نواب شاہ، قبضہ مافیا ایک بار پھر سرگرم ، سرکاری زمینوں پر قابض
اشاعت کی تاریخ: 31st, October 2025 GMT
data-id="863a0a8" data-element_type="widget" data-widget_type="theme-post-content.default">
نواب شاہ (نمائندہ جسارت) نواب شاہ میں قبضہ مافیا ایک بار پھر سرگرم ہوگیا ہے، جہاں بااثر افراد نے سرکاری اور غیر سرکاری عمارتوں، پلاٹوں اور قیمتی زمینوں پر قبضے شروع کر دیے ہیں۔ شہریوں کی شکایات کے باوجود مقامی انتظامیہ خاموش تماشائی بنی ہوئی ہے۔ اطلاعات کے مطابق قبضہ مافیا کو بعض سیاسی شخصیات اور سرکاری افسران کی پشت پناہی حاصل ہے، جس کے باعث قانون نافذ کرنے والے ادارے بھی کوئی کارروائی کرنے سے گریزاں ہیں۔علاقے کے مختلف محلوں اور تجارتی مقامات پر سرکاری زمینوں پر غیر قانونی تعمیرات تیزی سے جاری ہیں۔ بااثر افراد مبینہ طور پر جعلی دستاویزات کے ذریعے زمینوں پر قبضہ کرکے انہیں فروخت کر رہے ہیں۔ ان عناصر کا دعویٰ ہے کہ انہیں “لیس” سپریم کورٹ کی جانب سے ملی ہے، حالانکہ حقیقت میں ایسی کوئی قانونی اجازت موجود نہیں۔ اس طرح عوام کو گمراہ کرنے اور سرکاری اداروں کو دباؤ میں لانے کی کوشش کی جا رہی ہے۔اس سنگین صورتحال کے خلاف سندھ ترقی پسند پارٹی (ایس ٹی پی) میدان میں آگئی ہے۔ پارٹی رہنماؤں نے نواب شاہ پریس کلب کے سامنے زبردست احتجاجی مظاہرہ کیا، جس میں بڑی تعداد میں کارکنان اور شہریوں نے شرکت کی۔ مظاہرین نے ہاتھوں میں بینرز اور پلے کارڈ اٹھا رکھے تھے جن پر “قبضہ مافیا مردہ باد” اور “سرکاری زمین عوام کی ملکیت ہے” جیسے نعرے درج تھے۔ایس ٹی پی کے مرکزی رہنما ڈاکٹر قادر مگسی نے احتجاجی دھرنے سے خطاب کرتے ہوئے کہا کہ نواب شاہ سمیت پورے سندھ میں قبضہ مافیا نے عوام کا جینا دوبھر کر دیا ہے۔ انہوں نے الزام عائد کیا کہ مقامی حکومتیں اور انتظامیہ ان بااثر افراد کے خلاف کارروائی کرنے کے بجائے ان کی پشت پناہی کر رہی ہیں۔ ان کا کہنا تھا کہ عوامی زمینوں پر ناجائز قبضے کسی بھی صورت برداشت نہیں کیے جائیں گے، اور اگر فوری طور پر کارروائی نہ کی گئی تو سندھ ترقی پسند پارٹی اپنی تحریک کو پورے صوبے میں پھیلا دے گی۔ڈاکٹر قادر مگسی نے مزید کہا کہ سپریم کورٹ کا نام استعمال کرنا ریاستی اداروں کی توہین کے مترادف ہے۔ انہوں نے حکومت سندھ سے مطالبہ کیا کہ قبضہ مافیا کے خلاف فوری آپریشن کیا جائے، غیر قانونی تعمیرات کو مسمار کیا جائے، اور ملوث افسران کے خلاف سخت کارروائی عمل میں لائی جائے۔مظاہرین نے وارننگ دی کہ اگر انتظامیہ نے ایک ہفتے کے اندر اندر قبضے ختم نہ کرائے تو وہ ضلعی دفتر کے باہر دھرنا دیں گے، جس میں نواب شاہ سمیت آس پاس کے اضلاع سے بھی کارکنان شریک ہوں گے۔دوسری جانب شہری حلقوں نے بھی ایس ٹی پی کے احتجاج کی حمایت کا اعلان کیا ہے۔ شہریوں کا کہنا ہے کہ قبضہ مافیا نے عوام کی زندگی اجیرن بنا دی ہے، اور اگر حکومت نے ان کے خلاف کارروائی نہ کی تو حالات مزید خراب ہو سکتے ہیں۔نواب شاہ میں بڑھتی ہوئی غیر قانونی سرگرمیوں نے نہ صرف قانون کی عملداری پر سوالیہ نشان لگا دیا ہے بلکہ عوام کے اعتماد کو بھی شدید نقصان پہنچایا ہے۔ اب دیکھنا یہ ہے کہ حکومت اور انتظامیہ اس مسئلے پر کب اور کیسے حرکت میں آتی ہے، یا پھر قبضہ مافیا اسی طرح طاقت کے زور پر شہریوں کی زمینیں ہڑپ کرتا رہے گا۔
ذریعہ: Jasarat News
کلیدی لفظ: قبضہ مافیا نواب شاہ کے خلاف
پڑھیں:
امریکہ قابض صیہونی رژیم کے کھلے جنگی جرائم کا جواز پیش کرتا ہے، جہاد اسلامی
فلسطینی مزاحمتی تحریک کے ترجمان نے اعلان کیا ہے کہ گذشتہ رات جو کچھ ہوا وہ قابض صیہونی رژیم کیجانب سے جنگبندی معاہدے کی صریح خلاف ورزی تھا اور ہم اس رژیم کے جنگی جرائم کے تسلسل کا ذمہ دار امریکی حکومت کو ٹھہراتے ہیں اسلام ٹائمز۔ فلسطینی مزاحمتی تحریک الجہاد الاسلامی فی فلسطین کے ترجمان محمد الحاج موسی نے اعلان کیا ہے کہ کل رات جو کچھ ہوا وہ قابض صیہونی فوج کی جانب سے جنگ بندی معاہدے کی صریح خلاف ورزی تھا جس کے دوران سفاک صیہونیوں نے غزہ کی پٹی کے مختلف علاقوں بالخصوص بے گھر خاندانوں کی خیمہ بستیوں میں قتل عام اور وحشیانہ بمباری کا ارتکاب کیا ہے۔ فلسطینی خبررساں ایجنسی شہاب کے مطابق محمد الحاج موسی نے کہا کہ عام شہریوں کے خلاف قتل عام کی وسیع کارروائیوں سے ظاہر ہوتا ہے کہ دہشتگردی کی جاری پالیسی کے علاوہ قابض صیہونی فوج غزہ میں عام شہریوں اور معصوم بچوں کے خلاف بھی منظم جارحیت جاری رکھے ہوئے ہے اور اپنے سنگین جرائم کو جواز فراہم کرنے کے لئے بیہودہ اور جھوٹے حیلوں بہانوں کا سہارا لے رہی ہے۔ الجہاد الاسلامی فی فلسطین کے ترجمان نے کہا کہ قابض صیہونیوں نے کسی بھی طرح سے نہ تو انسانی بنیادوں پر اور نہ ہی عملی طور پر، جنگ بندی معاہدے کی ذرہ برابر پاسداری نہیں کی بلکہ وہ روزانہ کی بنیاد پر اس معاہدے کی کھلی خلاف ورزیاں بھی کر رہے ہیں۔
جہاد اسلامی فلسطین کے ترجمان نے کہا کہ جنگ بندی معاہدے کے اعلان کے اولین لمحے سے ہی فلسطینی مزاحمتی گروہوں نے اس کی تمام شرائط پر مکمل عملدرآمد کیا ہے اور معاہدے کی ذرہ برابر خلاف ورزی نہیں کی۔ محمد الحاج موسی نے زور دیتے ہوئے کہا کہ قابض صیہونی، غزہ کی پٹی میں ضروری سازوسامان اور تکنیکی امدادی ٹیموں کے داخلے کو روکنے کے ذریعے، اسرائیلی قیدیوں کی لاشوں کی تلاش میں رکاوٹ ڈال رہے ہیں جبکہ اس نفسیاتی حربے کا مقصد رائے عامہ کو گمراہ اور فلسطینی مزاحمت کو مجرم ظاہر کرنے کی موہوم کوشش ہے۔ انہوں نے مزید کہا کہ یہ ثالثوں کی ذمہ داری ہے کہ وہ قابض صیہونی کابینہ کی جانب سے انجام پانے والی بار بار کی خلاف ورزیوں کے خلاف ٹھوس اور سنجیدہ اقدامات اٹھائیں اور معاہدے پر مکمل عملدرآمد کو یقینی بنائیں۔ انہوں نے کہا کہ ہم قابض رژیم کے مسلسل جرائم کا ذمہ دار امریکی حکومت کو ٹھہراتے ہیں کیونکہ امریکہ کو، اپنی ذمہ داریوں کی تعمیل پر قابض حکومت کو مجبور کرنا چاہیِئے نہ یہ کہ وہ قابض رژیم کی کھلی خلاف ورزیوں کا جواز پیش کرنے لگے! الحاج موسی نے تاکید کرتے ہوئے مزید کہا کہ ہم غزہ کی حمایت میں عالمی عوامی تحریکوں اور دشمن کی کھلی خلاف ورزیوں کے خلاف مذمتی سلسلے کے جاری رکھے جانے پر زور دیتے ہیں کیونکہ قابض صیہونیوں پر دباؤ ڈالنے کا ایک مؤثر ذریعہ؛ یہی عوامی تحریکیں ہیں!
روس کے نئے جوہری میزائل کی کامیاب آزمائش