کراچی: دودھ کی قیمتوں میں ممکنہ اضافے کی خبر، ڈیڈ لائن مقرر
اشاعت کی تاریخ: 27th, September 2025 GMT
کراچی کے ڈیری فارمرز نے خبردار کیا ہے کہ اگر یکم اکتوبر تک دودھ کی نئی قیمتیں مقرر نہ کی گئیں تو وہ کاروبار بند کرنے پر مجبور ہو جائیں گے۔
کراچی پریس کلب میں پریس کانفرنس کرتے ہوئے ڈیری فارمرز ایسوسی ایشن کے نائب صدر چوہدری فاروق نے کہا کہ موجودہ نرخوں پر روزانہ 30 کروڑ روپے کا نقصان ہو رہا ہے، جبکہ کیمیکل ملا دودھ فروخت کرنے والے مافیا کے خلاف اداروں کو بارہا آگاہ کیا گیا، مگر کوئی کارروائی نہیں ہوئی۔
انہوں نے مطالبہ کیا کہ کمشنر کراچی دودھ کے نرخوں کا ازسرنو تعین کریں، ورنہ وزیراعلیٰ ہاؤس کے باہر پرامن احتجاج کیا جائے گا۔
ڈیری فارمرز کے جنرل سیکریٹری شوکت مختار نے کہا کہ شہر کی بھینس کالونیوں میں 10 لاکھ سے زائد جانور ہیں، جو روزانہ تقریباً 50 لاکھ لیٹر دودھ فراہم کرتے ہیں، مگر اب جانوروں کی خوراک (بھوسا) ناپید ہو چکی ہے۔
انہوں نے خبردار کیا کہ اخراجات میں 30 فیصد اضافے کے باعث جانوروں کی دیکھ بھال ممکن نہیں رہی، اور اگر صورتحال یہی رہی تو جانور بھوکے مرنے لگیں گے۔
ان کا کہنا تھا کہ قیمتوں میں جائز اضافے کے لیے متعدد بار خطوط بھیجے گئے، مگر کسی نے شنوائی نہیں کی۔
ذریعہ: Daily Mumtaz
پڑھیں:
27ویں آئینی ترمیم میں ممکنہ تبدیلیاں سامنے آگئیں
اسلام آباد(ڈیلی پاکستان آن لائن)27ویں آئینی ترمیم پارلیمنٹ کی مشترکہ قانون وانصاف کمیٹی اجلاس میں منظوری کے بعد سینیٹ میں پیش کی جائیں گی۔
روزنامہ جنگ کے مطابق ذرائع کا کہنا ہے کہ ججز جن کا تبادلہ ہو گیا لیکن وہ جانے سے گریزاں ہیں انہیں فوری طور پر ریٹائر نہ کیا جائے گا، تبادلے پر معترض ججز کا کیس سپریم جوڈیشل کونسل کو بھیجا جائے گا۔
ریٹائرڈ صدر کی سیاسی زندگی میں واپسی پر کیا صدارتی استثنیٰ برقرار رکھنے یا نہ رکھنے پر بھی رات گئے غور کیا گیا، چیف الیکشن کمشنر تعیناتی سے متعلق معاملات طے نہ پا سکے۔
جولائی تا ستمبر: عوام سے 110 ارب روپے کی اضافی پٹرولیم لیوی وصول
مسودے میں سپریم کورٹ اور فیڈرل کانسٹیٹیوشنل کورٹ کے آگے ’آف پاکستان‘ کا لفظ لکھا جائے، ایم کیو ایم کی بلدیاتی اداروں سے متعلق ترمیم شامل کرنے کی کوشش جاری ہیں۔
ابھی تک طے نہیں ہو سکا کہ قانون و انصاف کی مشترکہ کمیٹی کا اجلاس دوبارہ ہو گا یا نہیں، زیر غور تجاویز اجلاس میں اس وقت لائے جانے پر غور ہے جب ترمیم کا مسودہ ایوان میں پیش کیا جائے گا۔
مزید :
پیپلز پارٹی کی سینٹرل ایگزیکٹو کمیٹی اجلاس میں 27ویں آئینی ترمیم پر مشاورت