سندھ بلڈنگ ،ماڈل کالونی غیر قانونی تعمیرات کا گڑھ بن گیا
اشاعت کی تاریخ: 19th, September 2025 GMT
سمیع جلبانی اور ذوالفقار بلیدی مافیا کے سرپرست ،اعلیٰ حکام خاموش تماشائی
علاقہ مکینوں کا احتجاج شدت اختیار کرنے لگا،قومی خزانے کو اربوں کا نقصان
ماڈل کالونی میں غیر قانونی تعمیرات کا سیلاب امڈ آیا ہے ، جہاں بغیر نقشے اور منظوری کے دھڑلے سے عمارتیں کھڑی کی جارہی ہیں۔ مقامی شہریوں نے الزام عائد کیا ہے کہ اس مکروہ دھندے کے پیچھے سندھ بلڈنگ کنٹرول اتھارٹی کے ڈائریکٹر سمیع جلبانی اور اسسٹنٹ ڈائریکٹر ذوالفقار بلیدی کا گٹھ جوڑ ہے ، جو بلڈر مافیا کے سہولت کار بنے ہوئے ہیں۔جرأت سروے ٹیم کو حاصل ہونے والی معلومات کے مطابق خطیر رقم بٹورنے کے بعد تعمیراتی مافیا کو کھلی چھوٹ فراہم کی گئی ہے ۔ قومی خزانے کو اربوں روپے کا نقصان پہنچ رہا ہے جبکہ رہائشی علاقوں میں تجارتی تعمیرات نے شہریوں کی زندگی اجیرن بنادی ہے ۔شیٹ نمبر 1پلاٹ 50/4 جبکہ شیٹ نمبر 5 کے پلاٹ 44/5 پر بغیر اندراج کے جاری خلاف ضابطہ تعمیرات کو انتظامیہ کی سرپرستی حاصل ہے ۔گزشتہ روز علاقہ مکینوں نے غیر قانونی تعمیرات کے خلاف شدید احتجاج کرتے ہوئے نعرے بازی کی اور الزام لگایا کہ اعلیٰ افسران کی سرپرستی کے بغیر یہ سب کچھ ممکن ہی نہیں۔ مظاہرین نے ڈی جی سندھ بلڈنگ کنٹرول اتھارٹی اور دیگر حکام کو بھی نشانہ بنایا اور کہا کہ ان کی خاموشی دراصل ملی بھگت کا واضح ثبوت ہے ۔احتجاجی شہریوں نے خبردار کیا ہے کہ اگر فوری کارروائی نہ کی گئی تو احتجاج مزید شدت اختیار کرے گا اور ذمہ داران کو عوامی عدالت میں جواب دینا پڑے گا۔عوامی حلقوں نے واضح اعلان کیا ہے کہ ماڈل کالونی کو مافیا کے ہاتھوں یرغمال نہیں رہنے دیا جائے گا۔
.ذریعہ: Juraat
پڑھیں:
پنجاب اسمبلی میں شوگر مافیا تنقید کی زد میں کیوں؟
پنجاب اسمبلی میں شوگر انڈسٹری ایک بار پھر شدید تنقید کی زد میں آ گئی۔ ضلع فیصل آباد سے مسلم لیگ (ن) کے رکن صوبائی اسمبلی راؤ کاشف نے ایوان میں شوگر ملز مالکان کے رویے پر سخت احتجاج کیا اور کہا کہ فیصل آباد شوگر بیلٹ کا مرکز ہے، وہاں کسانوں کی صورتحال نہایت تشویشناک ہے۔
راؤ کاشف نے ایوان کو بتایا کہ شوگر ملز مالکان زمینداروں کو ادائیگیاں نہیں کر رہے، حالانکہ چینی کی قیمت میں مسلسل اضافہ ہوا ہے۔ انہوں نے سوال اٹھایا کہ شوگر ملز مالکان تو قیمت بڑھنے کے باوجود بات ماننے کو تیار نہیں، کسان کہاں جائیں؟
مزید پڑھیں: مزید چینی درآمد کرنے کے لیے ٹینڈر جاری، پاکستانی کتنی چینی استعمال کرتے ہیں؟
رکن اسمبلی نے حالیہ سیلابی تباہ کاریوں کا حوالہ دیتے ہوئے کہا کہ کسانوں کی فصلیں پانی میں بہہ گئیں، ان کے پاس کوئی ذریعہ معاش نہیں بچا، لیکن شوگر ملز اب بھی ادائیگیوں سے انکاری ہیں۔
انہوں نے الزام لگایا کہ ڈپٹی کمشنر اور مقامی انتظامیہ شوگر ملز مالکان کے سامنے بے بس ہو چکی ہے اور مطالبہ کیا کہ شوگر کین کمشنر کو فوری طور پر اسمبلی میں طلب کیا جائے۔
مزید پڑھیں: لاہور میں چینی کا شدید بحران، سعد رفیق کا شوگر مافیا کیخلاف کارروائی کا مطالبہ
ایک رپورٹ کے مطابق 25-2024 کے کرشنگ سیزن میں شوگر ملز مالکان نے چینی کی برآمد اور مقامی مارکیٹ پالیسیوں کے ذریعے قریباً 300 ارب روپے منافع کمایا، مگر کسانوں کو بروقت ادائیگیاں نہیں کی گئیں۔
اسپیکر پنجاب اسمبلی ملک احمد خان نے بھی صورتحال پر شدید برہمی کا اظہار کیا۔ انہوں نے سوال اٹھایا کہ شوگر ملز مالکان کسانوں کو ادائیگیاں کیوں نہیں کر رہے؟ نیا کرشنگ سیزن شروع ہونے والا ہے اور پرانے واجبات ابھی تک ادا کیوں نہیں کیے گئے؟ اسپیکر نے شوگر کین کمشنر سے اس معاملے پر فوری جواب طلب کرلیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی پنجاب اسمبلی رکن صوبائی اسمبلی راؤ کاشف شوگر مافیا فیصل آباد مسلم لیگ ن ملک احمد خان
وفاقی کابینہ کا نئے گیس کنکشنز پر عائد پابندی ختم کرنے کا فیصلہ