پاکستان میں انٹرنیٹ سروس سست، وضاحت جاری
اشاعت کی تاریخ: 6th, September 2025 GMT
ملک بھر میں انٹرنیٹ صارفین کو سروس کی سست رفتاری کا سامنا ہے، جس پرپی ٹی سی ایل (پاکستان ٹیلی کمیونیکیشن کمپنی لمیٹڈ) کی جانب سے وضاحتی بیان سامنے آ گیا ہے۔
پی ٹی سی ایل کے ترجمان کے مطابق،سعودی عرب کے قریب سمندر میں سب میرین کیبلز کو نقصان پہنچا ہے جس کی وجہ سے انٹرنیٹ کی بین الاقوامی بینڈوڈتھ عارضی طور پر متاثر ہوئی ہے۔
ترجمان نے بتایا کہ سب میرین کیبل نظام میں جزوی خلل کے باعث کچھ صارفین کومصروف اوقات میں سروس میں سست روی کا سامنا ہو سکتا ہے۔ تاہم، صورتحال کو بہتر بنانے کے لیے اقدامات جاری ہیں۔
بین الاقوامی شراکت دار ادارے مسئلے کے حل پر فوری طور پر کام کر رہے ہیں۔پی ٹی سی ایل کی مقامی ٹیمیں متبادل بینڈوڈتھ کے ذریعے صارفین پر اثرات کم کرنے کی کوشش کر رہی ہیں۔
پی ٹی سی ایل ترجمان نے صارفین سےتعاون اور صبر پر شکریہ ادا کرتے ہوئے یقین دلایا ہے کہ انٹرنیٹ سروس کی مکمل بحالی جلد ممکن بنائی جائے گی۔
ذریعہ: Daily Mumtaz
کلیدی لفظ: ٹی سی ایل
پڑھیں:
کشمیری عوام کو گزشتہ 78برس سے حل طلب تنازعہ کشمیر کی وجہ سے شدید مشکلات کا سامنا ہے، حریت کانفرنس
عبدالرشید منہاس نے سرینگر سے ایک بیان میں کہا کہ بھارت نے کشمیری عوام پر ظلم و جبر کے تمام ریکارڈ توڑ دیے ہیں مگر اس کے باوجود کشمیری عوام کے جذبہ حریت کو کمزور کرنے میں ناکام رہا ہے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے کہا ہے کہ کشمیری عوام کو گزشتہ 78 برس سے دیرینہ تنازعہ کشمیر حل نہ ہونے کی وجہ سے شدید مشکلات کا سامنا ہے۔ ذرائع کے مطابق حریت کانفرنس کے ترجمان ایڈووکیٹ عبدالرشید منہاس نے سرینگر سے ایک بیان میں کہا کہ کشمیری عوام گزشتہ 78 برس سے اس حل طلب تنازعے کی قیمت ادا کر رہے ہیں۔ انہوں نے کہا کہ بھارت نے کشمیری عوام پر ظلم و جبر کے تمام ریکارڈ توڑ دیے ہیں مگر اس کے باوجود کشمیری عوام کے جذبہ حریت کو کمزور کرنے میں ناکام رہا ہے۔ انہوں نے کہا کہ بھارتی قابض افواج کے ہاتھوں کشمیریوں کا قتل عام مسلسل جاری ہے۔ تین ہزار سے زائد کشمیری، جن میں بیشتر حریت قائدین شامل ہیں کو سیاسی انتقام کا نشانہ بنانے کیلئے جیلوں میں قید رکھا ہوا ہے۔ انہوں نے کہا کہ کشمیری نظربندوں کی قید کو طول دینے اور مقبوضہ علاقے میں خوف و دہشت کا ماحول قائم کرنے کیلئے ان کے خلاف کالے قوانین کے تحت مقدمات قائم کئے گئے ہیں۔ حریت ترجمان نے کہا کہ عالمی برادری کو اقوام متحدہ کی قراردادوں اور کشمیری عوام کی خواہشات کے مطابق تنازعہ کشمیر کے حل کے لیے فوری مداخلت کرنی چاہیے۔ انہوں نے مزید کہا کہ مقبوضہ کشمیر میں جاری وحشیانہ ظلم و تشدد دنیا کے ضمیر کو جھنجھوڑنے کیلئے کافی ہے اور عالمی برادری کو بھارتی حکومت کے ظلم و تشدد کا فوری نوٹس لینا چاہیے۔ حریت ترجمان نے کہا کہ تنازعہ کشمیر کا اقوام متحدہ کی قراردادوں کے مطابق حل ہی کشمیری عوام کے دکھوں کے مداوے کا واحد راستہ ہے۔
استنبول مذاکراتی عمل دوبارہ شروع ہونے کے اعلان نے عالمی میڈیا میں دوبارہ توجہ حاصل کرلی