مریم نواز نے سیلاب بحالی پروگرام کا باقاعدہ افتتاح کر دیا
اشاعت کی تاریخ: 27th, September 2025 GMT
—فائل فوٹو
لاہور میں وزیرِ اعلیٰ پنجاب مریم نواز نے سیلاب بحالی پروگرام کا باقاعدہ افتتاح کر دیا۔
اس موقع پر وزیرِ اعلیٰ پنجاب مریم نواز نے پی ڈی ایم اے کے رضاکاروں سے حلف لیا۔
تقریب سے خطاب کرتے ہوئے انہوں نے کہا کہ دریائے راوی، ستلج اور چناب میں سیلاب آیا، جس سے 25 کے قریب شہر متاثر ہوئے ہیں۔
لاہور/ڈی جی خان وزیراعلیٰ پنجاب مریم نواز نے کہا.
مریم نواز کا کہنا ہے کہ سیلاب متاثرین کو ہم تنہا نہیں چھوڑیں گے، خواجہ سلمان رفیق نے سیلاب زدگان کی مدد کے لیے دن رات ایک کر دیا۔
وزیرِ اعلیٰ پنجاب مریم نواز کا کہنا ہے کہ مریم اورنگزیب نے مظفر گڑھ کے گاؤں میں ڈیرے ڈالے، 18، 18 گھنٹے کام کیا۔
ان کا کہنا ہے کہ مجھے پنجاب کی کابینہ اور پنجاب کے خدمت گاروں پر فخر ہے، پی ڈی ایم اے کے ڈی جی عرفان کاٹھیا نے بھی دن رات ایک کیا ہے۔
وزیرِ اعلیٰ پنجاب مریم نواز نے کہا ہے کہ ڈی جی ریسکیو رضوان نصیر اور اہلکاروں نے دن رات کام کیا ہے، انہیں بھی شاباش، آئی جی کی سربراہی میں پولیس نے ریلیف کا کام کیا، انہیں بھی شاباش دینا چاہتی ہوں۔
انہوں نے کہا کہ اسٹینڈ لیا تھا کہ میں ینگ منسٹر لوں گی، ان میں ہمت ہے، وہ خدمت کریں گے، پنجاب حکومت نے سیلاب میں انخلاء اور ریلیف آپریشن کیا، پنجاب وہ پہلا صوبہ بن گیا جس نے ڈھائی ملین افراد کا بر وقت انخلاء کیا۔
مریم نواز کا کہنا ہے کہ اب پنجاب حکومت کا بحالی آپریشن بھی سنہرے حروف میں لکھا جائے گا، ہم نے کلینک آن ویلز سیلاب متاثرین کے لیے مختص کیے، سیلاب کے بعد پہلی بار ہے کہ کوئی وباء نہیں پھوٹی۔
ان کا کہنا ہے کہ ریلیف کیمپ میں بچوں کو اپنی نگرانی میں نہلوایا تاکہ وہ بیمار نہ ہوں، سیلاب زدہ علاقوں میں جانوروں کے علاج کے لیے بھی اسپتال تھے، پنجاب پر فخر ہے جس نے لاکھوں افراد کی جان بچائی، دریاؤں پر کیمرے لگائے جس سے ہم 24 گھنٹے صورتِ حال مانیٹر کرتے تھے۔
پنجاب کی وزیرِاعلیٰ مریم نوازنے کہا کہ جہاں زمینی رابطہ کٹ گیا تھا ان علاقوں میں کلینک آن بوٹس بھیجے، ہاؤسنگ ڈپارٹمنٹ نے ہر جگہ پینے کا صاف پانی پہنچایا، صرف انسانوں کے لیے نہیں جانوروں کے لیے بھی موبائل اسپتال تھے، باقی لوگ صرف پنجاب پر تنقید کررہے ہیں۔
انہوں نے کہا کہ تنقید کرنے والے اپنے صوبے میں کام کر لیں تو وہاں بھی لوگوں کا بھلا ہو، پنجاب کامیابیوں پر کامیابیوں کی روایات قائم کرتا جا رہا ہے، باقی لوگ صرف پنجاب پر تنقید کر رہے ہیں، جتنا پنجاب پر تنقید کرتے ہو اتنا کبھی اپنے صوبے میں کام کر لو تاکہ مخلوق کا بھلا ہو جائے۔
ڈیرہ غازی خان میں الیکٹرک بس سروس کی افتتاحی تقریب سے خطاب کرتے ہوئے وزیر اعلیٰ پنجاب نے کہا کہ مفت مشورے آرہے ہیں، اگر ہم دنیا سے امداد مانگیں تو این ایف سی کا پیسہ کس لیے ہے، کوئی خود دار شخص یہ بات کیسے کرسکتا ہے۔
مریم نواز نے کہا کہ تنقید کرنے والے بھی کچھ کام کر لیں، جہاں پر میری ضرورت تھی یا نہیں تھی میں وہاں پہنچی، غفلت کی نیند نہیں سو رہی، دکھ کی گھڑی میں عوام کے ساتھ ہوں، بہت آسان ہے یہ کہنا کہ وزیرِ اعلیٰ کیمرے کے سامنے نہیں آتا، کام کرو گے تو کیمرے کے سامنے آؤ گے۔
ان کا کہنا ہے کہ چپ کر کے جو کام ہوتا ہے وہ کام نہیں آرام ہوتا ہے، جو کام ہوتا ہے وہ سر چڑھ کر بولتا ہے، باقی کوئی ایک دوسرے پر تنقید نہیں کر رہا، تنقید صرف پنجاب پر ہو رہی ہے، تنقید اس لیے ہو رہی ہے کہ کام صرف پنجاب میں ہو رہا ہے، میرا ایک طریقہ ہے کہ تنقید پر کان بند کرکے اپنے کام پر نظر رکھو۔
وزیرِ اعلیٰ پنجاب مریم نوازنے کہا کہ دوسرے صوبوں سے آوازیں آ رہی ہیں، کاش ہماری حکومت بھی پنجاب جیسی ہو، پنجاب میں زیادہ تر مسلم لیگ ن کی حکومت رہی ہے جس نے دن رات کام کیا، میں صرف سیلاب سے نہیں نمٹ رہی، صوبے میں ترقیاتی کام بھی جاری رکھے ہیں، میں گرین بسیں لے کر شہر شہر جارہی ہوں۔
ذریعہ: Jang News
کلیدی لفظ: پنجاب مریم نواز نے کا کہنا ہے کہ نے کہا کہ نے سیلاب کام کیا کے لیے دن رات کام کر
پڑھیں:
ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، مریم نواز
وزیراعلیٰ پنجاب مریم نواز نے کہا ہے کہ پنجاب میں وائلڈ لائف کا سب سے بڑا اسپتال قائم کیا جارہا ہے، 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں،
وزیراعلیٰ پنجاب مریم نواز نے برازیل میں منعقدہ تقریب سے خطاب کرتے ہوئے کہا کہ پنجاب نے حیوانات اور ماحولیاتی نظام کی بحالی کے لیے پاکستان کی تاریخ کی سب سے بڑی مہم شروع کی ہے، جو ہمدردی، اختراع اور انسانیت کی تجدید کا مظہر ہے۔
یہ بھی پڑھیں: مریم نواز کے ماحولیاتی آلودگی کے لیے اقدامات: ’عثمان بزدار کی حکومت میں ایسا کچھ دیکھنے کو ملا ہے؟‘
انہوں نے بتایا کہ پنجاب وائلڈ لائف اینڈ بایو ڈائیورسٹی ری وائیول پروگرام کے تحت مارچ 2024 سے اب تک 35 ہزار سے زائد نایاب پرندوں اور 700 جانوروں کو بچایا جا چکا ہے، جب کہ لاہور سفاری پارک میں 23 ریچھوں کے لیے خصوصی محفوظ مقام قائم کیا گیا ہے۔
Once, the cry of the wild in Punjab was fading. The rivers had grown silent, forests were shrinking, and the flight of our birds had become a rare sight. But today, the wilderness breathes again. Under the Punjab Wildlife and Biodiversity Revival Programme, we have launched the… pic.twitter.com/BZaIZ59vHv
— PMLN (@pmln_org) November 11, 2025
مریم نواز نے کہا کہ پہلی بار مصنوعی ذہانت سے چلنے والے ڈرون سروے صوبے بھر میں جنگلی حیات کے مسکنوں کا نقشہ بنا رہے ہیں، جب کہ بلیک بَک پرندوں کی عالمی سطح پر پہلی ڈرون مردم شماری نے تحفظِ ماحول کے میدان میں نیا عالمی معیار قائم کیا ہے۔
انہوں نے بتایا کہ پنجاب میں وائلڈ لائف ریسکیو رینجرز فورس قائم کی گئی ہے جو جدید ریسکیو گاڑیوں، الیکٹرک بائیکس اور جی پی ایس کالرز سے لیس ہے، جب کہ تین جدید ریسکیو سینٹرز اور ایک 24 گھنٹے فعال وائلڈ لائف ہیلپ لائن بھی قائم کی جا چکی ہے۔
یہ بھی پڑھیں: گرین اسکواڈ ماحولیاتی قوانین کی خلاف ورزی پر نظر رکھے گا، مریم نواز
وزیراعلیٰ نے مزید کہا کہ جنوبی ایشیا کا سب سے بڑا اور جدید ترین وائلڈ لائف اسپتال پنجاب میں زیرِ تعمیر ہے تاکہ زخمی یا خطرے میں پڑی انواع کے علاج و نگہداشت کے معیار کو عالمی سطح تک پہنچایا جا سکے۔
Let it also be known as the moment when the Global South found its voice not in protest, but in purpose. The time has come to redefine the balance between the Global North and the Global South, not built on aid, but on accountability, not on pity, but on partnership.… pic.twitter.com/1NLlDn24mi
— PMLN (@pmln_org) November 11, 2025
انہوں نے بتایا کہ 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، جب کہ نئے بایو ڈائیورسٹی پارکس اور زولوجیکل پارکس فطرت سے ذمہ دارانہ تعلق کو فروغ دے رہے ہیں۔
پنجاب وائلڈ لائف ایکٹ اور پروٹیکٹڈ ایریاز ایکٹ میں خصوصی عدالتیں، وِسل بلوور تحفظ، اور 7 سال تک قید و 50 لاکھ روپے تک جرمانے کی سزائیں شامل کی گئی ہیں۔ نئی وائلڈ لائف فورس میں 600 افسران خدمات انجام دے رہے ہیں، جن میں 25 فیصد خواتین شامل ہیں۔
یہ بھی پڑھیں: کاپ 30: وزیراعلیٰ پنجاب مریم نواز کا جاسنڈا آرڈن کے ہمراہ پاکستان پویلین کا افتتاح
مریم نواز نے کہا کہ پنجاب میں جنگلات اور جھیلیں دوبارہ زندگی پا رہی ہیں، کیونکہ ہر بچائے گئے ہرن، ہر پرندے اور ہر بچے کی آنکھوں میں فطرت کی تجدید کا عکس جھلکتا ہے۔
انہوں نے زور دیا کہ حقیقی لچکدار معاشرے کی بنیاد شفاف طرزِ حکمرانی اور انصاف پر ہوتی ہے۔ پنجاب کلائمیٹ کونسل تمام محکموں کو ایک مربوط فریم ورک کے تحت اکٹھا کر رہی ہے، جب کہ اسپیشل انویسٹمنٹ فسیلیٹیشن کونسل کے ذریعے عالمی شراکت داروں کے ساتھ مل کر گرین اکانومی، ویسٹ ٹو انرجی، ای موبیلٹی اور بلیو اکانومی منصوبوں پر کام جاری ہے۔
وزیراعلیٰ نے کہا کہ زمین کو بچانے کی ضرورت نہیں، بلکہ ہمیں اپنی بقا کے لیے فطرت کے ساتھ شراکت داری کی ضرورت ہے۔ انہوں نے کہا کہ دنیا کے شمالی اور جنوبی حصے امداد کے نہیں بلکہ شراکت کے تعلق سے جڑے رہیں، تاکہ موسمی انصاف کے لیے حقیقی قیادت سامنے آئے۔
یہ بھی پڑھیں: وزیراعلیٰ مریم نواز شریف کوپ 30 اجلاس میں شرکت کے لیے برازیل روانہ
مریم نواز نے اپنے خطاب کے اختتام پر کہا کہ اب وقت آ گیا ہے کہ عالمی جنوب مظلوم نہیں بلکہ موسمی انصاف کے قائد کی حیثیت سے ابھرے۔ کلائمیٹ ایکشن خیرات نہیں بلکہ انصاف ہے، اور یہی انسانیت کی بقا کی واحد راہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکو ٹورزم بایو ڈائیورسٹی پارکس برازیل پرندے جاپان جنگلی حیات زولوجیکل پارکس مریم نواز وزیراعلٰی پنجاب
پیپلز پارٹی کی سینٹرل ایگزیکٹو کمیٹی اجلاس میں 27ویں آئینی ترمیم پر مشاورت