ہمایوں سعید نے ٹیلنٹ ہنٹ پروگرام کا آغاز کردیا
اشاعت کی تاریخ: 27th, September 2025 GMT
اداکار ہمایوں سعید نے شوبز انڈسٹری میں نئے ٹیلنٹ کو متعارف کرانے کے لیے ٹیلنٹ ہنٹ پروگرام کا آغاز کر دیا ہے۔
سوشل میڈیا پر جاری پیغام میں ہمایوں سعید نے نوجوانوں کو دعوت دی کہ وہ اس تخلیقی میدان کا حصہ بنیں، خواہ وہ کیمرے کے سامنے آکر اداکاری کریں یا پس پردہ ذمہ داریاں سنبھالیں۔
یہ بھی پڑھیں: ’میں منٹو نہیں ہوں‘ ڈرامے میں استاد اور طالبہ کے رومانس پر ہمایوں سعید کا مؤقف کیا ہے؟
ہمایوں سعید نے انسٹاگرام پر اپنی پوسٹ میں کہا کہ وہ ایسے با صلاحیت نوجوانوں کی تلاش میں ہیں جو تخلیقی عمل میں کسی بھی شکل میں حصہ لینا چاہتے ہیں، اس فہرست میں اسسٹنٹ پروڈیوسر، اسسٹنٹ ڈائریکٹر، لائن پروڈیوسر، آرٹ ڈائریکٹر، پروڈکشن ڈیزائنر، رائٹرز، پرفارمرز، سنگرز، میوزی شینز، ایڈیٹرز، وی ایف ایکس آرٹسٹ اور گرافک ڈیزائنرز شامل ہیں۔
View this post on Instagram
A post shared by Humayun Saeed (@saeedhumayun)
اداکار کا کہنا تھا کہ منتخب امیدواروں کو تربیت فراہم کی جائے گی تاکہ وہ مستقبل میں مختلف شعبوں میں قائدانہ کردارادا کرسکیں۔ اس پروگرام کے لیے کسی مخصوص تعلیمی قابلیت یا فنون لطیفہ میں پیشگی تجربے کی شرط نہیں رکھی گئی۔
یہ بھی پڑھیں: ہمایوں سعید پاکستان کے بہترین اداکار کیوں نہیں ہیں؟ شبیر جان نے بتا دیا
ہمایوں سعید نے خاص طور پر نئے فارغ التحصیل طلبہ کو شرکت کی ترغیب دی تاہم انہوں نے واضح کیا کہ اس کے لیے کوئی عمر کی حد مقرر نہیں۔ ان کے مطابق “جذبہ اور کمٹمنٹ” سب سے اہم ہے۔
ٹیلنٹ ہنٹ میں حصہ لینے کے خواہشمند نوجوان اپنی درخواستیں ای میل کے ذریعے [email protected] پر بھجوا سکتے ہیں۔
یہ سال پاکستان کے لیے نئے ٹیلنٹ کے حوالے سے غیر معمولی اہمیت رکھتا ہے۔ ایک طرف مقبول سنگنگ رئیلٹی شو پاکستان آئیڈل تقریباً 10 سال بعد دوبارہ شروع کیا جارہا ہے، جس کے ججز میں فواد خان، زب بنگش، راحت فتح علی خان اور بلال مقصود شامل ہیں۔ دوسری جانب ملک پہلی بار دنیا کے سب سے بڑے ٹی وی ٹیلنٹ شو گٹ ٹیلنٹ کے اپنے ورژن کی میزبانی کی تیاری بھی کر رہا ہے۔
یہ بھی پڑھیں: علم ہی نہیں تھا کہ شاہ رخ خان کے ساتھ پرفارم کرنا ہے، ہمایوں سعید نے یادگار واقعہ سنا دیا
ہمایوں سعید کا یہ اقدام اس پس منظر میں پاکستانی شوبز انڈسٹری کے لیے ایک نیا باب کھولنے کی کوشش قرار دیا جارہا ہے، جس سے نوجوانوں کو مواقع میسر آئیں گے اور صنعت میں تخلیقی صلاحیتوں کا دائرہ مزید وسیع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکار پاکستان ٹیلنٹ ہنٹ ہمایوں سعید.
ذریعہ
ذریعہ: WE News
کلیدی لفظ: اداکار پاکستان ٹیلنٹ ہنٹ ہمایوں سعید ہمایوں سعید نے ٹیلنٹ ہنٹ کے لیے
پڑھیں:
سی پیک اتھارٹی کی بلٹ پروف گاڑی خریدنے کی منظوری
اسلام آباد(ڈیلی پاکستان آن لائن)چین پاکستان اکنامک کاریڈور (سی پیک) سیکریٹریٹ نے چینی شہریوں کو سیکیورٹی فراہم کرنے کے لیے 95 ملین (9 کروڑ 50 لاکھ) روپے کی لاگت سے ایک بلٹ پروف گاڑی خریدنے کا فیصلہ کیا ہے، کیونکہ اس کے مطابق کابینہ ڈویژن اس کی فوری ضروریات پوری کرنے سے قاصر تھی جس کی وجہ سے اہم سرکاری مصروفیات منسوخ کرنا پڑیں۔
یہ نئی ٹویوٹا لینڈ کروزر 3500 سی سی گاڑی پہلے سے موجود ایسی گاڑیوں کے پول اور کم از کم دو ہیلی کاپٹروں کے علاوہ ہوگی، جو مختلف سرکاری محکموں نے حملوں کی زد میں آنے والے چینی شہریوں کے تحفظ کے لیے یا تو خریدی ہیں یا خریدنے کے عمل میں ہیں۔ زیادہ خطرات کی وجہ سے چینی شہریوں کو بغیر بلٹ پروف گاڑیوں میں سفر کرنے کی اجازت نہیں ہے۔منصوبہ بندی کے وزیر احسن اقبال نے کہا کہ یہ بلٹ پروف گاڑی صرف چینی شہریوں کی سیکیورٹی کے لیے خریدی جا رہی ہے، جن کا تحفظ حکومتِ پاکستان کی بنیادی ذمہ داری ہے۔
الخدمت فاؤنڈیشن کا بارشوں اور ممکنہ سیلابی صورتحال کے پیش نظر ہنگامی اجلاس، ملک بھر میں 46 ایمرجنسی رسپانس سینٹرز قائم
حکومت پبلک پروکیورمنٹ رولز کے رول 42-سی (vii) کا نفاذ کرتے ہوئے مقامی اسمبلر کے ڈیلر سے براہ راست معاہدے کے ذریعے یہ گاڑی خریدے گی۔سی پیک سیکریٹریٹ کے پاس گاڑی خریدنے کے لیے مطلوبہ فنڈز موجود نہیں تھے۔ وزارتِ منصوبہ بندی نے مختلف منصوبوں سے 58.3 ملین روپے منتقل کرکے 30 جون تک آرڈر دینے کا انتظام کیا تھا۔ تاہم مالی سال کے اختتام تک ضروری منظوریوں میں تاخیر کی وجہ سے آرڈر نہیں دیا جا سکا۔
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم