بھارت کی کرکٹ میں بلیک میلنگ
اشاعت کی تاریخ: 27th, September 2025 GMT
کرکٹ ہمیشہ برصغیر میں محبت، جوش اور یکجہتی کی علامت سمجھا جاتا ہے۔ کرکٹ کو ہمیشہ ایک ایسا کھیل سمجھا جاتا رہا ہے جو سرحدوں سے بالاتر ہو کر عوام کے دلوں کو جوڑتا ہے، جہاں کھلاڑی اپنی صلاحیت، محنت اور لگن سے کھیل کے ذریعے محبت اور بھائی چارے کا پیغام دیتے ہیں۔
ایشیا کپ 2025، کو بھی بھارت نے سیاست زدہ کر کے ایک ایسا میدان بنا دیا ہے جہاں کھیل کے بجائے نفرت اور پروپیگنڈا کو فروغ دیا جا رہا ہے، لیکن افسوس کہ بھارت میں انتہا پسند ہندوؤں، آر ایس ایس کے غنڈوں اور ان کے سیاسی سہولت کاروں نے اس کھیل کو بھی اپنی گندی سیاست کی بھینٹ چڑھا دیا ہے۔
کرکٹ کا وہ میدان جو کبھی دوستی، کھیل اور شفافیت کی علامت تھا، آج بھارتی ہٹ دھرمی اور انتہا پسندی کی وجہ سے متنازعہ بنتا جا رہا ہے۔ یہ صورتحال نہ صرف کھیل کے تقدس کو مجروح کر رہی ہے بلکہ بین الاقوامی سطح پر بھارت کے مکروہ عزائم کو بھی بے نقاب کر رہی ہے۔
اس سارے کھیل میں سب سے اہم کردار جے شا کا ہے جو بھارت کا وزیر داخلہ امیت شا کا بیٹا ہے اور براہ راست آر ایس ایس کی سوچ کا پروردہ ہے۔ جے شا جب سے آئی سی سی کا چیئرمین بنا ہے، اس نے کرکٹ کو سیاست کا میدان بنا دیا ہے۔
ماضی میں بھی بھارت نے ایشیا کپ جیسے اہم ایونٹس میں پاکستان کے خلاف اپنی ہٹ دھرمی اور تعصب پر مبنی رویے کا مظاہرہ کیا، مگر اب یہ رویہ شدت اختیار کر گیا ہے۔ پاکستان کی ٹیم اور شائقین کرکٹ کو ٹارگٹ کیا جا رہا ہے تاکہ دنیا بھر میں بھارت کا پروپیگنڈا غالب رہے۔
حالیہ ایشیا کپ کے دوران بھی یہی کچھ دیکھنے میں آیا جب بھارتی گودی میڈیا نے جھوٹے اور من گھڑت الزامات لگا کر کھیل کو سیاست کی بھینٹ چڑھایا۔ پہلگام واقعہ جسے بھارتی اداروں نے اپنی مرضی کے مطابق توڑ مروڑ کر پیش کیا، دراصل ان کی ناکام حکمت عملی کا حصہ ہے۔
بھارت کی فوج کئی محاذوں پر ہزیمت اٹھا چکی ہے اور اپنی بزدل شکست خوردہ کارروائیوں کو چھپانے کے لیے کھیل کو استعمال کیا جا رہا ہے۔ بھارتی کرکٹ ٹیم کے کپتان نے میچ جیتنے کے بعد اپنی کامیابی کو پہلگام واقعہ سے جوڑ کر اس حقیقت کو مزید اجاگر کیا کہ بھارتی کھیلوں کے ادارے اور ٹیمیں کس حد تک فوجی پروپیگنڈے کے ہاتھوں یرغمال ہیں۔
ایک کھلاڑی کا اپنی کارکردگی کو کھیل کے بجائے فوجی کارروائیوں کے ساتھ نتھی کرنا کھیل کی روح کے منافی ہے۔بھارتی کپتان نے آئی سی سی کے کورٹ آف کنڈیکٹ کی خلاف ورزی کرتے ہوئے پریس کانفرنس میں بات کی جب کہ اس میں آپ مذہب، سیاسی بیان اور آرمی یا فورسز کی بات نہیں کرسکتے، اگر کرسکتے ہیں تو آئی سی سی کی اجازت کے بعد کرسکتے ہیں، اگر آئی سی سی نے ایسی اجازت دی ہے تو وہ سامنے آنا چاہیے۔
ماضی میں عثمان خواجہ اور معین علی نے غزہ کے لیے کچھ کہا تھا، اس پر انھیں پچیس فیصد جرمانہ ہوا تھا۔ اس سے صاف ظاہر ہوتا ہے کہ بھارت کھیل کو کھیل نہیں بلکہ اپنی انتہا پسندانہ سیاست کا آلہ کار سمجھتا ہے۔ یہ صورتحال مزید اس وقت شرمناک ہوئی جب متنازعہ میچ ریفری اینڈی پائی کرو (Andy Pycroft)، جس کا تعلق زمبابوے سے ہے، پاکستان کے خلاف کھلے عام جانبدار فیصلے کرتا رہا۔
اینڈی پائی کرو ماضی میں بھی کئی بار پاکستان کے خلاف غلط فیصلے دے چکا ہے اور اب اسے جے شا کی مکمل پشت پناہی حاصل ہے۔ بین الاقوامی کرکٹ میں ریفری اور امپائرزکا غیر جانبدار ہونا سب سے اہم اصول سمجھا جاتا ہے، مگر بھارت نے اس اصول کو بھی اپنے مکروہ عزائم کی خاطر روند ڈالا ہے۔
ایک غیر جانبدار ریفری کو بھارتی ایجنڈے کا حصہ بنا دینا آئی سی سی کی ساکھ پر سوالیہ نشان ہے اور اس بات کا ثبوت ہے کہ جے شا نے ادارے کو اپنی ذاتی جاگیر بنا لیا ہے۔ بھارت کی کرکٹ میں بلیک میلنگ کا یہ رجحان کوئی نیا نہیں ہے۔ ماضی میں بھی بھارت نے مختلف کرکٹ بورڈز پر دباؤ ڈال کر اپنے مفادات حاصل کرنے کی کوشش کی۔
سری لنکا، بنگلہ دیش اور حتیٰ کہ افغانستان کی ٹیموں کو بھی بھارت اپنی شرائط پر کھیلنے پر مجبور کرتا رہا ہے۔ آئی سی سی کے اجلاسوں میں بھارت کا رویہ ہمیشہ ہٹ دھرمی پر مبنی رہا ہے، جہاں وہ مالی طاقت اور لابنگ کے ذریعے فیصلے اپنے حق میں کرواتا ہے۔
یہی وجہ ہے کہ ایشیا کپ جیسے بڑے ٹورنامنٹ میں بھی پاکستان کو بار بار نظرانداز کیا گیا اور اس کے جائز مطالبات کو دبانے کی کوشش کی گئی۔اس کے ساتھ ساتھ بھارتی گودی میڈیا نے بھی اپنی پوری طاقت جھونک دی ہے تاکہ پاکستان کو بدنام کیا جا سکے۔
بھارتی چینلز اور اخبارات نے جھوٹے تجزیے، من گھڑت کہانیاں اور بے بنیاد دعوے کر کے یہ تاثر دینے کی کوشش کی کہ پاکستان کرکٹ دنیا کے لیے خطرہ ہے۔ حقیقت یہ ہے کہ بھارتی میڈیا خود آر ایس ایس کے غنڈوں کے ہاتھوں میں کھیل رہا ہے اور اس کا واحد مقصد پاکستان کے خلاف نفرت اور تعصب کو فروغ دینا ہے۔
آج ضرورت اس بات کی ہے کہ بین الاقوامی برادری بھارت کی اس بلیک میلنگ اور ہٹ دھرمی کو روکے۔ آئی سی سی جیسے اداروں کو غیر جانبداری سے اپنے فرائض انجام دینے چاہئیں، نہ کہ کسی ایک ملک کے ہاتھوں کٹھ پتلی بننا چاہیے، اگر بھارت کو کھلی چھوٹ دی گئی تو نہ صرف کھیل کی ساکھ متاثر ہوگی بلکہ دنیا بھر کے کھلاڑیوں کا اعتماد بھی مجروح ہوگا۔
اسی تناظر میں لازم ہے کہ پاکستان کرکٹ بورڈ باضابطہ طور پر بھارت کی جانبدارانہ پالیسیوں کے خلاف احتجاج درج کروائے، متنازعہ ریفریوں اور امپائروں کے خلاف شواہد دنیا کے سامنے لائے، ایشیائی ممالک کو ایک پلیٹ فارم پر اکٹھا کر کے بھارتی دباؤ کو ناکام بنایا جائے، پاکستانی میڈیا حقائق کو دنیا کے سامنے پیش کرے اور نوجوان کھلاڑی اپنے جوش و جذبے اور شاندارکارکردگی سے بھارت کے پروپیگنڈے کو ناکام بنائیں۔
کرکٹ ایک کھیل ہے اور کھیل کو کھیل ہی رہنا چاہیے۔ اسے سیاست، نفرت اور انتہا پسندی کی بھینٹ چڑھانا نہ صرف غیر اخلاقی ہے بلکہ انسانیت کے خلاف جرم ہے۔ بھارت کی موجودہ پالیسیوں نے اس کھیل کو داغدار کیا ہے مگر پاکستان کو چاہیے کہ اپنے صبر، حوصلے اور شاندار کھیل سے دنیا کو یہ باور کرائے کہ کرکٹ امن، محبت اور بھائی چارے کا پیغام ہے، نہ کہ نفرت، سیاست اور بلیک میلنگ کا۔
بھارت کی انتہا پسند حکومت نے ایشیا کپ کو متنازع بنا دیا ہے۔ کرکٹ شائقین میں عدم دلچسپی بڑھ گئی ہے اور بھارتی کرکٹ ٹیم کے رویے سے سخت مایوسی ہوئی ہے۔ دنیا میں بھارتی کرکٹ ٹیم کے رویے کو کسی نے بھی نہیں سراہا۔ پاکستان اور انڈیا میں پہلے بھی جنگیں ہوتی آئی ہیں لیکن چاہے کرکٹ ہو، ہاکی ہو یا کبڈی ہو، ایسا پہلی دفعہ دیکھنے میں آیا ہے، یہ اسپرٹ آف دی گیم کے خلاف ہے۔
.
ذریعہ
ذریعہ: Express News
کلیدی لفظ: پاکستان کے خلاف بلیک میلنگ بھی بھارت جا رہا ہے بھارت کی ایشیا کپ ہٹ دھرمی بھارت نے کہ بھارت کھیل کے میں بھی کھیل کو دیا ہے کو بھی ہے اور
پڑھیں:
بھارتی سرپرستی میں ملک دشمن پروپیگنڈا، کالعدم بی ایل اے سے منسلک ملک دشمن شاعرہ حبیبہ پیرجان کی گرفتاری کے لیے 10 لاکھ روپے انعام کا اعلان
سیکیورٹی اداروں نے کالعدم بلوچ لبریشن آرمی (بی ایل اے) سے منسلک ملک دشمن شاعرہ حبیبہ پیرجان کی گرفتاری کے لیے معلومات فراہم کرنے والے شخص کے لیے 10 لاکھ روپے انعام کا اعلان کیا ہے، جبکہ ان کی تلاش کے لیے مختلف علاقوں میں کارروائیاں جاری ہیں۔
سیکیورٹی ذرائع کے مطابق کارروائی کے دوران حبیبہ پیرجان کی رہائش گاہ سے ڈائریاں، کالعدم بی ایل اے کے ہلاک دہشتگردوں سے متعلق ریکارڈ، ریاست مخالف مواد اور بھارتی فنڈنگ کے شواہد برآمد ہوئے۔ تحقیقات سے حبیبہ پیرجان کے کالعدم بی ایل اے کے اہم کمانڈروں، خصوصاً رستم پیرجان، کے ساتھ روابط سامنے آئے۔
مزید پڑھیں: آسٹریلیا کی جانب سے بی ایل اے اور 3 سینیئر رہنماؤں پر دہشتگردی کے الزامات کے تحت پابندیاں عائد
سیکیورٹی حکام کا کہنا ہے کہ ان کی پروپیگنڈا شاعری اور زہریلی سوشل میڈیا سرگرمیاں معصوم نوجوانوں میں ریاست مخالف بیانیے اور باغیانہ سوچ کو فروغ دینے کے لیے استعمال کی جاتی رہی ہیں۔
حبیبہ پیرجان، زوجہ حنیف ضلع کیچ کے علاقے دشت کی رہائشی ہیں۔ انہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا تھا، تاہم علاقے کا محاصرہ مکمل ہونے سے قبل وہ فرار ہونے میں کامیاب ہوگئیں۔
کارروائی کے دوران ان کی رہائش گاہ کی تلاشی لی گئی جہاں سے ڈائریاں، کالعدم بی ایل اے کے ہلاک شدہ عسکریت پسندوں سے متعلق تحریری ریکارڈ اور دیگر مواد برآمد ہوا۔ سیکیورٹی ذرائع کا دعویٰ ہے کہ برآمد شدہ مواد میں بھارتی مالی معاونت اور ریاست مخالف سرگرمیوں سے متعلق بعض اہم شواہد بھی شامل ہیں جن کا مزید تجزیہ کیا جا رہا ہے۔
ذرائع کا کہنا ہے کہ ابتدائی تحقیقات اور انٹیلیجنس معلومات سے حبیبہ پیرجان کے کالعدم بی ایل اے کے متعدد اہم کمانڈروں، بالخصوص رستم پیرجان، کے ساتھ مبینہ قریبی روابط کی نشاندہی ہوئی ہے۔ انہوں نے ضلع کیچ کے دشت کے پہاڑی علاقوں میں رستم پیرجان سے کم از کم 2 ملاقاتیں کیں، جن میں ایک ملاقات رواں سال 14 فروری کو ہونے کا دعویٰ کیا گیا۔
سیکیورٹی ذرائع کے مطابق دستیاب ریکارڈ سے یہ بھی معلوم ہوا ہے کہ وہ اسلحہ اور دیگر سامان کی ترسیل میں سہولت کاری، بلوچ یکجہتی کمیٹی (بی وائی سی) سے وابستہ متعدد شخصیات سے روابط اور سوشل میڈیا پر بی ایل اے سے منسلک پلیٹ فارمز کے ذریعے ریاست مخالف مواد کی تشہیر میں سرگرم کردار ادا کرتی رہی ہیں۔
ذرائع کے مطابق حبیبہ پیرجان کی شاعری اور تحریروں کا بھی جائزہ لیا جا رہا ہے۔ سیکیورٹی حکام کا کہنا ہے کہ دستیاب مواد میں ایسی نظمیں اور اشعار شامل ہیں جن میں مسلح عناصر کی تعریف، ریاستی اداروں کے خلاف بیانیے کی ترویج اور نوجوانوں کو باغیانہ سوچ کی جانب راغب کرنے کے عناصر پائے جاتے ہیں۔
ان کی اکثر نظموں میں مسلح گروہوں اور شدت پسندوں کو خراجِ تحسین پیش کیا گیا ہے، جبکہ بعض تحریروں میں نوجوانوں کو انتخابی عمل سے دور رہنے، ریاستی اداروں کے خلاف نفرت پیدا کرنے اور مسلح جدوجہد کی حمایت پر آمادہ کرنے کی کوشش کی گئی ہے۔ کالعدم بی ایل اے کے ایک گروپ کے اشتہاری سربراہ حربیار مری کی تحسین میں بھی ایک نظم لکھی گئی ہے، جس کا اردو ترجمہ اور عکس بھی موجود ہے:
حربیار مری کے نام
ٹوٹا ہوا وطن کا آواز ہے حربیار
کالی رات کا خوف ہے حربیار
پہاڑوں میں کھڑا ہوا ہے اپنی بات کہ اوپر
ایک آگ کی طرح ہے حربیار
اسکو خبر ہے اس راستہ کا
آجاؤ ہمسفر ہماری آواز ہے حربیار
حبیبہ سو دفعہ سوچ چکی ہے
ہر بلوچ کا درد وار ہے حربیار
حکام کے مطابق ایسے مواد کو شدت پسندی اور دہشتگردی کے لیے ہمدردی پیدا کرنے کی کوشش کے طور پر دیکھا جا رہا ہے۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
سیکیورٹی اداروں کا کہنا ہے کہ حبیبہ پیرجان کے خلاف دستیاب شواہد اور برآمد شدہ مواد کا فرانزک و قانونی جائزہ جاری ہے، جبکہ ان کی گرفتاری کے لیے مختلف علاقوں میں کارروائیاں تیز کر دی گئی ہیں۔ حکام کے مطابق مطلوب خاتون کے بارے میں مصدقہ معلومات فراہم کرنے والے شخص کے لیے 10 لاکھ روپے انعام مقرر کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
10 لاکھ روپے انعام انٹیلیجنس معلومات بلوچ یکجہتی کمیٹی پروپیگنڈا شاعری حبیبہ پیرجان رستم پیرجان سیکیورٹی ادارے عسکریت پسند کالعدم بلوچ لبریشن آرمی کالعدم بی ایل اے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ