چین کو آپریشن بنیان المرصوص پر ہم سے زیادہ خوشی اور فخر ہے، پاکستان سے زیادہ جشن منایا: ترجمان صدرمملکت
اشاعت کی تاریخ: 27th, September 2025 GMT
چین کو آپریشن بنیان المرصوص پر ہم سے زیادہ خوشی اور فخر ہے، پاکستان سے زیادہ جشن منایا: ترجمان صدرمملکت WhatsAppFacebookTwitter 0 27 September, 2025 سب نیوز
اسلام آباد (سب نیوز )ایوان صدر کے ترجمان مرتضی سولنگی اور سینیٹر سلیم مانڈوی والا نے کہا ہے کہ چین میں ہر اجلاس میں آپریشن بنیان المرصوص کا ذکر ہوا، چین نے آپریشن بنیان المرصوص پر ہم سے زیادہ خوشی اور فخر کا اظہار کیا۔ایوانِ صدر کے ترجمان مرتضی سولنگی اور سینیٹر سلیم مانڈوی والا نے صدر کے دورہ چین پر مشترکہ پریس کانفرنس کی۔ مرتضی سولنگی نے کہا کہ صدرِ مملکت کا سال 2025 میں چین کا یہ دوسرا دورہ تھا، گزشتہ دورے میں چین کے اعلی حکام سے ملاقاتیں ہوئی، اس بار دورہ مزید مختلف اور اہم نوعیت کا رہا۔
ان کا کہنا تھاکہ دورے کے دوران صدر نے صوبائی اداروں اور چینی حکام سے اہم ملاقاتیں کیں، کئی سائیڈ لائن ملاقاتیں اور اہم ایم او یوز سائن ہوئے، چین نے پہلی بار کسی غیر ملکی سربراہ کو انٹرنیٹیکل کمپلیکس کا دورہ کرایا اور صدرِ مملکت کو دفاعی بریفنگ دی گئی، پاکستان اور چین کے تعلقات میں اعتماد کا نیا باب ہے۔
سلیم مانڈوی والا نے کہا کہ گزشتہ دورے میں صدر مملکت کی چینی صدر اور اعلی قیادت سے ملاقاتیں ہوئیں، صدر آصف علی زرداری پہلے سربراہ ہیں جنہوں نے کاشغر کا دورہ کیا، کچھ جگہ پر دورے چین کی دعوت پر اور کچھ پاکستان کی درخواست پر ہوئے، پاکستان اور چین کے تعلقات میں پیدا ہونے والا ڈِس کنیکٹ ختم کرنے کی کوشش کر رہے ہیں۔
ان کا کہنا تھاکہ دورے میں پتہ چلاکہ چین کی ٹیکنالوجی پاکستان سے کئی درجے ایڈوانس ہے، چینی ٹیکنالوجی رفتہ رفتہ پاکستان منتقل ہوگی، چین کی بڑی کمپنی گوادر میں سرمایہ کاری کرے گی، صدر مملکت نے کوئلہ گیسفیکیشن کا وژن دیا، چینی کمپنیاں دلچسپی لے رہی ہیں، کسانوں کے لیے وکیشنل ٹریننگ سینٹر بنانے پر چین نے آمادگی ظاہر کی، پاکستان میں ہائی اسپیڈ ٹرین متعارف کرانے پر بھی بات چیت ہوئی۔
انہوں نے کہاکہ لائیو اسٹاک ٹریسنگ سسٹم کے لیے سندھ حکومت اور چین کے درمیان ایم او یو سائن ہوا ہے، صدر مملکت نے جے-35 طیارے پر تفصیلی بریفنگ بھی لی، اب تک چھ ایم او یوز مکمل ہوچکے ہیں، مزید پر بات جاری ہے۔ سلیم مانڈوی والا کا کہنا تھاکہ چین پاکستان کو پریشانی میں نہیں دیکھنا چاہتا، چین کو سکیورٹی خدشات درپیش ہیں، اسی لیے چین کا فوکس سندھ اور پنجاب تک محدود ہے، چین میں ہر اجلاس میں آپریشن بنیان المرصوص کا ذکر ہوا، چین نے آپریشن بنیان المرصوص پر ہم سے زیادہ خوشی اور فخر کا اظہار کیا، آپریشن بنیان المرصوص کی کامیابی پر چین پاکستان سے زیادہ جشن مناتا رہا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین پی سی بی کا 0-6 کا اشارہ کرنے پرحارث رف پرعائد جرمانہ خود اداکرنیکا فیصلہ فلسطینیوں کے حق میں خطاب کرنے پر امریکا نے کولمبیا کے صدر کا ویزا منسوخ کردیا محسن نقوی کی ڈائریکٹر ایف بی آئی سے ملاقات، انسداد دہشت گردی اور تعاون پر زور یمن کی بندرگاہ پر ایل پی جی ٹینکر اسرائیلی ڈرون حملے کا نشانہ بنا، وزیر داخلہ حکومت چینی بحران کا حساب لے، پیکا ایکٹ کے ڈر سے نہیں بولتا: ندیم افضل چن ایشیا کپ فائنل: پاکستان کیخلاف میچ سے قبل بھارتی کوچ کا 2 اہم کھلاڑیوں کی فٹنس پر خدشات کا اظہار انسداد دہشت گردی کی عدالت کاعمران خان کے وکیل نعیم حیدر پنجوتھہ کو گرفتار کرنے کا حکمCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: آپریشن بنیان المرصوص پر ہم سے زیادہ خوشی اور فخر پاکستان سے
پڑھیں:
27 ویں ترمیم میں حکومت کو ووٹ دینے پر جے یو آئی نے سینیٹر احمد خان کو نکال دیا
اسلام آباد:27 ویں آئینی ترمیم میں پارٹی پالیسی کے برخلاف حکومت کو ووٹ دینے پر جے یو آئی نے سینیٹر احمد خان کو پارٹی سے نکال دیا۔
ترجمان جے یو آئی کے مطابق جمعیت علمائے اسلام (جے یو آئی) پاکستان نے پارٹی ڈسپلن کی خلاف ورزی کرتے ہوئے 27ویں آئینی ترمیم کے حق میں حکومتی بل کو سپورٹ کرنے پر سینیٹر احمد خان کو پارٹی سے خارج کردیا۔
ترجمان کے مطابق یہ فیصلہ جمعیت علمائے اسلام پاکستان کے پارلیمانی لیڈر سینیٹر مولانا عطاء الرحمٰن اور صوبائی امیر بلوچستان سینیٹر مولانا عبد الواسع کی سفارش پر کیا گیا۔
ترجمان کے مطابق مرکزی جماعت نے فوری طور پر سینیٹر احمد خان کو پارٹی سے خارج کرتے ہوئے کہا ہے کہ وہ فوری طور پر سینیٹ کی نشست سے مستعفی ہوں ورنہ جمعیت علمائے اسلام پاکستان سینیٹ میں ان کی ڈس کوالیفکیشن کے لیے الیکشن کمیشن سے رجوع کرے گی۔
سرگودھا: گرلز اسکول کے گیٹ پر رکنے سے منع کرنے پر 3 نامعلوم افراد کا گارڈ پر تشدد