پاکستان کشمیری عوام کا وکیل، مسئلہ کشمیر کا اہم فریق اور ان کی امیدوں کا محور و مرکز ہے، عزیز غزالی
اشاعت کی تاریخ: 22nd, September 2025 GMT
میڈیا کے نام جاری کیے گئے ایک بیان میں کہا کہ اقوامِ متحدہ اور او آئی سی جیسے عالمی فورمز پر پاکستان نے ہمیشہ کشمیری عوام کے حقِ خودارادیت کی بھرپور وکالت کی، جبکہ بھارت کے جبر و استبداد کے سامنے ایک آہنی دیوار بن کر کھڑا رہا۔ اسلام ٹائمز۔ پاسبانِ حریت جموں و کشمیر کے چیئرمین عزیر احمد غزالی نے کہا ہے کہ پاکستان کشمیری عوام کا وکیل، مسئلہ کشمیر کا اہم فریق اور ان کی امیدوں کا محور و مرکز ہے۔ پاکستان کی غیر متزلزل حمایت اور تاریخی کردار کشمیری عوام کے لیے ہمیشہ حوصلہ افزا اور رہنمائی کا ذریعہ رہا ہے۔عزیر احمد غزالی نے میڈیا کے نام جاری کیے گئے ایک بیان میں کہا کہ اقوامِ متحدہ اور او آئی سی جیسے عالمی فورمز پر پاکستان نے ہمیشہ کشمیری عوام کے حقِ خودارادیت کی بھرپور وکالت کی، جبکہ بھارت کے جبر و استبداد کے سامنے ایک آہنی دیوار بن کر کھڑا رہا۔ پاکستان کے ہزاروں نوجوانوں نے مقبوضہ کشمیر کی آزادی کے لیے اپنی جانوں کے نذرانے پیش کیے، جسے کشمیری عوام کبھی فراموش نہیں کر سکتے۔ عزیر احمد غزالی نے کہا کہ پاکستانی عوام دکھ سکھ میں کشمیری عوام کے شانہ بشانہ کھڑے ہیں۔ قائداعظم محمد علی جناح نے کشمیر کو پاکستان کی شہ رگ قرار دیا، جبکہ سید علی گیلانی نے ''ہم پاکستانی ہیں، پاکستان ہمارا ہے'' کا نعرہ مستانہ بلند کر کے کشمیری عوام کے دلوں کی آواز دنیا تک پہنچائی۔
انہوں نے کہا کہ کشمیری نوجوان پاکستان کے سبز ہلالی پرچم کو اپنے سینوں پر سجا کر بھارتی فوج کی گولیوں کا سامنا کرتے ہیں۔ شہداء کی قبروں پر یہ پرچم بچھایا جاتا ہے اور نوجوان اسی پرچم پر نمازیں ادا کرتے ہیں۔ کشمیری عوام کی پاکستان سے والہانہ محبت اور عقیدت اس حقیقت کا ثبوت ہے کہ وہ اپنے مستقبل کو پاکستان کے ساتھ وابستہ سمجھتے ہیں۔چیئرمین پاسبانِ حریت نے مزید کہا کہ مسئلہ کشمیر آج صرف دو کروڑ کشمیریوں کا نہیں بلکہ جنوبی ایشیاء کے امن و استحکام کا بنیادی مسئلہ ہے۔ جب تک یہ تنازعہ حل نہیں ہوتا خطے میں پائیدار امن قائم نہیں ہو سکتا۔ بھارت کے ہٹ دھرمی پر مبنی رویے نے نہ صرف کشمیری عوام کو کچلا بلکہ جنوبی ایشیاء کو ایٹمی خطرات کے دہانے پر لاکھڑا کیا ہے۔
انہوں نے کہا کہ عالمی برادری کی ذمہ داری ہے کہ وہ اقوامِ متحدہ کی قراردادوں پر عملدرآمد یقینی بنائے اور کشمیری عوام کو ان کا حقِ خودارادیت دلائے۔ اس مسئلے کے حل کے بغیر نہ تو عالمی امن ممکن ہے اور نہ ہی خطے میں ترقی و خوشحالی کے دروازے کھل سکتے ہیں۔ عزیر احمد غزالی نے کہا کہ انسانی حقوق کی پامالیوں اور ریاستی دہشت گردی کے باوجود کشمیری عوام بھارت کے غیر قانونی قبضے کو کبھی قبول نہیں کریں گے۔ دنیا بھر کی جمہوری قوتوں کو چاہیے کہ وہ کشمیری عوام کی آواز پر خاموشی اختیار کرنے کے بجائے ان کی جدوجہد آزادی کی حمایت کریں۔ انہوں نے اپنے پیغام میں کہا کہ کشمیری عوام کا ایک ہی نعرہ ہے "کشمیر بنے گا پاکستان"، یہ عزم، محبت اور شہداء کی قربانیوں کا تسلسل ہے جو ایک دن ضرور اپنی منزل کو پہنچے گا۔
ذریعہ
ذریعہ: Islam Times
کلیدی لفظ: عزیر احمد غزالی نے کشمیری عوام کے نے کہا کہ بھارت کے
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ