شاہی خاندان کا غیر متوقع اعلان، بالمورل کیسل عوام کے لیے بند
اشاعت کی تاریخ: 25th, September 2025 GMT
برطانوی شاہی خاندان کی جانب سے ایک غیر متوقع اور چونکا دینے والا فیصلہ سامنے آیا ہے جس کے تحت بالمورل کیسل کو فوری طور پر عوام کے لیے بند کر دیا گیا ہے۔
یہ بھی پڑھیں: برطانوی ولی عہد ولیم اور شہزادی کیٹ کا نیا گھر، ماہانہ کرایہ کتنا ہے؟
یہ اعلان شاہی رہائش گاہ کے آفیشل انسٹاگرام اکاؤنٹ پر جاری کیا گیا جس میں بتایا گیا کہ کیسل، اس کے باغات، نمائشیں اور احاطہ ستمبر کے باقی ایام کے لیے عوامی رسائی سے بند کر دیے گئے ہیں۔
تاحال اس اچانک فیصلے کی کوئی واضح وجہ سامنے نہیں آئی تاہم شاہی محل کے ذرائع نے تصدیق کی ہے کہ یہ بندش عارضی ہے اور کیسل اکتوبر میں دوبارہ کھول دیا جائے گا۔
مزید پڑھیے: صدر ٹرمپ سے ملاقات کے دوران برطانوی کوئین کمیلا کا مستقبل کی ملکہ کیٹ سے ’سردمہری‘ کا مظاہرہ
اس اعلان کے ایک روز بعد پرنس ولیم بالمورل پہنچے تاکہ اپنے والد بادشاہ چارلس سوم کے ساتھ کچھ وقت گزار سکیں جو اس وقت کینسر کے مرض سے نبرد آزما ہیں۔
یہ فیصلہ اس لیے بھی حیران کن قرار دیا جا رہا ہے کہ صرف 2 سال قبل ہی بادشاہ چارلس نے بالمورل کو عوام کے لیے کھولنے کا فیصلہ کیا تھا جس پر ٹکٹ تیزی سے فروخت ہو گئے تھے۔
مزید پڑھیں: برطانوی ولی عہد کی رہائشگاہ کے احاطے سے گاڑیاں چرا لے جانے والے چور بچ نکلے، سراغ نہ لگ سکا
اگرچہ احاطہ اور باغات بند ہیں مرکزی دروازے کے قریب گفٹ شاپ اور ٹیرس کیفے روزانہ صبح 10 بجے سے شام 4 بجے تک کھلے رہیں گے۔
اسی طرح پرنس البرٹ کے پیرامڈ تک جانے والا راستہ بھی عوام کے لیے کھلا ہے۔ یہ یادگار سنہ 1862 میں ملکہ وکٹوریہ نے اپنے شوہر کی یاد میں تعمیر کروائی تھی۔
انسٹاگرام پر جاری پوسٹ میں لکھا گیا کہ ہماری میلنگ لسٹ کا حصہ بنیں اور بالمورل کے خاص واقعات، ٹکٹس، خبریں اور تحائف سے متعلق اپڈیٹس سب سے پہلے حاصل کریں۔
یہ بھی پڑھیے: برطانیہ کے اگلے ممکنہ بادشاہ ولیم اپنی سلو موشن ویڈیوز کیوں جاری کر رہے ہیں؟
رعایا کے نام پیغام میں کہا گیا کہ جڑے رہیے اور بالمورل کی جادوئی دنیا کے لمحے لمحے سے باخبر رہیے۔
ممکنہ وجہ: جدت پسندی یا نجی وقت؟اگرچہ باضابطہ طور پر بندش کی کوئی وجہ نہیں بتائی گئی تاہم قیاس آرائیاں ہیں کہ بادشاہ چارلس بالمورل میں تعمیر و ترقی کے کام کروانا چاہتے ہیں۔
بادشاہ ماضی میں سینڈریگھم اسٹیٹ اور ونڈسر کاسل میں شمسی توانائی (سولر پینلز) اور ماحول دوست ایندھن (بایو فیول) کے ذریعے شاہی گاڑیوں کو جدید بنانے کے اقدامات کر چکے ہیں۔
مزید پڑھیں: حقیقی زندگی میں طلسماتی کہانی جیسا سماں باندھتی مشہور شاہی شادیاں
اطلاعات کے مطابق وہ شاہی بیڑے کو مکمل طور پر الیکٹرک گاڑیوں پر منتقل کرنے کے خواہاں ہیں اور اپنے ہیلی کاپٹرز کے لیے بھی عارضی سسٹین ایبل ایئر فیول ٹینک کی تنصیب کی منصوبہ بندی کر رہے ہیں۔
فی الحال یہ واضح نہیں کہ ان ماحول دوست اقدامات کا کیسل کی بندش سے کوئی تعلق ہے یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالمورل کیسل برطانوی شاہی خاندان شاہ چارلس.ذریعہ: WE News
کلیدی لفظ: بالمورل کیسل برطانوی شاہی خاندان شاہ چارلس شاہی خاندان عوام کے لیے بالمورل کی
پڑھیں:
اپوزیشن اتحاد کا 27ویں آئینی ترمیم کے خلاف ملک گیر احتجاجی تحریک شروع کرنے کا اعلان
data-id="863a0a8" data-element_type="widget" data-widget_type="theme-post-content.default">
اسلام آباد: اپوزیشن اتحاد نے مجوزہ 27ویں آئینی ترمیم کے خلاف ملک گیر تحریک شروع کرنے کا اعلان کر دیا ہے، تحریک کا باضابطہ اعلان اپوزیشن اتحاد کے سربراہ محمود خان اچکزئی اور علامہ راجہ ناصر عباس نے مشترکہ پریس کانفرنس میں کیا۔
میڈیا سے گفتگو میں محمود خان اچکزئی نے کہا کہ آئین ریاست اور عوام کے درمیان ایک عمرانی معاہدہ ہے اور مجھ سے اس کے تحفظ کا پانچ بار حلف لیا گیا ہے، جب عوام کو تسلیم نہیں کیا جا رہا تو اب ہم عوام کے پاس جا رہے ہیں۔ عوام مسلسل پوچھ رہے تھے کہ تحریک کب شروع ہوگی، اس لیے کل رات سے تحریک کا آغاز کیا جا رہا ہے۔
انہوں نے واضح کیا کہ جس انداز سے آئین کی بنیادوں کو ہلایا جا رہا ہے، اب اس کے خلاف تحریک کے سوا کوئی چارہ نہیں، محمود خان اچکزئی نے بتایا کہ تحریک کا بنیادی نعرہ “جمہوریت زندہ باد، آمریت مردہ باد” ہوگا، جب کہ تیسرا نعرہ قیدیوں کی رہائی سے متعلق ہوگا، یہ تحریک ثابت کرے گی کہ پاکستان کے عوام جو فیصلہ کریں گے وہی حتمی ہوگا، آئین ہی بالادست ہوگا اور پارلیمنٹ ہی طاقت کا سرچشمہ بنے گی۔
اس موقع پر علامہ راجہ ناصر عباس نے کہا کہ قوم کو 27ویں آئینی ترمیم کے خلاف متحد ہونا ہوگا۔ ان کا کہنا تھا کہ پاکستان میں جمہوری ادارے مفلوج کر دیے گئے ہیں، اور آئینی ترامیم کے ذریعے طاقتور طبقات کو مزید اختیارات دیے جا رہے ہیں۔
ای چالان: کراچی میں نافذ ٹریکس نظام کو کہاں تک توسیع دی جائے گی؟