ٹوائلٹ میں موبائل کا استعمال کون سی خطرناک بیماری کا سبب بن سکتا ہے؟
اشاعت کی تاریخ: 7th, September 2025 GMT
نئی تحقیق کے مطابق ٹوائلٹ پر بیٹھے ہوئے موبائل فون استعمال کرنے سے بواسیر کا خطرہ بڑھ سکتا ہے۔
ایک امریکی جرنل پلوس ون میں شائع ہونے والی اس تحقیق میں بتایا گیا ہے کہ جو افراد ٹوائلٹ میں اسمارٹ فون استعمال کرتے ہیں ان میں بواسیر ہونے کا امکان 46 فیصد زیادہ ہے۔
ماہرین کے مطابق موبائل فون استعمال کرنے سے لوگ ٹوائلٹ میں زیادہ دیر بیٹھے رہتے ہیں جس سے بڑی آنت پر دباؤ بڑھتا ہے اور بواسیر کی شکایت پیدا ہوسکتی ہے۔
یہ بھی پڑھیے: بڑی آنت کا کینسر: پہلی علامت جسے اکثر لوگ نظر انداز کردیتے ہیں
تحقیق کی سربراہ ڈاکٹر ٹرشا پاسریچا کا کہنا ہے کہ ہم اب بھی یہ جاننے کی کوشش کر رہے ہیں کہ اسمارٹ فون اور جدید طرزِ زندگی ہماری صحت پر کس طرح اثرانداز ہوتے ہیں۔ ممکن ہے کہ ان کا استعمال باتھ روم میں غیر ارادی طور پر ہماری صحت کے مسائل میں اضافہ کر رہا ہو۔
اس مطالعے میں 125 بالغ افراد کو شامل کیا گیا جو کالونوسکوپی کے لیے اسپتال آئے تھے۔ ان میں سے 43 فیصد افراد بواسیر کے شکار پائے گئے۔ 66 فیصد شرکا نے بتایا کہ وہ ٹوائلٹ میں اسمارٹ فون استعمال کرتے ہیں۔
اسمارٹ فون استعمال کرنے والوں میں سے 37 فیصد افراد 5 منٹ سے زیادہ ٹوائلٹ میں بیٹھتے ہیں جبکہ بغیر موبائل استعمال کرنے والوں میں یہ شرح صرف 7 فیصد تھی۔
ڈاکٹر پاسریچا نے مشورہ دیا ہے کہ ٹوائلٹ میں موبائل فون لے کر نہ جائیں اور کوشش کریں کہ چند منٹ میں ہی باہر آجائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمارٹ فون بڑی آنت کا کینسر بواسیر ٹوائلٹ موبائل فون.
ذریعہ
ذریعہ: WE News
کلیدی لفظ: اسمارٹ فون بڑی آنت کا کینسر بواسیر ٹوائلٹ موبائل فون استعمال کرنے فون استعمال موبائل فون ٹوائلٹ میں اسمارٹ فون
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ