چین نے آپریشن بنیان المرصوص پر ہم سے زیادہ خوشی اور فخر کا اظہار کیا، ترجمان صدرمملکت
اشاعت کی تاریخ: 27th, September 2025 GMT
اسلام آباد(ڈیلی پاکستان آن لائن)ایوان صدر کے ترجمان مرتضیٰ سولنگی اور سینیٹر سلیم مانڈوی والا نے کہا ہے کہ چین میں ہر اجلاس میں آپریشن بنیان المرصوص کا ذکر ہوا، چین نے آپریشن بنیان المرصوص پر ہم سے زیادہ خوشی اور فخر کا اظہار کیا۔ایوانِ صدر کے ترجمان مُرتضیٰ سولنگی اور سینیٹر سلیم مانڈوی والا نے صدر کے دورہ چین پر مشترکہ پریس کانفرنس کی۔ مُرتضیٰ سولنگی نے کہا کہ صدرِ مملکت کا سال 2025 میں چین کا یہ دوسرا دورہ تھا، گزشتہ دورے میں چین کے اعلیٰ حکام سے ملاقاتیں ہوئی، اس بار دورہ مزید مختلف اور اہم نوعیت کا رہا۔
سیکیورٹی فورسز کا لکی مروت میں انٹیلی جنس بیسڈ آپریشن، بھارتی پراکسی یافتہ 17 خوارج جہنم واصل
ان کا کہنا تھاکہ دورے کے دوران صدر نے صوبائی اداروں اور چینی حکام سے اہم ملاقاتیں کیں، کئی سائیڈ لائن ملاقاتیں اور اہم ایم او یوز سائن ہوئے، چین نے پہلی بار کسی غیر ملکی سربراہ کو انٹرنیٹیکل کمپلیکس کا دورہ کرایا اور صدرِ مملکت کو دفاعی بریفنگ دی گئی، پاکستان اور چین کے تعلقات میں اعتماد کا نیا باب ہے۔سلیم مانڈوی والا نے کہا کہ گزشتہ دورے میں صدر مملکت کی چینی صدر اور اعلیٰ قیادت سے ملاقاتیں ہوئیں، صدر آصف علی زرداری پہلے سربراہ ہیں جنہوں نے کاشغر کا دورہ کیا، کچھ جگہ پر دورے چین کی دعوت پر اور کچھ پاکستان کی درخواست پر ہوئے، پاکستان اور چین کے تعلقات میں پیدا ہونے والا ڈِس کنیکٹ ختم کرنے کی کوشش کر رہے ہیں۔
سال 2025 کے لیے انسانی اسمگلرز کی نئی ریڈ بک جاری کر دی گئی، 143 انسانی اسمگلرز میں 7خواتین کے نام بھی شامل
ان کا کہنا تھاکہ دورے میں پتہ چلاکہ چین کی ٹیکنالوجی پاکستان سے کئی درجے ایڈوانس ہے، چینی ٹیکنالوجی رفتہ رفتہ پاکستان منتقل ہوگی، چین کی بڑی کمپنی گوادر میں سرمایہ کاری کرے گی، صدر مملکت نے کوئلہ گیسفیکیشن کا وژن دیا، چینی کمپنیاں دلچسپی لے رہی ہیں، کسانوں کے لیے وکیشنل ٹریننگ سینٹر بنانے پر چین نے آمادگی ظاہر کی، پاکستان میں ہائی اسپیڈ ٹرین متعارف کرانے پر بھی بات چیت ہوئی۔انہوں نے کہاکہ لائیو اسٹاک ٹریسنگ سسٹم کے لیے سندھ حکومت اور چین کے درمیان ایم او یو سائن ہوا ہے، صدر مملکت نے جے-35 طیارے پر تفصیلی بریفنگ بھی لی، اب تک چھ ایم او یوز مکمل ہوچکے ہیں، مزید پر بات جاری ہے۔
معذور افراد کو خودمختار زندگی فراہم کرنا حکومت کا اولین ہدف ہے:سہیل شوکت بٹ
سلیم مانڈوی والا کا کہنا تھاکہ چین پاکستان کو پریشانی میں نہیں دیکھنا چاہتا، چین کو سکیورٹی خدشات درپیش ہیں، اسی لیے چین کا فوکس سندھ اور پنجاب تک محدود ہے، چین میں ہر اجلاس میں آپریشن بنیان المرصوص کا ذکر ہوا، چین نے آپریشن بنیان المرصوص پر ہم سے زیادہ خوشی اور فخر کا اظہار کیا، آپریشن بنیان المرصوص کی کامیابی پر چین پاکستان سے زیادہ جشن مناتا رہا۔
مزید :.
ذریعہ
ذریعہ: Daily Pakistan
کلیدی لفظ: آپریشن بنیان المرصوص سلیم مانڈوی والا سے زیادہ اور چین چین نے چین کے
پڑھیں:
مینگو شیک کے لیے کون سا آم بہترین ہے؟ ذائقے اور کریمی ٹیکسچر کو بدل دینے والے راز
گرمیوں کی آمد کے ساتھ ہی آموں کی خوشبو اور مٹھاس ہر طرف پھیل جاتی ہے، اور بازاروں، ریڑھیوں اور گھروں میں مختلف اقسام کے آم اپنی رنگینی بکھیرنے لگتے ہیں۔
پاکستان میں آم کی کئی مشہور اقسام پائی جاتی ہیں جن میں دسہری، کیسر، چونسہ اور سندھ کے بعض علاقوں میں محدود پیمانے پر کاشت ہونے والا الفانسو آم شامل ہے، جسے عام طور پر ’الفنس‘ کے نام سے بھی جانا جاتا ہے۔
آم کو صرف ایک پھل نہیں بلکہ گرمیوں کی پہچان سمجھا جاتا ہے، اسی لیے اس موسم میں اس سے آئس کریم، میٹھے پکوان، آم رس، سلاد اور مختلف مشروبات تیار کیے جاتے ہیں۔ تاہم ٹھنڈا اور گاڑھا مینگو شیک آج بھی سب سے زیادہ پسند کیے جانے والے مشروبات میں شمار ہوتا ہے، اور اکثر یہ سوال سامنے آتا ہے کہ آخر مینگو شیک کے لیے بہترین آم کون سا ہے؟
ماہرین اور شوقین افراد کے مطابق الفانسو آم مینگو شیک کے لیے بہترین انتخاب سمجھا جاتا ہے۔ اس کی گودے دار ساخت قدرتی طور پر کریمی ہوتی ہے، اس میں ریشہ نہ ہونے کے برابر ہوتا ہے اور اس کی مٹھاس دودھ کے ساتھ بخوبی گھل جاتی ہے، جس سے شیک ہموار اور ملائم بنتا ہے۔ بعض آم بلینڈ کرنے کے بعد ریشے دار محسوس ہوتے ہیں، لیکن الفانسو شیک کو ایک یکساں اور کریمی ساخت دیتا ہے۔
الفانسو آم کی ایک اور نمایاں خصوصیت اس کی خوشبو ہے، جو سادہ دودھ کے شیک کو بھی ایک خاص ذائقہ اور مہک عطا کرتی ہے۔ چونکہ یہ قدرتی طور پر بہت میٹھا ہوتا ہے، اس لیے اکثر افراد اس میں اضافی چینی ڈالنے کی ضرورت محسوس نہیں کرتے۔
ماہرین کا کہنا ہے کہ ہر آم مینگو شیک کے لیے یکساں طور پر موزوں نہیں ہوتا۔ ایک اچھے شیک کے لیے ایسے آم کا انتخاب بہتر ہے جس میں ریشہ کم ہو، گودا قدرتی طور پر میٹھا اور خوشبودار ہو، ساخت گاڑھی اور کریمی ہو، جبکہ گٹھلی چھوٹی اور گودا زیادہ ہو۔
الفانسو کے علاوہ کیسر آم بھی ایک اچھا انتخاب سمجھا جاتا ہے، جو اپنے شوخ نارنجی گودے اور بھرپور مٹھاس کے باعث گاڑھا اور لذیذ شیک تیار کرتا ہے۔ اسی طرح دسہری آم اپنی خوشبو اور رس دار خصوصیات کی وجہ سے ہلکے اور تازگی بخش شیک کے لیے موزوں مانا جاتا ہے۔
ماہرین یہ بھی خبردار کرتے ہیں کہ بہت زیادہ پکے ہوئے آم استعمال نہ کیے جائیں، کیونکہ اگرچہ وہ زیادہ میٹھے ہوتے ہیں لیکن بعض اوقات ان میں خمیر جیسی بو پیدا ہو سکتی ہے جو شیک کے ذائقے کو متاثر کرتی ہے۔
گھر میں بہترین مینگو شیک بنانے کے لیے چند آسان طریقے بھی مددگار ثابت ہوتے ہیں۔ آموں کو استعمال سے پہلے ٹھنڈا کر لیا جائے تو برف کی ضرورت کم ہو جاتی ہے، جبکہ مکمل چکنائی والے ٹھنڈے دودھ سے شیک زیادہ کریمی بنتا ہے۔ آم کے ٹکڑوں کو فریز کر کے استعمال کرنے سے شیک مزید گاڑھا ہو جاتا ہے، اور ذائقے میں بہتری کے لیے ہلکی سی الائچی یا زعفران بھی شامل کیا جا سکتا ہے۔
ماہرین کے مطابق ضرورت سے زیادہ بلینڈنگ سے شیک پتلا بھی ہو سکتا ہے، اس لیے اسے مناسب وقت تک ہی بلینڈ کرنا بہتر سمجھا جاتا ہے۔ مجموعی طور پر کہا جا سکتا ہے کہ گرمیوں میں بہترین مینگو شیک کا راز صرف ترکیب میں نہیں بلکہ صحیح آم کے انتخاب میں بھی چھپا ہوتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ