امریکی بحری جہاز یو ایس ایس وین ای۔ میئر کراچی بندرگاہ پہنچ گیا
اشاعت کی تاریخ: 24th, September 2025 GMT
امریکی بحری جہاز یو ایس ایس وین ای۔ میئر 2 روزہ دورے پر کراچی بندرگاہ پہنچ گیا۔
یہ بھی پڑھیں: مظفر گڑھ: پاک فوج اور سعودی رائل لینڈ فورسز کی مشترکہ مشقیں
ترجمان پاک بحریہ کے مطابق یہ دورہ پاکستان اور امریکا کی بحری افواج کے درمیان جاری تعاون کی ایک اہم کڑی ہے جو پیشہ ورانہ روابط کو مزید مضبوط بنانے کی سمت اہم قدم تصور کیا جا رہا ہے۔
کراچی آمد پر پاک بحریہ کے سینیئر حکام نے امریکی جہاز کے عملے کا پرتپاک استقبال کیا۔
اس موقعے پر امریکا کے ناظم الامور اور امریکی قونصل خانے کے نمائندے بھی موجود تھے، جنہوں نے دوطرفہ بحری تعلقات کی اہمیت پر زور دیا۔
مزید پڑھیے: پاک ترک ایئر فورس چیفس کی ملاقات، دفاعی تعاون پر بات چیت
دورے کے دوران امریکی نیوی کا عملہ مختلف پیشہ ورانہ سرگرمیوں، تربیتی سیشنز اور مشترکہ مشقوں میں شرکت کرے گا جن کا مقصد دونوں بحری افواج کے درمیان تعاون کو فروغ دینا اور تجربات کا تبادلہ ہے۔
یہ 2 روزہ دورہ شمالی بحیرۂ عرب میں بحری مشق پر اختتام پذیر ہوگا جس میں یو ایس ایس وین ای۔ میئر اور پاک بحریہ کے جہاز مشترکہ طور پر حصہ لیں گے۔
مزید پڑھیں: مشترکہ ایکشن پلان 29-2025 پر عملدرآمد کے لیے چین کی پاکستان سے تعاون کی پیشکش
یہ دورہ نہ صرف دونوں ممالک کی بحری افواج کے درمیان مضبوط تعلقات کی عکاسی کرتا ہے بلکہ علاقائی امن، استحکام اور عالمی میری ٹائم سیکیورٹی کے لیے مشترکہ عزم کا اعادہ بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی بحری جہاز یو ایس ایس وین ای۔ میئر امریکی نیوی پاکستان نیوی.ذریعہ: WE News
کلیدی لفظ: امریکی بحری جہاز یو ایس ایس وین ای میئر امریکی نیوی پاکستان نیوی یو ایس ایس وین ای کی بحری
پڑھیں:
قابض میئر بلدیاتی اداروں کے کام میں سب سے بڑی رکاوٹ ہیں، منعم ظفر خان
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے کہا ہے کہ لیاقت آباد کی تعمیر و ترقی کا سفر تیزی سے جاری ہے، عوامی خدمت جماعت اسلامی کا بنیادی مقصد ہے اور اسی عزم کے ساتھ شہر کے ہر علاقے میں ترقیاتی منصوبے مکمل کیے جارہے ہیں۔
منعم ظفر خان نے کہا کہ مرحوم وائس چیئرمین عمران عباس کے نام سے منسوب یہ سڑک بانٹوا نگر اور بندھانی کالونی کے عوام کے لیے جماعت اسلامی کی جانب سے تحفہ ہے، جس کی تعمیر ڈیڑھ لاکھ اسکوائر فٹ سے زائد رقبے پر مکمل کی گئی ہے،جماعت اسلامی نے محض دو سال میں لیاقت آباد کے تمام 15 پارک آباد کردیے ہیں، جو کبھی ویران تھے، اب وہاں بچے اور فیملیز خوشگوار لمحات گزارتی ہیں، اسی طرح کھیلوں کے میدانوں کی بحالی بھی جاری ہے جبکہ جلد محمدی گراؤنڈ، محمدی اسپورٹس کمپلیکس اور منصورہ ماڈل کمپلیکس کو عوام کے لیے کھولا جائے گا۔
امیر جماعت اسلامی کراچی نے سندھ حکومت پر شدید تنقید کرتے ہوئے کہا کہ ای چالان کے نام پر شہریوں پر ظلم ڈھایا جا رہا ہے اور ظالمانہ جرمانے عوام کے لیے ناقابلِ برداشت ہیں، جماعت اسلامی نے اس کے خلاف سندھ ہائی کورٹ میں پٹیشن دائر کردی ہے اور اہل کراچی کے حقوق کے لیے ہر فورم پر آواز بلند کی جائے گی۔
ان کا کہنا تھا کہ قابض میئر بلدیاتی اداروں کی کارکردگی میں سب سے بڑی رکاوٹ ہیں مگر جماعت اسلامی کے نمائندے اختیارات اور وسائل کی کمی کے باوجود ترقیاتی کام جاری رکھے ہوئے ہیں،بلدیاتی اداروں کو بااختیار بنانا ناگزیر ہے، کیونکہ عوامی نمائندوں کو اختیارات ملنے کے بغیر شہر کے مسائل حل نہیں ہوسکتے۔
منعم ظفر خان نے مزید کہا کہ جماعت اسلامی تعلیم کے شعبے میں بھی اصلاحات لارہی ہے، سرکاری تعلیمی ادارے جو ماضی میں باصلاحیت شخصیات کی نرسری ہوا کرتے تھے، آج ویران ہیں مگر جماعت اسلامی ان اسکولوں کو دوبارہ فعال اور معیاری اداروں میں تبدیل کر رہی ہے۔
انہوں نے اس موقع پر کہا کہ ہزاروں اسٹریٹ لائٹس لگا کر لیاقت آباد کو روشن کردیا گیا ہے،سیوریج، پانی اور کچرے کے مسائل صوبائی حکومت کی ذمہ داری ہیں لیکن سندھ حکومت اور مرتضیٰ وہاب جو کراچی واٹر اینڈ سیوریج بورڈ کے چیئرمین بھی ہیں، ان مسائل سے غافل ہیں، عوام کے ٹیکس کا پیسہ عوام پر ہی خرچ ہونا چاہیے، جماعت اسلامی خدمت کے مشن سے کبھی پیچھے نہیں ہٹے گی۔
امریکا، برطانیہ اور نا ہی آسٹریلیا! دنیا کا سب سے مہنگا سیاحتی ویزا کس ملک کا ہے؟