پاک، سعودی معاہدہ :’’آباد‘‘ کی صدر،وزیراعظم اور فیلڈمارشل کو مبارکباد
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)ایسوسی ایشن آف بلڈرز اینڈ ڈیولپرز (آباد) کے چیئرمین محمد حسن بخشی نے پاکستان اور سعودی عرب کے درمیان طے پانے والے اسٹریٹیجک دفاعی معاہدے کو ملک کی کاروباری و تعمیراتی برادری کے لیے تاریخی سنگ میل قرار دیتے ہوئے کہا ہے کہ یہ معاہدہ نہ صرف دونوں برادر ممالک کے درمیان دفاعی تعاون کو نئی وسعت دے گا بلکہ اس کے دور رس اثرات خطے کی سیاست، معیشت اور عالمی تعلقات پر بھی مرتب ہوں گے،اس تاریخی معاہدے کی تکمیل پر صدر آصف علی زرداری،وزیراعظم میاں شہباز شریف، فیلڈمارشل سید عاصم منیر اور پوری کابینہ کو مبارکباد دیتے ہیں۔آباد کے جاری بیان میں محمدحسن بخشی نے کہا کہ وزیر اعظم میاں شہباز شریف اور سعودی ولی عہد شہزادہ محمد بن سلمان کے درمیان اس معاہدے کا طے پانا دنیا کے لیے ایک واضح پیغام ہے کہ پاکستان اور سعودی عرب کی سلامتی اور دفاع ایک دوسرے سے جڑے ہوئے ہیں۔ چیئرمین آباد کا کہنا ہے کہ یہ اسٹریٹیجک دفاعی معاہدہ پاکستان کی سفارتی قوت اور قیادت کے دانشمندانہ فیصلوں کا واضح ثبوت ہے۔ انھوں نے کہا کہ یہ صرف دفاعی معاہدہ نہیں بلکہ اسلامی دنیا کے اتحاد اور مشترکہ طاقت کی علامت ہے۔محمد حسن بخشی نے مزید کہا کہ سعودی ولی عہد شہزاد محمد بن سلمان نے امت مسلمہ کے اتحاد کے لیے قائدانہ کردار ادا کیا ہے جس پر پوری پاکستانی قوم ان کی شکر گزار ہے۔ انھوں نے کہا کہ یہ معاہدہ نہ صرف دفاعی شعبے تک محدود رہے گا بلکہ آنے والے برسوں میں دونوں ملکوں کے درمیان معاشی، صنعتی اور سماجی تعاون کو بھی نئی جہت دے گا۔ انھوں نے کہا کہ پوری امید ہے کہ پاکستان اور سعودی عرب کے درمیان اس نئی شراکت داری سے سرمایہ کاری اور ترقی کے بے شمار مواقع پیدا ہوں گے اور یہ معاہدہ معیشت کو سہارا دینے، روزگار کے نئے مواقع پیدا کرنے اور صنعت و تجارت میں تعاون بڑھانے کا ذریعہ بنے گا۔چیئرمین آباد نے کہا کہ اس وقت پاکستان مشکل معاشی حالات سے دوچار ہے اور ایسے میں سعودی عرب کے ساتھ دفاعی و اسٹریٹیجک تعلقات کا نیا باب کھلنا خوش آئند ہے، اس شراجت دارء ست سرمایہ کاری کے نئے دروازے کھلیں گے اور تعمیرات سمیت مختلف صنعتوں میں ترقی کی راہیں ہموارہوں گی۔چیئرمین آباد حسن بخشی نے کہا کہ قوم وزیر اعظم اور افواجِ پاکستان کی قیادت پر فخر کرتی ہے جنھوں نے اس معاہدے کو ممکن بنایا۔پاکستان کی سیاسی و عسکری قیادت نے نہایت دانشمندی سے مسلم دنیا کے سب سے اہم ملک کے ساتھ تعلقات کو ایک نئے مرحلے میں داخل کیا ہے۔اس معاہدے سے دنیا کو یہ بھی پیغام گیا ہے کہ پاکستان اور سعودی عرب کے دفاعی تعلقات صرف دو ممالک تک محدود نہیں بلکہ پوری امت مسلمہ کی سلامتی اور یکجہتی کا مظہر ہیں۔ جب مسلم دنیا متحد ہوگی تو دنیا کے کسی کونے میں بھی امت مسلمہ کو کمزور نہیں کیا جا سکے گا۔حسن بخشی نے آخر میں کہا کہ یہ شراکت داری طویل المدتی بنیادوں پر خطے کے لیے امن، ترقی اور خوشحالی کا ذریعہ بنے گی اور تاریخ اس معاہدے کو پاکستان-سعودی تعلقات کے ایک نئے دور کے آغاز کے طور پر یاد رکھے گی۔
.ذریعہ: Jasarat News
کلیدی لفظ: پاکستان اور سعودی عرب سعودی عرب کے کے درمیان اس معاہدے نے کہا کہ دنیا کے کے لیے
پڑھیں:
وزیراعظم شہباز شریف کا بابا گرو نانک دیو جی کے 556ویں یومِ ولادت پر سکھ برادری کے نام خیرسگالی کا پیغام
وزیراعظم محمد شہباز شریف نے بابا گرو نانک دیو جی کے 556ویں یومِ ولادت کے موقع پر پاکستان اور دنیا بھر میں بسنے والی سکھ برادری کو دلی مبارکباد پیش کی ہے۔
اپنے پیغام میں وزیراعظم نے کہا کہ بابا گرو نانک دیو جی نہ صرف سکھ مت کے بانی اور اکابرین میں سے ہیں بلکہ وہ امن، برابری، رواداری اور انسانیت کے علمبردار تھے جن کی تعلیمات آج بھی پوری انسانیت کے لیے رہنمائی کا سرچشمہ ہیں۔
مزید پڑھیں: بابا گرو نانک جنم دن تقریبات: وزیراعلیٰ پنجاب مریم نواز کا سکھ یاتریوں کا خیر مقدم
وزیراعظم نے کہا کہ بابا گرو نانک کا پیغام جو محبت، بے لوث خدمت، اور بین المذاہب ہم آہنگی پر مبنی ہے، نسلوں کو اتحاد اور امن کا درس دیتا ہے اور ایک انصاف پسند دنیا کے قیام کے لیے مشعلِ راہ ہے۔
انہوں نے کہا کہ پاکستان کو فخر ہے کہ وہ بابا گرو نانک دیو جی کی زندگی اور تعلیمات سے منسلک مقدس مقامات، خصوصاً گوردوارہ جنم آستان ننکانہ صاحب کی حفاظت کر رہا ہے۔
حکومتِ پاکستان تمام مذہبی اقلیتوں کے حقوق کے تحفظ کے لیے پرعزم ہے اور زائرین کو ہر ممکن سہولیات فراہم کر رہی ہے تاکہ وہ آزادی اور احترام کے ساتھ اپنے مذہبی فریضے انجام دے سکیں۔
مزید پڑھیں: بابا گورو نانک کے جنم دن کی تقریبات، صوبائی وزرا اور اعلیٰ حکام کا ننکانہ صاحب کا دورہ
وزیراعظم نے مزید کہا کہ پاکستان ہر سال دنیا بھر سے آنے والے سکھ یاتریوں کو خوش آمدید کہتا ہے اور ان کے لیے مکمل انتظامات کرتا ہے۔
انہوں نے اس موقع پر پوری قوم سے اپیل کی کہ وہ بابا گرو نانک کے پیغامِ امن، رواداری اور باہمی ہم آہنگی سے سبق حاصل کریں اور ایک ایسی دنیا کے قیام کے لیے کوشاں رہیں جو اتحاد، باہمی احترام اور امن کی علامت ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
556ویں یومِ ولادت بابا گرو نانک دیو جی پاکستان سکھ برادری وزیراعظم محمد شہباز شریف
ڈکشنری ڈاٹ کام نے 2025 کیلئے منفرد لفظ “سکس۔سیون”67 منتخب کرلیا