل مکمل جھوٹ ہے ، پی ٹی آئی کوئی ڈیل نہیں کررہی، عمران خان کو خاموش کروانے کے لیے قید تنہائی میں رکھاگیا ہے،علیمہ خان
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ