راولپنڈی میں ڈینگی بے قابو، ایک روز میں مزید 20 مریض رپورٹ
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی میں ڈینگی کے کیسز میں تیز رفتار اضافہ ہورہا ہے، جس نے شہریوں کو ایک بار پھر تشویش میں مبتلا کر دیا ہے۔
تازہ اعداد و شمار کے مطابق راولپنڈی میں گزشتہ 24 گھنٹوں میں مزید 20 مریضوں میں ڈینگی کی تصدیق ہوئی، جس کے بعد شہر میں اس سال رپورٹ ہونے والے کیسز کی مجموعی تعداد 436 تک جا پہنچی ہے۔ خوش آئند امر یہ ہے کہ اب تک کسی ہلاکت کی اطلاع موصول نہیں ہوئی، تاہم 42 مریض تاحال مختلف اسپتالوں میں زیرِ علاج ہیں۔
انسدادِ ڈینگی مہم کے تحت ضلعی انتظامیہ اور محکمہ صحت کی سرگرمیاں تیز کردی گئی ہیں۔ حکام کا کہنا ہے کہ شہر میں سرویلنس ٹیموں کی تعداد بڑھا کر 1499 کردی گئی ہے، جو اب تک 50 لاکھ سے زائد گھروں کی چیکنگ کر چکی ہیں۔ ان کارروائیوں کے دوران گھروں کے ایک لاکھ 40 ہزار سے زائد مقامات سے ڈینگی لاروا برآمد ہوا۔
اسی طرح 13 لاکھ سے زائد مقامات کی اسپاٹ چیکنگ کی گئی، جن میں سے لگ بھگ 19 ہزار مقامات پر ڈینگی لاروا موجود پایا گیا۔ مجموعی طور پر ایک لاکھ 58 ہزار سے زائد مقامات سے لاروا تلف کیا جا چکا ہے۔
ڈینگی ایس او پیز کی خلاف ورزی پر انتظامیہ نے سخت کارروائیاں بھی عمل میں لائیں۔ اب تک 4004 مقدمات درج ہوچکے ہیں، 1738 عمارتوں کو لاروا ملنے پر سیل کیا گیا جبکہ 3333 عمارت مالکان کے خلاف چالان کیے گئے۔ حکام کے مطابق ایس او پیز نہ اپنانے والوں سے قریب ایک کروڑ روپے کے جرمانے بھی وصول کیے گئے ہیں۔
رپورٹس میں بتایا گیا ہے کہ ڈینگی مریضوں اور لاروا کی سب سے زیادہ موجودگی کوٹھا کلاں، کینٹ، خلیل سکھو، چک جلال دین، موہن پورہ، چری اور ڈھوک علی اکبر جیسے علاقوں میں ریکارڈ کی گئی ہے۔
ضلعی انتظامیہ نے کہا ہے کہ ان علاقوں میں انسدادِ ڈینگی مہم کو مزید مؤثر اور بھرپور بنانے کے لیے خصوصی ٹیمیں تعینات کی گئی ہیں تاکہ وبا کے پھیلاؤ کو روکا جا سکے۔
.
ذریعہ
ذریعہ: Jasarat News
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا