صدر آصف علی زرداری اور وزیراعظم شہباز شریف کی سعودی عرب کے قومی دن پر سعودی قیادت اور عوام کو مبارکباد
اشاعت کی تاریخ: 23rd, September 2025 GMT
صدر مملکت آصف علی زرداری اور وزیراعظم محمد شہباز شریف نے سعودی عرب کے قومی دن کے موقع پر سعودی قیادت اور عوام کو دلی مبارکباد پیش کی ہے۔ صدر آصف علی زرداری نے اپنے پیغام میں کہا کہ میں خادم الحرمین شریفین شاہ سلمان بن عبدالعزیز، ولی عہد و وزیراعظم شہزادہ محمد بن سلمان اور سعودی عوام کو قومی دن پر دل کی گہرائیوں سے مبارکباد پیش کرتا ہوں۔ یہ دن ہمیں یاد دلاتا ہے کہ سعودی عرب نے اپنی قیادت کی بصیرت اور عزم سے ترقی و استحکام کی نئی مثالیں قائم کی ہیں۔ انہوں نے کہا کہ پاکستان اور سعودی عرب کا رشتہ اعتماد، عقیدت اور بھائی چارے پر مبنی ہے۔ خانہ کعبہ اور روضۂ رسول ﷺ کی موجودگی پاکستانی عوام کو سعودی عرب سے گہری روحانی وابستگی عطا کرتی ہے، جو اس دوستی کو غیر معمولی دوام بخشتی ہے۔ صدر مملکت نے اس بات پر بھی زور دیا کہ حالیہ عرصے میں دونوں ممالک کے تعلقات نے نئی بلندیوں کو چھوا ہے۔ دفاع اور سلامتی کے شعبے میں قائم ہونے والی نئی شراکت داری دونوں ممالک کے باہمی اعتماد کی مظہر ہے اور خطے میں امن و استحکام کے لیے اہم کردار ادا کرے گی۔ اسی طرح سعودی وژن 2030 کے تحت اقتصادی اور سرمایہ کاری کے شعبوں میں بڑھتا ہوا تعاون نوجوانوں کے لیے نئے مواقع پیدا کرے گا۔ انہوں نے کہا کہ پاکستان سعودی عرب کے ساتھ تعلقات کو مزید وسعت دینے اور ہر شعبے میں تعاون کو مضبوط بنانے کے لیے پرعزم ہے۔ انہوں نے اس خواہش کا اظہار کیا کہ اللہ تعالیٰ مملکت سعودی عرب کو ترقی، خوشحالی اور عظمت عطا فرمائے۔ وزیراعظم محمد شہباز شریف نے بھی اپنے پیغام میں سعودی قیادت اور عوام کو قومی دن پر مبارکباد پیش کی۔ انہوں نے کہا کہ پاکستان اور سعودی عرب کے تعلقات مذہب، تاریخ، بھائی چارے اور اعتماد کی بنیاد پر قائم ہیں اور یہ رشتہ ہمیشہ قائم و دائم رہے گا۔ وزیراعظم نے اپنے حالیہ سعودی عرب کے دورے کو یادگار قرار دیتے ہوئے کہا کہ وہاں کی قیادت کی محبت اور مہمان نوازی ناقابل فراموش تھی۔ انہوں نے کہا کہ مئی میں بھارت کے ساتھ کشیدگی کے دوران سعودی قیادت کی طرف سے یکجہتی کا اظہار پاکستانی عوام کبھی نہیں بھولیں گے۔ وزیراعظم شہباز شریف نے مزید کہا کہ سعودی عرب میں مقیم پاکستانی دونوں ممالک کی ترقی میں اہم کردار ادا کر رہے ہیں۔ انہوں نے دعا کی کہ اللہ تعالیٰ مملکتِ سعودی عرب کو ہمیشہ ترقی، استحکام اور عظمت عطا فرمائے۔
.ذریعہ: Nawaiwaqt
کلیدی لفظ: انہوں نے کہا کہ سعودی عرب کے سعودی قیادت شہباز شریف عوام کو
پڑھیں:
وزیراعظم شہباز شریف نےوفاقی کابینہ کا اہم اجلاس کل طلب کر لیا
اسلام آباد:وزیراعظم شہباز شریف نے حکمران اتحاد کا حصہ پاکستان پیپلزپارٹی (پی پی پی) کی سی ای سی کے اجلاس کے بعد وفاقی کابینہ کا اجلاس کل طلب کرلیا۔
ایکسپریس نیوز کےمطابق وفاقی کابینہ کا اجلاس وزیراعظم ہاؤس میں ہو گا تاہم وزیر اعظم شہباز شریف آذربائیجان میں ہونے کی وجہ سے باکو سے ویڈیو لنک پر صدارت کریں گے۔
وفاقی کابینہ کے اجلاس میں پیپلز پارٹی کی تجاویز کی روشنی میں 27 ویں ترمیم پر غور ہوگا اور پیپلز پارٹی کی تجاویز کا بھی جائزہ لیا جائے گا۔
بیان میں کہا گیا کہ وفاقی کابینہ سے منظوری کی صورت میں 27 ویں ترمیم کا مسودہ کل سینیٹ میں پیش کیے جانے کا امکان ہے۔
قبل ازیں 27 ویں ترمیم کی تجاویز پر حکمران اتحاد میں ڈیڈ لاک کی وجہ سے وفاقی کابینہ کا جمعے کو شیڈول اجلاس ملتوی کر دیا گیا تھا۔
حق سچ کی آواز اٹھانے والے صحافیوں پر ظلم و تشدد بند ہونا چاہیے، مریم نواز