رینجرزنے چھاپہ مار کر اغوا برائے تاوان کے مفرور ملزم کو گرفتار کرلیا
اشاعت کی تاریخ: 6th, September 2025 GMT
پاکستان رینجرز (سندھ) نے خفیہ اطلاع پر چھاپہ مار کارروائی کے دوران مچھر کالونی سے شہریوں کے اغوا میں ملوث بدنام زمانہ ملزم محمد نور عرف منا ڈانسر ولد عبدالشکور کو گرفتار کرلیا۔ رینجرز نے گرفتار ملزم کے قبضے سے غیر ملکی کرنسی اور موبائل فون بھی برآمد کرلیا۔
ترجمان رینجرز کے مطابق گرفتار ملزم کے خلاف جمشید کوارٹر تھانے میں اغوا برائے تاوان کا مقدمہ درج ہے جبکہ گزشتہ ماہ 14 اگست کو ملزم اور اس کے دیگر ساتھیوں نے مزار قائد سے 15 سالہ راشد بلیدی کو اغوا کرنے کی کوشش کی تھی جس میں ملزم کے دیگر 7 ساتھیوں عامر علی ، بلال علی ، فیصل رانا ، محمد نعمان ، فرید الحق ، محمد نور اور ملزمہ گلزارہ شبیر رینجرز کے ہاتھوں گرفتار ہو چکے ہیں جبکہ ملزم محمد نور موقع سے فرار ہونے میں کامیاب ہو گیا تھا۔
ترجمان کے مطابق ابتدائی تفتیش کے دوران گرفتار ملزم محمد نور نے انکشاف کیا ہے کہ وہ اغوا برائے تاوان ، پولیس مقابلوں ، اقدام قتل اور چوری کی متعدد وارداتوں میں ملوث ہے جبکہ ملزم نے دوران تفتیش اعتراف بھی کیا ہے کہ وہ اپنے ایک ساتھی محمد آصف ولد اکبر کے ساتھ ملکر یکم اگست 2025 کو کراچی کے علاقے جمعہ گوٹھ ابراہیم حیدری کورنگی سے ایک 19 سالہ عورت مسکان زوجہ عمیر کو اغوا کر نے میں بھی ملوث ہے جس کا مقدمہ ابراہیم حیدری تھانے میں درج ہے اور اس مقدمے میں بھی وہ مفرور اور پولیس کو مطلوب تھا ۔ گرفتار ملزم عادی جرائم پیشہ ہے اور متعدد بار گرفتار ہو کر جیل بھی جا چکا ہے ، ملزم کے خلاف کراچی کے مختلف تھانوں میں متعدد مقدمات درج ہیں ، ترجمان رینجرز کے مطابق گرفتار ملزم کو برآمد شدہ سامان کے ساتھ مزید قانونی کارروائی کے لیے پولیس کے حوالے کر دیا گیا ہے ۔
ترجمان نے عوام سے اپیل ہے کہ ایسے عناصر کے بارے میں فوری طور پر قریبی رینجرز چیک پوسٹ ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال اور میسج کر کے اطلاع دیں ان کا نام صیغہ راز میں رکھا جائے گا۔
.
ذریعہ
ذریعہ: Express News
کلیدی لفظ: گرفتار ملزم ملزم کے
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ