مائیکروفنانس بینکاری متاثرین کی معاشی بحالی میں کلیدی کردار ادا کر سکتی ہے
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)پاکستان میں حالیہ برسوں میں شدید سیلابوں نے لاکھوں افراد کو متاثر کیا، جن کی بحالی کے لیے مختلف ادارے سرگرم ہیں۔ماہرین کا کہنا ہے کہ مائیکروفنانس بینکاری متاثرین کی معاشی بحالی میں کلیدی کردار ادا کر سکتی ہے۔ اس موضوع پر کراچی میں مائیکروفنانس انڈسٹری کی نویں سالانہ کانفرنس کا اعلان کیا گیا ہے،نویں سالانہ مائیکروفنانس کانفرنس رواں سال 7 سے 9 اکتوبر تک کراچی میں منعقد ہوگی، جس کا عنوان “نشاطِ ثانیہ”رکھاگیاہے۔کانفرنس میں پہلی مرتبہ اقوامِ متحدہ کے ذیلی ادارے بھی شریک ہوں گے جبکہ نائب وزیر خزانہ کانفرنس کے مہمان خصوصی ہونگے اور تین روزہ کانفرنس پر مائیکرو فنانس ایوارڈ بھی دیئے جائیں گے۔ پیر کو مقامی ہوٹل میں پریس کانفرنس سے خطاب کرتے ہوئے نجی مائیکروفنانس بینک کے سی ای او عامر مسعود خان نے بتایا کہ حالیہ سیلابوں میں ان کے بینک سے قرض لینے والے افراد سب سے زیادہ متاثر ہوئے ہیں۔ تاہم، ان متاثرین میں دوبارہ سے زندگی کا پہیہ چلانے کی بھرپور خواہش موجود ہے۔ انہوں نے بتایا کہ تین روزہ کانفرنس میں ماحولیاتی تبدیلی، فوڈ سیکیورٹی، خواتین کو کاروباری مواقع دینے اور مالی شمولیت جیسے موضوعات پر مقالے اور مباحثے ہوں گے۔ اس کے علاوہ مائیکروفنانس ایکو سسٹم کو درپیش بڑے چیلنجز پر بھی بات کی جائے گی۔ تقریب سے اقوام متحدہ کے صنعتی ترقی آرگنائزیشن کے ڈائریکٹر سید احسن گیلانی نے غربت خاتمہ اور شمولیت سے ترقی کے سندھ کے پانچ اضلاع میں جاری پائیدار پروگرام پر روشنی ڈالی۔ پریس کانفرنس کے شرکاء کاکہناتھاکہ مائیکروفنانس کا مستقبل صرف قرضے دینے میں نہیں بلکہ ایک مکمل ماحولیاتی نظام بنانے میں ہے، جہاں سب ادارے مل کر کام کریں۔ یہی سب سے بڑا چیلنج اور موقع ہے۔انہوں نے کہا کہ مائیکروفنانس انڈسٹری کی یہ کوشش نہ صرف متاثرینِ سیلاب کے لیے امید کا پیغام ہے بلکہ پاکستان میں مالی شمولیت کو فروغ دینے کے لیے بھی ایک اہم قدم ہے۔
ذریعہ
ذریعہ: Jasarat News
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ