پنجاب پر تنقید کرنے والے اپنے صوبے میں کام کرلیتے تو متاثرین کا بھلا ہوجاتا، مریم نواز
اشاعت کی تاریخ: 27th, September 2025 GMT
وزیر اعلیٰ پنجاب مریم نواز شریف نے کہا ہے کہ اگر ہم پر تنقید کرنے والے اپنے صوبے میں کام کر لیتے تو وہاں کے متاثرین کا بھی بھلا ہوتا۔ پنجاب پہلا صوبہ ہے جس نے سیلاب کے دوران 25 لاکھ افراد کی مدد کی۔
سیلاب سروے مہم کی تقریب سے خطاب میں مریم نواز نے کہا کہ راتیں جاگ کر متاثرین کی خدمت کی۔ جب تصویریں بنتی ہیں تو عوام کو احساس ہوتا ہے کہ حکومت ان کے ساتھ کھڑی ہےm کام کرنے والے ہی کیمروں کا سامنا کرتے ہیں۔
یہ بھی پڑھیں: مریم نواز کی سادگی اور خدمت سیلاب متاثرین کے دلوں میں گھر کر گئی
ان کا کہنا تھا کہ پنجاب عملی اقدامات میں مصروف ہے جبکہ دیگر لوگ صرف تنقید کر رہے ہیں۔ دفتر میں بیٹھ کر تصاویر بنوانا آسان ہے، لیکن اصل سکون چپ کرکے بیٹھنے میں نہیں بلکہ کام کرنے میں ہے۔
امداد کیلئے کبھی ہاتھ نہیں پھیلاؤں گی: مریم نواز #Maryamnawaz #flood2025 #DiscoverPakistan pic.
— Discover Pakistan TV (@DiscoverpakTv) September 27, 2025
وزیر اعلیٰ نے کہا کہ عوام کو واضح پیغام دینا چاہتی ہوں کہ پنجاب حکومت ان کے ساتھ ہے۔ صوبے کے حکمران محلات میں سونے کے بجائے عوام کے درمیان رہ کر خدمت کر رہے ہیں۔ دو سے3 ماہ میں پنجاب کی حالت ایسی ہو گی جیسے یہاں سیلاب آیا ہی نہیں تھا۔
مریم نواز نے کہا کہ پنجاب پر ہی تنقید اس لیے ہو رہی ہے کیونکہ پنجاب کام کر رہا ہے۔ عوامی خدمت میری ذمہ داری ہے، مشکل وقت میں دکھی انسانیت کی خدمت سب سے بڑی عبادت ہے۔
یہ بھی پڑھیں: مراد علی شاہ بہتر وزیراعلیٰ ہیں، مریم نواز تو لاہور میں صدر کا استقبال نہیں کرتیں، ندیم افضل چن
ان کا مزید کہنا تھا کہ ملکی تاریخ میں اتنا ہولناک سیلاب پہلے کبھی نہیں آیا۔ پنجاب کی تاریخ میں پہلی بار دریائے ستلج، راوی اور چناب میں آنے والے تباہ کن سیلاب نے شدید نقصان پہنچایا۔
انہوں نے بتایا کہ صوبے کے 25 شہر حالیہ سیلاب سے متاثر ہوئے جہاں عوام کی مشکلات کم کرنے کے لیے انتظامیہ نے 24 گھنٹے کام کیا۔
وزیر اعلیٰ پنجاب نے کہا کہ متاثرہ علاقوں میں امدادی سرگرمیاں مثالی ہیں۔ صوبائی وزرا، انتظامیہ، پی ڈی ایم اے، ریسکیو 1122 اور پولیس سب نے مل کر متاثرین کی مدد کے لیے دن رات کام کیا۔
انہوں نے کہا کہ ’مجھے کہا جاتا ہے کہ دنیا سے امداد کیوں نہیں مانگتی، میں نواز شریف کی بیٹی ہوں، امداد کے لیے کبھی ہاتھ نہیں پھیلاؤں گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امداد پاکستان پنجاب سیلاب مریم نواز مسلم لیگ ن وزیراعلی
ذریعہ
ذریعہ: WE News
کلیدی لفظ: پاکستان سیلاب مریم نواز مسلم لیگ ن وزیراعلی مریم نواز نے کہا کہ کہ پنجاب کام کر کے لیے
پڑھیں:
’چاہیں تو گھر سے کھانا بھجوا دوں‘، سلمان خان کی سونم وانگچک سے بھوک ہڑتال ختم کرنے کی اپیل
بالی ووڈ سپر اسٹار سلمان خان نے طلبہ احتجاج کے تناظر میں ایک اہم پیغام جاری کرتے ہوئے طلبہ اور سونم وانگچک سے اپیل کی ہے۔
سلمان خان نے نیٹ امتحان میں مبینہ پرچہ لیک ہونے کے معاملے پر جاری طلبہ احتجاج کے تناظر میں سوشل میڈیا پلیٹ فارم انسٹاگرام پر جاری اپنے ایک بیان میں کہا کہ ’’طلبہ کی تعلیم اور سیکیورٹی ہماری اولین ترجیح ہونی چاہیے، اس لیے انہیں خود بھی فکر مند ہونے کی ضرورت نہیں اور نہ ہی اپنے والدین کو مزید پریشان کرنا چاہیے۔‘‘
انہوں نے کہا کہ ’’معزز وزیرِ اعظم اس معاملے پر ٹوئٹ کر چکے ہیں، اور مجھے یقین ہے کہ وہ پرچہ لیک کے ذمہ دار افراد کے خلاف سخت کارروائی کریں گے۔ لہٰذا تمام طلبہ سے گزارش ہے کہ وہ اپنے والدین اور گھروں کو واپس چلے جائیں۔‘‘
View this post on Instagramاداکار نے اپنے پیغام میں گزشتہ 25 روز سے بھوک ہڑتال پر بیٹھے تعلیمی کارکن سونم وانگچک کو بھی مخاطب کرتے ہوئے کہا، ’’سونم، اب بہت ہو گیا، بھائی۔ براہِ کرم اپنی بھوک ہڑتال مزید طویل نہ کریں۔ اگر مستقبل میں ضرورت پڑی تو احتجاج کا جذبہ برقرار رکھیے، لیکن مجھے نہیں لگتا کہ اب اس کی ضرورت ہے۔ کچھ کھا لیجیے، اگر چاہیں تو میں اپنے گھر سے آپ کے لیے کھانا بھی بھجوا دوں گا۔‘‘
یہ بیان سلمان خان کی جانب سے 24 گھنٹوں کے دوران اس معاملے پر دوسری عوامی اپیل ہے۔ اس سے قبل بھی انہوں نے نیٹ امتحان کے تنازع پر تشویش کا اظہار کرتے ہوئے طلبہ کے مفادات کے تحفظ پر زور دیا تھا۔
View this post on Instagramواضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی