بھارت کے خلاف حارث رؤف کا شائقین کو 0-6 کا اشارہ، وزیر دفاع خواجہ آصف نے اس حرکت پر کیا کہا؟
اشاعت کی تاریخ: 22nd, September 2025 GMT
ایشیا کپ ٹی ٹوئنٹی کے سپر فور مرحلے کے دوسرے میچ میں قومی فاسٹ بولر حارث رؤف منفرد اندازِ جشن کی وجہ سے بھی توجہ کا مرکز بنے رہے۔
میچ کے دوران بھارتی شائقین کی جانب سے بارہا ’کوہلی کوہلی‘ کے نعرے لگا کر حارث رؤف کو مشتعل کرنے کی کوشش کی گئی، تاہم پاکستانی فاسٹ بولر نے اس کا جواب نہایت منفرد انداز میں دیا۔ انہوں نے اشاروں میں بھارتی رافیل طیاروں کی تباہی کی یاد دہانی کراتے ہوئے میدان میں مخصوص انداز اپنایا، جسے سوشل میڈیا پر صارفین نے ’رافیل طیارہ اسٹائل‘ کا نام دیا۔
Haris Rauf never disappoints, specially with 6-0.
— Ihtisham Ul Haq (@iihtishamm) September 21, 2025
یہ ویڈیو سوشل میڈیا پر تیزی سے وائرل ہوئی، جہاں صارفین کی جانب سے دلچسپ تبصرے دیکھنے کو ملے۔ کسی نے کہا کہ حارث بھارتیوں کو یاد دلا رہے ہیں کہ ان کے 6 طیارے کیسے گرائے گئے تھے، تو کوئی لکھتا نظر آیا، انڈیا یہ قیامت تک نہیں بھولے گا۔
یہ بھی پڑھیں: ایشیا کپ: حارث رؤف کا وکٹ لینے کے بعد مخصوص انداز میں جشن، تصاویر وائرل
ایک ایکس صارف نے لکھا کہ حارث رؤف بھارتیوں کو دکھا رہے ہیں کہ ان کے جہاز کیسے گرائے گئے تھے۔
Haris Rauf showing the Indians how Thier Planes were shot down???? pic.twitter.com/xiKg8OILPI
— SheR•ALI (@Sher__Ali) September 21, 2025
فاسٹ بولر حارث روف کے اس ایکشن پر وزیر دفاع خواجہ آصف بھی ردعمل دیے بغیر نہ رہ سکے۔ انہوں نے کہا کہ حارث رؤف ٹھیک ٹکر یا۔ کم چک کے رکھ۔ انہوں نے مزید کہا کہ کرکٹ میچ تو ہوتے رہتے ہیں لیکن 6-0 انڈیا قیامت تک نہیں بھولے گا اور دنیا بھی یاد رکھے گی۔
حارث رؤف ٹھیک ٹکر یا۔ کم چک کے رکھ۔
کرکٹ میچ تے ھوندے رھندے پر 6/0 تے قیامت تک انڈیا نہیں بھولے گا اور دنیا بھی یاد رکھے گی۔ https://t.co/ADzRAzBpq7
— Khawaja M. Asif (@KhawajaMAsif) September 21, 2025
اس کے علاوہ حارث رؤف نے میچ میں اہم وکٹ لینے کے بعد دونوں بازو پھیلا کر میدان میں دوڑ لگائی، جیسے کوئی فائٹر جیٹ پرواز کر رہا ہو۔ ان کے اس جشن نے نہ صرف گراؤنڈ میں موجود پاکستانی شائقین کو محظوظ کیا بلکہ انہوں نے بھی ’رافیل رافیل‘ کے نعرے لگاکر ماحول کو پرجوش بنا دیا۔
سوشل میڈیا پر ان کا ’فائٹر جیٹ اسٹائل‘ فوری طور پر وائرل ہوگیا، جہاں صارفین نے ان کے انداز کو نہ صرف سراہا بلکہ اسے حارث کی پہچان قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان انڈیا میچ حارث رؤف خواجہ آصف رافیل رافیل طیارے
ذریعہ
ذریعہ: WE News
کلیدی لفظ: پاکستان انڈیا میچ خواجہ ا صف رافیل رافیل طیارے
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار