خطرناک جنگلی بلی گھر سے فرار، حکام نے شہریوں کو خبردار کردیا
اشاعت کی تاریخ: 27th, September 2025 GMT
امریکی ریاست منیسوٹا کے ایک کاؤنٹی میں ایک غیرمعمولی خبر نے لوگوں کو چونکا دیا ہے۔ حکام نے شہریوں کو خبردار کیا ہے کہ ایک پالتو بوب کیٹ (جنگلی بلی) اپنے مالک کے گھر سے فرار ہوگئی ہے اور اب علاقے میں آزاد گھوم رہی ہے۔
یہ بھی پڑھیں: جنگلی حیات کی اہمیت و افادیت اجاگر کرنے کے لیے آگاہی مہم جاری
روزاؤ کاؤنٹی شیرف آفس کے مطابق ریاستی ڈپارٹمنٹ آف نیچرل ریسورسز کو اطلاع ملی کہ وار روڈ کے علاقے میں ایک بوب کیٹ قید سے نکل بھاگی ہے۔ حکام کا کہنا ہے کہ اگر کوئی شہری اس جانور کو دیکھے تو ہرگز قریب نہ جائے اور فوراً محکمہ جنگلات یا شیرف آفس کو اطلاع دے۔
دلچسپ بات یہ ہے کہ منیسوٹا میں بوب کیٹ کو عام طور پر پالتو جانور رکھنے کی اجازت نہیں، سوائے اس کے کہ کسی کے پاس خصوصی لائسنس ہو یا وہ کسی زو یا وائلڈ لائف سینکچری سے منسلک ہو۔ ابھی یہ واضح نہیں کہ اس بوب کیٹ کے مالک کے پاس قانونی پرمٹ تھا یا نہیں۔
بوب کیٹ کیوں خطرناک ہے؟بوب کیٹ اگرچہ عام حالات میں انسان پر حملہ نہیں کرتا، مگر اس کی جنگلی فطرت، تیز پنجے اور دانت اسے خطرناک بنا دیتے ہیں۔ یہ عموماً خرگوش، پرندے اور ہرن کے بچوں کا شکار کرتا ہے اور اگر کوئی انسان قریب جائے تو یہ اپنے دفاع میں جھپٹ سکتا ہے۔
یہ بھی پڑھیں: 5 فٹ لمبا آبی چھپکلی نما جانور 2 ریاستوں کو چکمہ دینے کے بعد گرفتار
مزید یہ کہ بوب کیٹ کو قابو میں رکھنا مشکل ہوتا ہے اور اگر اس کی ویکسین نہ لگی ہو تو یہ بیماری بھی پھیلا سکتا ہے۔
علاقے کے لوگ ایک جانب تجسس میں ہیں تو دوسری طرف احتیاط بھی برت رہے ہیں کہ کہیں اچانک ان کے سامنے یہ جنگلی بلی نہ آجائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بوب کیٹ جنگلی بلی حکام فرار منیسوٹا وارننگ.ذریعہ: WE News
کلیدی لفظ: امریکا بوب کیٹ جنگلی بلی حکام منیسوٹا وارننگ جنگلی بلی بوب کیٹ
پڑھیں:
ہمایوں سعید نے ٹیلنٹ ہنٹ پروگرام کا آغاز کردیا
اداکار ہمایوں سعید نے شوبز انڈسٹری میں نئے ٹیلنٹ کو متعارف کرانے کے لیے ٹیلنٹ ہنٹ پروگرام کا آغاز کر دیا ہے۔
سوشل میڈیا پر جاری پیغام میں ہمایوں سعید نے نوجوانوں کو دعوت دی کہ وہ اس تخلیقی میدان کا حصہ بنیں، خواہ وہ کیمرے کے سامنے آکر اداکاری کریں یا پس پردہ ذمہ داریاں سنبھالیں۔
یہ بھی پڑھیں: ’میں منٹو نہیں ہوں‘ ڈرامے میں استاد اور طالبہ کے رومانس پر ہمایوں سعید کا مؤقف کیا ہے؟
ہمایوں سعید نے انسٹاگرام پر اپنی پوسٹ میں کہا کہ وہ ایسے با صلاحیت نوجوانوں کی تلاش میں ہیں جو تخلیقی عمل میں کسی بھی شکل میں حصہ لینا چاہتے ہیں، اس فہرست میں اسسٹنٹ پروڈیوسر، اسسٹنٹ ڈائریکٹر، لائن پروڈیوسر، آرٹ ڈائریکٹر، پروڈکشن ڈیزائنر، رائٹرز، پرفارمرز، سنگرز، میوزی شینز، ایڈیٹرز، وی ایف ایکس آرٹسٹ اور گرافک ڈیزائنرز شامل ہیں۔
View this post on Instagram
A post shared by Humayun Saeed (@saeedhumayun)
اداکار کا کہنا تھا کہ منتخب امیدواروں کو تربیت فراہم کی جائے گی تاکہ وہ مستقبل میں مختلف شعبوں میں قائدانہ کردارادا کرسکیں۔ اس پروگرام کے لیے کسی مخصوص تعلیمی قابلیت یا فنون لطیفہ میں پیشگی تجربے کی شرط نہیں رکھی گئی۔
یہ بھی پڑھیں: ہمایوں سعید پاکستان کے بہترین اداکار کیوں نہیں ہیں؟ شبیر جان نے بتا دیا
ہمایوں سعید نے خاص طور پر نئے فارغ التحصیل طلبہ کو شرکت کی ترغیب دی تاہم انہوں نے واضح کیا کہ اس کے لیے کوئی عمر کی حد مقرر نہیں۔ ان کے مطابق “جذبہ اور کمٹمنٹ” سب سے اہم ہے۔
ٹیلنٹ ہنٹ میں حصہ لینے کے خواہشمند نوجوان اپنی درخواستیں ای میل کے ذریعے [email protected] پر بھجوا سکتے ہیں۔
یہ سال پاکستان کے لیے نئے ٹیلنٹ کے حوالے سے غیر معمولی اہمیت رکھتا ہے۔ ایک طرف مقبول سنگنگ رئیلٹی شو پاکستان آئیڈل تقریباً 10 سال بعد دوبارہ شروع کیا جارہا ہے، جس کے ججز میں فواد خان، زب بنگش، راحت فتح علی خان اور بلال مقصود شامل ہیں۔ دوسری جانب ملک پہلی بار دنیا کے سب سے بڑے ٹی وی ٹیلنٹ شو گٹ ٹیلنٹ کے اپنے ورژن کی میزبانی کی تیاری بھی کر رہا ہے۔
یہ بھی پڑھیں: علم ہی نہیں تھا کہ شاہ رخ خان کے ساتھ پرفارم کرنا ہے، ہمایوں سعید نے یادگار واقعہ سنا دیا
ہمایوں سعید کا یہ اقدام اس پس منظر میں پاکستانی شوبز انڈسٹری کے لیے ایک نیا باب کھولنے کی کوشش قرار دیا جارہا ہے، جس سے نوجوانوں کو مواقع میسر آئیں گے اور صنعت میں تخلیقی صلاحیتوں کا دائرہ مزید وسیع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکار پاکستان ٹیلنٹ ہنٹ ہمایوں سعید
دو گول گپوں کے جھگڑے پر خاتون کا سڑک پر دھرنا؛ ٹریفک جام