بھارت نے شیخ حسینہ کی میزبانی کرکے بنگلہ دیش سے تعلقات خراب کیے، محمد یونس
اشاعت کی تاریخ: 25th, September 2025 GMT
بنگلہ دیش کے چیف ایڈوائزر ڈاکٹر محمد یونس کا کہنا ہے کہ بھارت اور بنگلہ دیش کے درمیان کشیدگی کی ایک بڑی وجہ یہ ہے کہ بھارت نے حسینہ شیخ کو میزبانی فراہم کی ہوئی ہے۔
یہ بھی پڑھیں: انتخابات فروری میں، آزادانہ اور شفاف ہوں گے، ڈاکٹر محمد یونس
نیویارک میں اقوام متحدہ کی جنرل اسمبلی کے موقعے پر انہوں نے کہا کہ بھارت اس بات سے ناخوش ہے کہ بنگلہ دیش میں طلبا نے احتجاج کیا جس کی وجہ سے شیخ حسینہ کی حکومت کو برطرف کیا گیا۔
ڈاکٹر محمد یونس نے کہا کہ شیخ حسینہ نے اپنے دور اقتدار میں نوجوانوں کو قتل کروایا۔ انہوں نے مزید کہا کہ بھارتی میڈیا جعلی خبریں پھیلا رہا ہے اور ان پر طالبان ہونے کے الزامات لگا رہا ہے۔
مزید پڑھیے: اسحاق ڈار، بیگم خالدہ ضیا اور ڈاکٹر محمد یونس کے درمیان کیا باتیں ہوئیں؟
تاہم ڈاکٹر یونس نے کہا کہ سارک ممالک کی تنظیم سارک کو ایک قریبی خاندانی روابط کا پلیٹ فارم ہونا چاہیے بجائے اس کے کہ سیاسی تنازعات کی بنیاد بنے۔
مزید پڑھیں: حسینہ واجدمودی کی کٹھ پتلی، دونوں کی ملی بھگت خطے کے امن کے لیے سنگین خطرہ ہے، محمد یونس
انہوں نے کہا کہ بھارت اگر چاہے تو وہ سارک کے اصولوں کے تحت سرمایہ کاری اور تجارتی تعاون قائم کرے اور سیاسی مداخلت سے گریز کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بھارت سابق وزیراعظم شیخ حسینہ واجد محمد یونس.ذریعہ: WE News
کلیدی لفظ: بنگلہ دیش بھارت سابق وزیراعظم شیخ حسینہ واجد محمد یونس ڈاکٹر محمد یونس بنگلہ دیش نے کہا کہ کہ بھارت
پڑھیں:
ایشیا کپ 2025: پاکستان اور بنگلہ دیش کا فیصلہ کن مقابلہ آج ہوگا
ایشیا کپ 2025 کے سپر فور مرحلے کا دوسرا آخری میچ آج پاکستان اور بنگلہ دیش کے درمیان دبئی میں کھیلا جائے گا، جہاں جیتنے والی ٹیم بھارت کے خلاف فائنل میں جگہ بنائے گی۔ سری لنکا پہلے ہی ٹورنامنٹ سے باہر ہو چکا ہے۔
یہ بھی پڑھیں:ایشیا کپ کا فائنل بھارت سے ہوا تو جیتیں گے، شاہین آفریدی
بنگلہ دیش بھارت کے خلاف 41 رنز سے شکست کے باوجود اب بھی فائنل میں پہنچنے کا موقع رکھتا ہے، جبکہ پاکستان نے ابتدائی میچ میں بھارت سے ہارنے کے بعد شاندار کم بیک کرتے ہوئے سری لنکا کو شکست دی تھی۔
دونوں ٹیموں کے لیے یہ میچ لازمی جیت کا ہے تاکہ فائنل تک رسائی حاصل کی جا سکے۔
پاکستان کو ایک دن کے وقفے کے بعد میدان میں اترنے کا فائدہ حاصل ہوگا، جبکہ بنگلہ دیش نے تقریباً 24 گھنٹے قبل بھارت کے خلاف میچ کھیلا تھا۔
ٹیموں کے اسکواڈبنگلہ دیش اسکواڈ: سیف حسن، تنزید حسن تمیم، پرویز حسین ایمن، توحید ہردوئے، شمیم حسین، جاکر علی (کپتان/وکٹ کیپر)، محمد سعید الدین، رشاد حسین، تنزیم حسن ساکب، ناسم احمد، مستفیض الرحمان، لٹن داس، ماہدی حسن، تسکین احمد، شوریف الاسلام، نورالحسن۔
یہ بھی پڑھیں:ایشیا کپ: بھارت فائنل میں، سری لنکا دوڑ سے باہر ہو گیا
پاکستان اسکواڈ: صاحبزادہ فرحان، فخر زمان، صائم ایوب، سلمان آغا (کپتان)، حسین طلعت، محمد حریس (وکٹ کیپر)، محمد نواز، فہیم اشرف، شاہین شاہ آفریدی، حارث رؤف، ابرار احمد، حسن علی، محمد وسیم جونیئر، سلمان مرزا، صوفیان مقیم، خوشدل شاہ، حسن نواز۔
پاک-بنگلہ ٹی ٹوئنٹی ریکارڈٹی ٹوئنٹی کرکٹ میں اب تک دونوں ٹیمیں 25 بار آمنے سامنے آ چکی ہیں، جن میں پاکستان نے 20 اور بنگلہ دیش نے صرف 5 میچ جیتے ہیں۔
ماہرین کے مطابق ریکارڈ اور حالیہ فارم کی بنیاد پر پاکستان کو معمولی برتری حاصل ہے، تاہم دبئی کے میدان میں فیصلہ کن مقابلہ کسی بھی رخ اختیار کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بنگلہ دیش پاکستان دبئی سیمی فائنل فائنل
مسلم حکمران اپنے مفادات اورامریکی خوف کے باعث اہل غزہ کی مددسے گریزاں ہیں