جنگ ختم ہو تو استعفیٰ دے دوں گا، یوکرینی صدر کا حیران کن فیصلہ
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
یوکرین کے صدر ولادیمیر زیلنسکی نے ایک غیر ملکی نیوز ویب سائٹ کو دیے گئے انٹرویو میں اعلان کیا ہے کہ وہ روس سے جنگ کے خاتمے کے بعد صدارت کا عہدہ چھوڑنے کے لیے تیار ہیں۔
ان کا کہنا تھا کہ ان کی اولین ترجیح جنگ کو ختم کرنا ہے، نہ کہ کسی صورت میں اقتدار پر براجمان رہنا۔
روس اور یوکرین کے درمیان جاری یہ جنگ فروری 2022 سے اب تک لاکھوں فوجیوں اور عام شہریوں کی جانیں لے چکی ہے۔ متعدد بار جنگ بندی کی کوششیں کی گئیں لیکن ہر مرتبہ ناکامی کا سامنا کرنا پڑا۔
زیلنسکی کا یہ بیان ایسے وقت میں سامنے آیا ہے جب جنگ کا دائرہ مزید وسیع ہو رہا ہے اور عالمی سطح پر بھی اس کے اثرات دیکھنے کو مل رہے ہیں۔ تجزیہ کاروں کے مطابق ان کا عہدہ چھوڑنے کا عندیہ جنگ کے سیاسی حل کی طرف ایک بڑا اشارہ ہے۔
یہ پیشکش اس بات کو اجاگر کرتی ہے کہ یوکرینی قیادت اقتدار سے زیادہ امن کو ترجیح دے رہی ہے، تاہم یہ دیکھنا باقی ہے کہ آیا روس اس موقع کو جنگ بندی کے لیے استعمال کرتا ہے یا نہیں۔
ویب ڈیسک
شیخ یاسین
ذریعہ: Jasarat News
پڑھیں:
سوڈان میں فوج نے اومدرمان اور اٹبارا پر ڈرون حملے ناکام بنا دیے
data-id="863a0a8" data-element_type="widget" data-widget_type="theme-post-content.default">
خرطوم: سوڈانی فوج نے دارالحکومت خرطوم کے مغربی شہر اومدرمان اور شمالی علاقے اٹبارا پر کیے گئے ڈرون حملے ناکام بنانے کا دعویٰ کیا ہے، فوج کے فضائی دفاعی نظام نے علی الصبح کئی ڈرونز کو راستے میں ہی تباہ کردیا۔
عالمی میڈیا رپورٹس کے مطابق اومدرمان کے شمالی حصوں میں فجر سے قبل شدید اینٹی ایئرکرافٹ فائرنگ کی آوازیں سنائی دیں، اسی طرح اٹبارا سے بھی شہریوں نے اطلاع دی کہ تقریباً صبح 3 بجے ڈرونز کے جھنڈ نے شہر کو نشانہ بنایا، جس کے بعد فوجی تنصیبات سے گولہ باری کی آوازیں آئیں۔
تاحال ہلاکتوں یا نقصان کی تفصیلات سامنے نہیں آئیں جب کہ فوج یا نیم فوجی تنظیم ریپڈ سپورٹ فورسز (RSF) کی جانب سے حملوں پر کوئی باضابطہ بیان جاری نہیں کیا گیا۔
رپورٹس کے مطابق حملے ریپڈ سپورٹ فورسز کی جانب سے کیے گئے، جو حال ہی میں امریکا، متحدہ عرب امارات، سعودی عرب اور مصر پر مشتمل کواڈ گروپ کی تجویز کردہ انسانی جنگ بندی سے اتفاق کر چکی ہے ، RSF نے جنگ بندی کی شرائط یا عملدرآمد کے بارے میں کوئی تفصیل فراہم نہیں کی، جبکہ نہ ہی کواڈ گروپ اور نہ ہی فوج نے اس حوالے سے کوئی تبصرہ کیا ہے۔
سوڈانی حکام کا کہنا ہے کہ RSF گزشتہ کئی ہفتوں سے خرطوم اور دیگر شہروں میں شہری علاقوں پر ڈرون حملے کر رہی ہے، تاہم تنظیم نے ان الزامات پر کوئی باضابطہ ردعمل نہیں دیا۔
واضح رہے کہ 15 اپریل 2023 سے سوڈانی فوج اور ریپڈ سپورٹ فورسز کے درمیان جاری خانہ جنگی میں اب تک ہزاروں افراد ہلاک اور لاکھوں بے گھر ہو چکے ہیں، جبکہ علاقائی و بین الاقوامی کوششوں کے باوجود جنگ بندی کے قیام میں کامیابی حاصل نہیں ہو سکی۔
آئی سی سی کا چار روزہ اجلاس آج سے شروع ہوگا