محبوبہ مفتی نے عمر عبداللہ سے اسمبلی سیشن میں یاسین ملک پر بحث کی اپیل دہرائی
اشاعت کی تاریخ: 24th, September 2025 GMT
محبوبہ مفتی نے سوالیہ انداز میں کہا کہ کسانوں کے نقصان کا ذمہ دار کون ہے، کیا انکے نقصان کا ازالہ کرنے کیلئے کوئی پیکیج دیا جائیگا، کیا کسانوں کے قرضے معاف ہونے۔ اسلام ٹائمز۔ جموں و کشمیر پیپلز ڈیموکریٹک پارٹی (پی ڈی پی) کی صدر اور مقبوضہ کشمیر کی سابق وزیراعلٰی محبوبہ مفتی نے آنے والے اسمبلی اجلاس میں پبلک سیفٹی ایکٹ (پی ایس اے) کے غلط استعمال پر بحث کرنے کا مشورہ دیا ہے۔ محبوبہ مفتی نے کشمیر میں سیاحت اور باغبانی کی صنعت کو پہنچے نقصان پر بھی خصوصی بحث کی سفارش کی ہے۔ انہوں نے سرینگر میں نامہ نگاروں کے ساتھ بات چیت کے دوران کیا۔ جموں و کشمیر کی سابق وزیراعلٰی محبوبہ مفتی ماہِ ستمبر کے اوائل سے بند سرینگر جموں قومی شاہراہ کو پوری طرح بحال نہ کئے جانے پر بھی حیرانگی ظاہر کرتے ہوئے سرکار کو آڑے ہاتھوں لیا۔ انہوں نے کہا کہ اسمبلی میں شاہراہ کی بندش کے باعث باغبانی کے شعبے کو پہنچے نقصان پر بات ہونی چاہیے۔ عمر عبداللہ نے شاہراہ بند ہونے کے 20 دن بعد نتن گڈکری کو فون کیا۔ یہ کال پہلے کیوں نہیں کی گئی۔
محبوبہ مفتی نے سوالیہ انداز میں کہا کہ کسانوں کے نقصان کا ذمہ دار کون ہے، کیا ان کے نقصان کا ازالہ کرنے کے لئے کوئی پیکیج دیا جائے گا، کیا کسانوں کے قرضے معاف ہوں گے۔ ان باتوں پر اسمبلی میں بحث ہونی چاہیئے۔ معراج ملک پر عائد پبلک سیفٹی ایکٹ (پی ایس اے) کے حوالہ سے محبوبہ مفتی نے کہا کہ اگرچہ عمر عبداللہ کی حکومت کے دائرہ کار میں پی ایس اے کو ختم کرنا شامل نہیں، لیکن آئندہ اجلاس میں اس پر تفصیلی بحث کی جا سکتی ہے۔ محبوبہ مفتی کے مطابق اگر ایک ایم ایل اے معراج ملک کو غیر پارلیمانی زبان استعمال کرنے پر پی ایس اے کے تحت بند کیا جا سکتا ہے تو عام لوگوں پر آپ تصور کر سکتے ہیں کہ کس طرح کے الزامات لگتے ہوں گے۔
انہوں نے کہا کہ عمر عبداللہ کی حکومت کو چاہیئے کہ وہ ان غریب قیدیوں کو قانونی مدد فراہم کرے جو اپنی حراست کو چیلنج کرنے کی استطاعت نہیں رکھتے۔ عمر عبداللہ نے معراج ملک کو "پی ایس اے" حراست کے خلاف قانونی مدد دینے کی پیشکش کی تھی۔ معراج ملک کو اس مدد کی ضرورت نہیں، لیکن عمر عبداللہ کو چاہیئے کہ وہ جموں و کشمیر کے غریب قیدیوں کو یہ مدد فراہم کریں۔ محبوبہ مفتی نے مزید کہا کہ وزیراعلٰی کو قید میں موجود آزادی پسند رہنما محمد یاسین ملک کے لئے بھی آواز بلند کرنی چاہیئے۔ انہوں نے کہا "میں یہ نہیں کہہ رہی کہ وہ یاسین ملک کا کیس لڑیں لیکن اس شخص نے 1994ء سے لیڈروں اور افسران کی یقین دہانی پر تشدد کا راستہ ترک کیا۔ اس نے وزرائے اعظم سے ملاقاتیں کیں، پاکستان گیا اور آئی بی (انٹیلیجنس بیورو) کی ہدایت پر حافظ سعید سے بھی ملا۔
محبوبہ مفتی کے مطابق یہ صرف یاسین ملک کا معاملہ نہیں ہے بلکہ حکومت اور افسران کے دیے گئے وعدے کا معاملہ ہے، اگر ہم اس وعدے کی پاسداری نہیں کریں گے تو یہ جموں و کشمیر کے لئے اچھا نہیں، ملک کے لئے اچھا نہیں اور عالمی سطح پر بھی اچھا نہیں ہوگا۔ محبوبہ مفتی نے کہا کہ قومی سلامتی کے مشیر اجیت ڈوبھال اور سابق را کے سربراہ اے ایس دُلت کو یاسین ملک کی جانب سے دہلی ہائی کورٹ میں جمع کرائی گئی 85 صفحات پر مشتمل حلف نامے میں کئے گئے دعوؤں پر بات کرنی چاہیئے۔ انہوں نے کہا کہ خوش قسمتی سے دو لوگ ابھی زندہ ہیں جو ملک کے دعووں سے واقف ہیں۔ انہوں نے کہا کہ اجیت ڈوبھال اور دُلت پر اخلاقی ذمہ داری عائد ہوتی ہے کہ وہ بات کریں، آپ نے ایک عسکری رہنما کو ہتھیار چھوڑ کر گاندھیائی راستہ اپنانے پر آمادہ کیا۔
ذریعہ: Islam Times
کلیدی لفظ: انہوں نے کہا کہ محبوبہ مفتی نے عمر عبداللہ کے نقصان کا کسانوں کے معراج ملک یاسین ملک پی ایس اے کے لئے
پڑھیں:
سعودی مفتیِ اعظم شیخ عبدالعزیز آل شیخ انتقال کرگئے
سعودی عرب کے ممتاز دینی رہنما، مفتی اعظم، سعودی سینیئرعلما کونسل کے صدراورمستقل کمیٹی برائے افتا کے سربراہ شیخ عبدالعزیز بن عبداللہ آل شیخ آج خالقِ حقیقی سے جا ملے۔
یہ بھی پڑھیں:سعودی عرب بین الاقوامی ایٹمی توانائی ایجنسی کا رکن منتخب
شیخ عبدالعزیز بن عبداللہ آل شیخ ایک بلند پایہ علمی و دینی شخصیت تھے، جنہوں نے اپنی زندگی دینِ اسلام کی خدمت اور وطن کی رہنمائی کے لیے وقف کی۔
شیخ عبدالعزیز بن عبداللہ آل شیخ کی وفات کی خبر سے دینی و علمی حلقوں میں گہرا صدمہ اوررنج پایا جاتا ہے۔ علما، طلبا اور چاہنے والوں نے ان کے انتقال پر اظہارِ تعزیت کرتے ہوے کہا کہ ان کا علمی ورثہ اور خدمات ہمیشہ یاد رکھی جائیں گی۔
مرحوم کی دین وملت کے لیے گراں قدر خدمات کو خراجِ عقیدت پیش کرتے ہوے علما اورعوام نے دعا کی کہ اللہ تعالیٰ انہیں اپنی رحمت کے سائے میں جگہ دے اور جنت الفردوس میں اعلیٰ مقام عطا فرمائے۔
مزید پڑھیں: سعودی عرب کی میڈیا ریگولیشن اتھارٹی نے نئے قواعد و ضوابط وضع کردیے
پاکستان علما کونسل کے چیئرمین مولانا طاہر اشرفی نے بھی گہرے دکھ کا اظہار کرتے ہوئے کہا کہ شیخ عبدالعزیز آل شیخ ایک عظیم علمی و دینی ہستی تھے، ان کے انتقال سے ملتِ اسلامیہ ایک بڑے عالمِ دین اور رہنما سے محروم ہوگئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان علما کونسل رہنما سعودی سینیئرعلما کونسل سعودی عرب شیخ عبدالعزیز بن عبداللہ آل شیخ عالم دین مفتیٰ اعظم ملتِ اسلامیہ مولانا طاہر اشرفی
امریکا نے بھارت کا چاہ بہار منصوبہ مشکل میں ڈال دیا، چاہ بہار استثنیٰ ختم