صدر آصف زرداری دورۂ چین سے وطن واپس پہنچ گئے
اشاعت کی تاریخ: 21st, September 2025 GMT
صدرِ مملکت آصف علی زرداری—فائل فوٹو
صدرِ مملکت آصف علی زرداری چین کے دورے کے بعد وطن واپس پہنچ گئے۔
صدر زرداری نے چین میں چنگدو، شنگھائی، اُرومچی اور کاشغر کے دورے کیے اور صوبائی قیادت سے ملاقاتیں کیں۔
آصف زرداری نے ملاقاتوں میں پاک چین تعلقات، سی پیک اور مستقبل کی راہداریوں پر تبادلۂ خیال کیا۔
صدرِ مملکت کی ملاقاتوں میں علاقائی امن، ترقی اور تعاون پر بھی بات چیت ہوئی اور کئی ایم او یوز پر دستخط کیے گئے۔
اعلامیے کے مطابق صدر آصف علی زرداری نے اپنے دورۂ چین کے دوران دونوں مملک کی اسٹریٹجک شراکت داری کے عزم کی تجدید کی ہے۔
.ذریعہ: Jang News
پڑھیں:
صدر مملکت آصف علی زرداری نے سینیٹ اجلاس کل شام 5 بجے طلب کر لیا
اسلام آباد(نیوز ڈیسک )صدر مملکت آصف علی زرداری نے سینیٹ اجلاس کل شام 5 بجے طلب کر لیا۔سینیٹ سیکرٹریٹ نے اجلاس طلبی کا باضابطہ نوٹی فکیشن جاری کر دیا۔
بعد ازاں، سینیٹ اجلاس کا 18 نکاتی ایجنڈا جاری کر دیا گیا۔
ایجنڈے میں مختلف وزارتوں سے متعلق سوالات اور اہم قانون سازی شامل ہے، جبکہ سینیٹر شیری رحمٰن ماحولیاتی تبدیلی کمیٹی کی 2 رپورٹس پیش کریں گی۔
اسی طرح ایجنڈے کے مطابق سینیٹر عرفان صدیقی خارجہ امور کمیٹی کی رپورٹ پیش کریں گے، اسی طرح سینیٹر عون عباس یوٹیلٹی اسٹورز کارپوریشن کی بندش پر رپورٹ ایوان میں رکھیں گے۔
مزید بتایا گیا کہ سینیٹر رانا محمود الحسن نیشنل اسکول آف پبلک پالیسی ایکٹ میں ترمیمی بل پیش کریں گے جبکہ وزیرِ قانون اعظم نذیر تارڑ قانونِ شہادت (ترمیمی) بل 2025 پیش کریں گے۔
وزیرِ خزانہ محمد اورنگزیب ورچوئل ایسٹس آرڈیننس میں 120 روز کی توسیع کی قرارداد پیش کریں گے، اسی طرح وفاقی وزیرِ داخلہ محسن نقوی فرنٹیر کانسٹیبلری (تنظیمِ نو) آرڈیننس 2025 ایوان میں رکھیں گے۔
وفاقی وزیرِ تعلیم خالد مقبول صدیقی کنگ حمد یونیورسٹی نرسنگ بل اور دانش اسکول اتھارٹی بل پیش کریں گے جبکہ وزیرِ سرمایہ کاری قیصر احمد شیخ آسان کاروبار بل 2025 سینیٹ میں پیش کریں گے۔
شہر قائد میں زلزلے کے جھٹکے