یوم دفاع پر شوبز ستاروں اور قومی کھلاڑیوں کا وطن کے محافظوں کو خراج تحسین
اشاعت کی تاریخ: 6th, September 2025 GMT
پاکستان بھر میں یومِ دفاع اور معرکۂ حق کی یاد تازہ کرنے کے موقع پر شوبز اور کھیلوں سے تعلق رکھنے والی نامور شخصیات نے اپنے پیغامات میں شہداء اور غازیوں کی قربانیوں کو خراجِ عقیدت پیش کیا اور پاک فوج کے ساتھ اپنی یکجہتی کا اظہار کیا۔
یہ دن 6 ستمبر 1965 کی یاد دلاتا ہے جب پاکستان کے بہادر سپوتوں نے دشمن کے ناپاک عزائم ناکام بناتے ہوئے وطن کا دفاع کیا۔ اس موقع پر مختلف ستاروں نے اپنے خیالات کا اظہار کیا اور قوم کو یاد دلایا کہ شہداء کی قربانیاں کبھی فراموش نہیں کی جا سکتیں۔
اداکار اعجاز اسلم نے کہا کہ 6 ستمبر کا دن ہمیشہ یاد دلاتا ہے کہ پاک فوج نے معرکۂ حق میں کس طرح دشمن کو شکست دی۔ پوری قوم اپنی افواج کو خراجِ تحسین پیش کرتی ہے۔
قومی کرکٹ ٹیم کے بولر وہاب ریاض نے اس دن کو ہیروز کو یاد کرنے کا دن قرار دیتے ہوئے کہا کہ پاکستان کی کامیابی ان شہداء کی مرہونِ منت ہے جنہوں نے اپنی جانوں کا نذرانہ پیش کیا۔
سابق کپتان سرفراز احمد نے اپنے پیغام میں کہا کہ آج ہم ان ہیروز کو سلام کرتے ہیں جنہوں نے پاکستان کی خاطر اپنی جانوں کی قربانی دی اور ہمیں آزادی اور وقار کے ساتھ جینے کا حق دیا۔
کھلاڑی فواد عالم نے اپنے خیالات کا اظہار کرتے ہوئے کہا کہ شہداء اور غازیوں کی قربانیوں کی یاد ہمیں اس بات کا عہد دلاتی ہے کہ وطن کی حفاظت ہر شہری کی مشترکہ ذمہ داری ہے۔
ان پیغامات سے یہ واضح ہوتا ہے کہ شوبز اور کھیلوں کے ستارے بھی پوری قوم کے ساتھ مل کر افواجِ پاکستان کو سلام پیش کرتے ہیں اور اس عہد کو دہراتے ہیں کہ وطن کے دفاع کے لیے سب ایک ہیں۔
Post Views: 7.
ذریعہ
ذریعہ: Daily Mumtaz
پڑھیں:
کوہستان اسکینڈل منظر عام پر لانے والے صحافی کو اعزاز سے نواز دیا گیا
فائل فوٹوچیئرمین قومی احتساب بیورو (نیب) لیفٹیننٹ جنرل (ر) نذیر احمد نے کوہستان اسکینڈل منظر عام پر لانے والے صحافی کو اعزاز سے نواز دیا۔
کوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبرپختونخوا حکومت کے حوالے کردیے جبکہ مزید ریکوری کا عمل جاری ہے۔
پشاور میں ایک خصوصی تقریب کے دوران لیفٹیننٹ جنرل (ر) نذیر احمد نے جنگ اور جیو گروپ کے سینئر صحافی ارشد عزیز ملک کو خصوصی شیلڈ اور سرٹیفکیٹ دیا۔
جنگ اور جیو نے 30 اپریل 2025ء کو کوہستان میں سرکاری بینک اکاؤنٹس سے 40 ارب روپے کی خرد برد کی خبر بریک کی تھی، کوہستان اسکینڈل ملکی تاریخ کا بڑا مالیاتی اسکینڈل تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ