ننھے سعد کے اغوا سے لیکر قتل تک کی اندوہناک تفصیلات!
اشاعت کی تاریخ: 27th, September 2025 GMT
لانڈھی میں ننھے سعد کے قاتل حسن اور سہیل نے بچے کے اغوا سے لیکر قتل تک کی تفصیلات بتادیں۔
تفصیلات کے مطابق کراچی کے علاقے لانڈھی کے علاقے میں 6 سالہ بچے کے اغوا، زیادتی اور قتل کے کیس کی سماعت ہوئی، جوڈیشل مجسٹریٹ شرقی کی عدالت نے دونوں ملزمان کا اعترافی بیان ریکارڈ کرلیا۔
ملزم حسن نے بیان دیا کہ میں گوشت کا کام کرتا ہوں اور 18 ستمبر کو باڑے کے پاس موجود تھا، میرے ساتھ ملزم سہیل بھی موجود تھا، بچہ خالہ کے گھر سے باہر آیا تو سہیل نے اسے چیز دلوائی اور باڑے لے آیا۔
ملزم حسن نے پولیس کوبتایا کہ باڑے میں تھوڑی دیر بچے کو جانور دکھائے اور پھر کمرے میں لے گئے، پہلے سہیل نے بچے سے زیادتی کی اس کے بعد میں نے زیادتی کی، بچے کے ہاتھ پاؤں باندھ کر اوپر کپڑا ڈال دیا تاکہ اس کی آواز نہ نکلے، اس کے بعد سہیل نے بچے کو کمرے سے باہر نکالا اور گلا دبایا۔
ملزم حسن نے کہا کہ سہیل نے بچے کے سر پر بلاک مارا جس سے وہ مرگیا جس کے بعد ہم نے بھوسے کے ڈبہ میں لاش ڈال کر اسے گندی گلی میں پھینک دیا، سہیل گھر سے قالین لیکر آیا اوپر رکھا اور پھر بلاک رکھ دیا، ہمیں لاش کا معلوم تھا اس لئے ورثا کو خود لےکر وہاں گئے۔
ننھے سعد کے دوسرے قاتل ملزم سہیل نے بیان دیا کہ ملزم حسن کے کہنے پر بچے کو باڑے میں لیکر گیا تھا، پہلے میں نے پھر حسن نے بچے سے زیادتی کی، حسن نے بچےکو مارا جس کے بعد گندے نالے میں پھینک دیا، عدالت نے دونوں ملزمان کا اعترافی بیان ریکارڈ کرکے ریکارڈ پر رکھ لیا۔
ذریعہ
ذریعہ: Daily Mumtaz
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
بھارت سے جنگ اور افغانستان میں کارروائی خارج ازامکان نہیں، وزیردفاع