اب اندھوں کی ٹیم سے توقع رکھنی چاہیے، شیر افضل مروت کا پاکستانی ٹیم کی انڈیا سے شکست پر ردعمل
اشاعت کی تاریخ: 22nd, September 2025 GMT
تحریک انصاف کے سابق رہنما شیر افضل مروت نے پاکستانی کرکٹ ٹیم کی انڈیا کے ہاتھوں شکست پر مایوسی کا اظہار کیا ہے۔
میڈیا سے گفتگو کرتے ہوئے انہوں نے کہا کہ ہماری ٹیم خیر سے پاکستان واپس تشریف لے آئے، اب ہمیں اندھوں کی ٹیم سے توقع رکھنی چاہیے۔
ان کا کہنا تھا کہ ہر طرف اندھیر نگری چوپٹ راج ہے، دوسرے میچ میں کارکردگی پہلے میچ سے بہتر ہوئی لیکن انڈیا سے بار بار ہارنے سے قوم کو ہزیمت اٹھانی پڑتی ہے۔
یہ بھی پڑھیے: ایشیا کپ سپر فور مرحلے کا اہم ٹاکرا: بھارت نے پاکستان کو 6 وکٹوں سے شکست دے دی
شیر افضل مروت نے مایوسی کا اظہار کرتے ہوئے کہا کہ گزشتہ 3، 4 سال سے پی سی بی کے معاملات ٹھیک نہیں جارہے، بجائے سفارش کے، انہیں میرٹ کا خیال رکھنا چاہیے، پوری قوم کی نظریں اسکرین پر ہوتی ہیں لیکن بار بار شکست ہوتی ہے۔
ان کا کہنا تھا کہ انڈیا کے کپتان نے مصافحہ نہیں کیا اور جو تقریر کی وہ بہت مایوس کن ہے، آپ کھلاڑی ہیں گیم کھیلیں سیاست نہ کریں، سیاست سیاست دانوں کا کام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان شکست کرکٹ.ذریعہ: WE News
پڑھیں:
جنوبی افریقا نے دوسرے ون ڈے میچ میں پاکستان کو 8وکٹوں سے شکست دے دی
data-id="863a0a8" data-element_type="widget" data-widget_type="theme-post-content.default">
فیصل آباد: ایک روزہ سیریز کے دوسرے میچ میں جنوبی افریقا نے پاکستان کو بآسانی 8وکٹوں سے شکست دے دی۔
جنوبی افریقی اوپنر بیٹر کوئنٹن ڈی کاک کی شاندار ناقابل شکست سنچری کی بدولت مہمان ٹیم نے سیریز ایک،ایک سے برابر کر دی ہے۔
اقبال اسٹیڈیم فیصل آباد میں کھیلے گئے میچ میں پروٹیز بیٹرز نے پاکستان کا 270 رنز کا ہدف بآسانی 2 وکٹوں کے نقصان پر 41ویں اوور میں ہی حاصل کر لیا، ٹاپ آرڈر بیٹر نے کوئنٹن ڈی کاک ٹونی ڈی زور زی کی شاندار 153 رنز کی شراکت نے پاکستان کو فتح سے محروم کیا۔
کوئنٹن ڈی کاک 119 گیندوں پر 123 رنز بنا کر وکٹ پر موجود رہے، بائیں ہاتھ سے بیٹنگ کرنے والے ڈی کاک نے 8 چوکے اور 7 چھکے بھی لگائے۔ٹونی ڈی زور زی نے بھی ٹاپ آرڈر بیٹر کا بھرپور ساتھ دیا، انہوں نے 9 چوکوں اور 3 چھکوں کی مدد سے 76 رنز کی عمدہ اننگز کھیلی، اوپنر بیٹر لہوان ڈری پریٹوریئس نے 46 رنز بنا کر ٹیم کو شاندار آغاز فراہم کیا۔پاکستان کی جانب سے فہیم اشرف اور محمد وسیم جونیئر نے ایک،ایک کھلاڑی کو آؤٹ کیا۔
اس سے قبل، پاکستان نے دوسرے ایک روزہ میچ میں مہمان جنوبی افریقہ کو 270 رنز کا ہدف دیا۔
پاکستان نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 269 رنز بنائے، سلمان علی آغا 69، محمد نواز نے 59 اور صائم ایوب نے 53 رنز بنا کر قومی ٹیم کے مجموعے میں خاطر خواہ اضافہ کیا۔
پاکستان کی ابتدائی 3 وکٹیں 22 رنز پر گرگئی تھیں، جس سے مڈل آرڈر پر آنے والے بیٹرز پر پریشر بڑھ گیا، تاہم آغا سلمان اور صائم ایوب نے 91 رنز کی پارٹنر شپ لگا کر ٹیم کو مشکل صورتحال سے نکالا، 114 پر چوتھی اور 131 پر 5 وکٹ گرنے کے بعد ایک بار پھر پاکستان ٹیم پریشر میں نظر آئی۔تاہم، اس دوران آل راؤنڈر محمد نواز کی سلمان علی آغا کے ساتھ 59 اور فہیم اشرف کے ساتھ 43 رنز کی پارٹنر شپ نے قومی ٹیم کو دوبارہ مستحکم پوزیشن پر لا کھڑا کیا۔
پاکستان کی جانب سے فخر زمان صفر، بابر اعظم 11 اور محمد رضوان 4 رنز بناکر آؤٹ ہوئے، حسین طلعت 10، فہیم اشرف 28 اور کپتان شاہین شاہ آفریدی صرف ایک رن بنا کر پویلین واپس لوٹے۔محمد وسیم جونیئر 12 اور نسیم شاہ 6 رنز بنا کر وکٹ پر موجود رہے۔
جنوبی افریقہ کی جانب سے ناندرے برگر نے 46 رنز دے کر 4 کھلاڑیوں کو آؤٹ کیا، نقابا یمزی نے 3 شکار کیے جبکہ کوربن بوش نے 2 وکٹیں اپنے نام کیں۔
پنجاب : لاؤڈ سپیکر ایکٹ سختی سے نافذ کرنے کا فیصلہ