اماراتی عدالت کا بنا اجازت کے گاڑی چلانے والے غیر ملکی کو ملک بدر کرنے کا حکم
اشاعت کی تاریخ: 27th, September 2025 GMT
العین (اُردو پوائنٹ اخبارتازہ ترین۔ 26 ستمبر2025ء) اماراتی عدالت کا بنا اجازت کے گاڑی چلانے والے غیر ملکی کو ملک بدر کرنے کا حکم، ملزم نے اپنی خاتون کولیگ کی گاڑی کو بنا اجازت کے استعمال کر کے ٹریفک قوانین کی سنگین خلاف ورزی کی تھی۔ تفصیلات کے مطابق متحدہ عرب امارات میں رہائش پذیر ایک غیر ملکی کو ملک بدر کرنے کا ایک ایسا کیس سامنے آیا ہے جس سے ثابت ہوتا ہے کہ متحدہ عرب امارات میں قوانین پر کس قدر سختی سے عملدرآمد کروایا جاتا ہے۔
گلف نیوز کی رپورٹ کے مطابق متحدہ عرب امارات کے علاقے العین میں ملازمت کرنے والے ایک غیر ملکی کی جانب سے اپنی خاتون کولیگ کی گاڑی کو بنا اجازت کے استعمال کرتے ہوئے ٹریفک قوانین کی سنگین خلاف ورزیاں کی گئیں۔ ملزم نے گاڑی کی حد رفتار اور دیگر قوانین کی سنگین خلاف ورزی کی، جس کے نتیجے میں گاڑی کو ضبط کر لیا گیا۔(جاری ہے)
بعد ازاں گاڑی کی مالکن نے عدالت سے رجوع کر کے ملزم کیخلاف مزید کاروائی کرنے کی درخواست کی۔
متاثرہ خاتون نے بتایا کہ ملزم کی جانب سے بنا اجازت کے گاڑی استعمال کرنے اور ٹریفک قوانین کی خلاف ورزی کرنے کے باعث اس کی گاڑی کو ضبط کر لیا گیا تھا، جس کے بعد خاتون کو 11 ہزار درہم کا جرمانہ ادا کر کے گاڑی کا قبضہ واپس حاصل کرنا پڑا۔ اس کے علاوہ گاڑی کی ضبطگی کے دوران خاتون کو 10 ہزار درہم کا نقصان بھی برداشت کرنا پڑا۔ خاتون نے عدالت سے درخواست کی کہ اسے جو بھی مالی نقصان ہوا، ملزم سے اس نقصان کو پورا کروایا جائے۔ عدالت نے خاتون کی درخواست پر ملزم کو 1 سال قید اور 10 ہزار درہم کی رقم خاتون کو ادا کرنے کا حکم دیا۔ جبکہ ملزم کو ملک بدر کرنےکا حکم بھی دے دیا گیا۔.
ذریعہ
ذریعہ: UrduPoint
کلیدی لفظ: تلاش کیجئے کو ملک بدر کرنے بنا اجازت کے قوانین کی غیر ملکی خاتون کو کرنے کا گاڑی کو کے گاڑی کا حکم
پڑھیں:
دکانیں، بازار، شاپنگ مالز اور عمومی ریٹیل کاروبار رات 9 بجے تک کھلے رکھنے کی اجازت دینے کا فیصلہ
اسلام آباد (ڈیلی پاکستان آن لائن)نائب وزیرِاعظم اسحاق ڈار کی زیرِ صدارت کفایت شعاری اقدامات کی نگرانی اور عملدرآمد کمیٹی کا اہم اجلاس ہوا جس دوران دکانوں اور کاروباری مراکز کے اوقاتِ کار میں توسیع کا بڑا فیصلہ ہو گیا، دن کے طویل دورانیے اور شدید گرمی کے پیشِ نظر اب ملک بھر میں دکانیں، بازار اور شاپنگ مالز رات نو بجے تک کھلے رہ سکیں گے۔
کمیٹی کے فیصلے کے مطابق ریٹیل کاروبار اور شاپنگ مالز کو رات نو بجے تک جبکہ ریسٹورنٹس، کیفے اور کھانے پینے کے مراکز کو رات گیارہ بجے تک کھلے رکھنے کی اجازت ہوگی۔ دوسری جانب، شادی ہالز اور تقریبات کے مقامات پر یہ ریلیف لاگو نہیں ہوگا اور وہ بدستور رات دس بجے بند کر دیئے جائیں گے۔ اجلاس میں واضح کیا گیا کہ فارمیسیز، اسپتال، پٹرول پمپس، آئی ٹی اور ٹیلی کام سے متعلق خدمات اوقاتِ کار کی اس پابندی سے مکمل طور پر مستثنیٰ ہوں گی۔ اسحاق ڈار کی جانب سے تمام صوبوں کو ہدایت کی گئی ہے کہ وہ وفاقی حکام کے ساتھ قریبی رابطے میں رہتے ہوئے نئی ہدایات پر سختی سے عملدرآمد یقینی بنائیں۔
وزیر خارجہ سینیٹر اسحاق ڈار سے بیلجیئم میں پاکستان کے سفیررحیم حیات قریشی کی اہم ملاقات
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ