قصور: دولہے میاں کشتی میں بارات سمیت دلہنیا بیاہ کر گھر لے آئے
اشاعت کی تاریخ: 22nd, September 2025 GMT
دریائے ستلج میں سیلابی صورتحال کے باعث زمینی سفر ناممکن ہے مگر دولہے میاں کشتی کے ذریعے بارات لے کر دُلہنیا بیاہ لائے۔
قصور کے گنجہ کلاں کا رہائشی ماجد ڈوگر نامی شخص اپنی بارات کے ساتھ دُلہن کے گاؤں حجرا شاہ مقیم روانہ ہوئے تو دیکھا سڑکیں سیلابی پانی میں ڈوبی ہوئی ہیں، جب کوئی راستہ نہ ملا تو دولہا اور باراتیوں نے ریسکیو 1122 بوٹ کا سہارا لیا۔
یوں کشتی پر سوار ہو کر بارات اپنی منزل پر جا پہنچی اور یہ منظر دیکھنے والوں کو حیران کر گیا۔
مشکل حالات کے باوجود دولہے میاں اپنی دلہن کو لے کر منزل پر پہنچ ہی گئے۔
بوٹ سروس کی فراہمی پر دولہا کے بھائی اور باراتیوں نے ریسکیو ٹیم کا شکریہ ادا کیا اور نیک تمناؤں کا بھی اظہار کیا۔
یہ انوکھی بارات ناصرف لوگوں کی توجہ کا مرکز بن گئی بلکہ سوشل میڈیا پر بھی موضوعِ بحث بنی ہوئی ہے۔
.ذریعہ: Jang News
پڑھیں:
کراچی: گلبرک میں گھر سے میاں بیوی کی لاشیں برآمد
—فائل فوٹوکراچی کے علاقے گلبرک میں واقع ایک گھر سے میاں بیوی کی لاشیں برآمد ہوئی ہیں۔
پولیس حکام کے مطابق شوہر نے بیوی کو قتل کرنے کے بعد خودکشی کی ہے، ابتدائی معلومات کے مطابق واقعہ گھریلو تنازع کے باعث پیش آیا ہے۔
کراچی ڈیفنس تھانہ کی حدود کالا پل ہزار کالونی بانس...
پولیس کا کہنا ہے کہ شوہر نے مبینہ طور پر بیوی کو چاقو کے وار کر کے قتل کیا، بیوی کو قتل کرنے کے بعد شوہر نے گلے میں پھندا ڈال کر خودکشی کر لی۔
پولیس نے مزید بتایا ہے کہ واقعے کے وقت گھر کا مرکزی دروازہ اندر سے بند تھا، پولیس نے لاشیں اسپتال منتقل کر دی ہیں۔
پولیس حکام مطابق ہلاک ہونے والے میاں بیوی کا آبائی تعلق بہاولپور سے ہے، کیس کے حوالے سے مزید تفتیش جاری ہے۔
بلوچستان میں 142 سال پرانی لیویز فورس کیوں ختم کی گئی؟