پاکستان اور سعودی عرب کے مابین دیرینہ برادرانہ تعلقات مشترکہ مذہبی، اخلاقی اور سماجی اقدار پر مبنی ہیں، سردارایازصادق
اشاعت کی تاریخ: 22nd, September 2025 GMT
اسلام آباد (اُردو پوائنٹ اخبارتازہ ترین - این این آئی۔ 22 ستمبر2025ء)سپیکر قومی اسمبلی سردار ایاز صادق نے پاکستان کی پارلیمان اور عوام کی جانب سے خادم الحرمین الشریفین شاہ سلمان بن عبدالعزیز آل سعود، ولی عہد شہزادہ محمد بن سلمان، شاہی خاندان، مجلس شوریٰ اور سعودی عرب کی برادر عوام کو سعودی عرب کے 95 ویں قومی دن کے پرمسرت موقع پر دلی مبارکباد پیش کی ہے جو 23 ستمبر 2025ء کو منایا جارہا ہے۔
پیر کو اپنے تہنیتی پیغام انہوں نے کہا کہ اس سال کا موضوع سعودی مملکت کی یکجہتی اور شاندار ورثے کا جشن اتحاد، استقامت اور ثقافتی عظمت کے احساس سے گہری مطابقت رکھتا ہے۔سپیکر قومی اسمبلی نے پاکستان اور سعودی عرب کے مابین دیرینہ برادرانہ تعلقات کو اجاگر کرتے ہوئے کہا کہ دونوں ممالک میں تعلقات مشترکہ مذہبی، اخلاقی اور سماجی اقدار پر مبنی ہیں۔(جاری ہے)
انہوں نے سعودی عرب کو ایک کلیدی اسلامی ملک قرار دیتے ہوئے اس کی قیادت اور عوام کو ’’خادمین حرمین شریفین‘‘ کے طور پر زبردست خراج تحسین پیش کیا۔ انہوں نے کہا کہ سعودی عرب دنیا کی اٴْس عظیم ثقافتی اور اخلاقی وراثت کے فروغ اور تحفظ میں نمایاں کردار ادا کر رہا ہے جس سے مسلم امہ گہری عقیدت اور وابستگی رکھتی ہے۔سپیکر قومی اسمبلی سردار ایاز صادق نے 18 ستمبر 2025ء کو پاکستان اور سعودی عرب کے درمیان طے پانے والے سٹریٹجک میوچول ڈیفنس ایگریمنٹ (ایس ایم ڈی ای)" پر دستخط کو ایک تاریخی سنگ میل قرار دیتے ہوئے دونوں برادر ممالک کی اعلیٰ سیاسی و عسکری قیادت کو مبارکباد پیش کی۔ انہوں نے پاکستان کی قیادت جن میں صدر مملکت آصف علی زرداری، وزیراعظم محمد شہباز شریف، نائب وزیراعظم محمد اسحاق ڈار اور فیلڈ مارشل سید عاصم منیر شامل ہیں، کے وژن اور قیادت کو سراہا۔ اسی طرح انہوں نے سعودی عرب کی قیادت خادم الحرمین الشریفین شاہ سلمان بن عبدالعزیز آل سعود، ولی عہد شہزادہ محمد بن سلمان اور مجلس شوریٰ کے سپیکر ڈاکٹر عبداللہ بن محمد آل الشیخ کو بھی اس معاہدے پر مبارکباد دیتے ہوئے کہا کہ یہ معاہدہ دونوں ممالک کے درمیان مشترکہ عزم، باہمی اعتماد اور برادرانہ تعلقات کی مضبوطی کی علامت ہے۔ سپیکر قومی اسمبلی نے اس اعتماد کا اظہار کیا کہ یہ معاہدہ نہ صرف علاقائی سلامتی کو تقویت دے گا بلکہ اجتماعی ترقی و خوشحالی کے نئے باب رقم کرے گا۔ سپیکر قومی اسمبلی نے اللہ تعالیٰ کے حضور دعا کی کہ وہ پورے خطے بالخصوص پاکستان اور سعودی عرب کو پائیدار امن، اتحاد اور ترقی سے نوازے۔ انہوں نے پاکستان کے سعودی عرب کے ساتھ برادرانہ تعلقات کو مزید وسعت دینے کے عزم کو دہرایا۔ڈپٹی سپیکر قومی اسمبلی سید غلام مصطفی شاہ نے بھی سعودی قیادت، مجلسِ شوریٰ اور عوام کو 95 ویں قومی دن کی پرخلوص مبارکباد پیش کی۔ انہوں نے کہا کہ پاکستان اور سعودی عرب کے تعلقات ایمان، اخوت اور باہمی احترام کی اٹوٹ بنیادوں پر قائم ہیں اور عوام پاکستان سعودی عرب کے خادمین حرمین شریفین کے کردار کو گہرے احترام کی نگاہ سے دیکھتے ہیں۔ڈپٹی سپیکر قومی اسمبلی نے مزید کہا کہ سٹریٹجک باہمی دفاعی معاہدہ پر کامیاب دستخط دونوں ممالک کے درمیان سٹریٹجک تعاون اور دفاعی شراکت داری کو فروغ دینے کی جانب ایک تاریخی قدم ہے۔ انہوں نے پاکستان-سعودی تعلقات کے مزید استحکام اور پوری مسلم امہ کی ترقی و استحکام کے لئے دعا کی۔.
ذریعہ
ذریعہ: UrduPoint
کلیدی لفظ: تلاش کیجئے پاکستان اور سعودی عرب کے سپیکر قومی اسمبلی نے برادرانہ تعلقات نے پاکستان اور عوام پیش کی
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار