خیبرپختونخوا حکومت دہشتگردی پر واضح مؤقف اپنائے: طلال چوہدری
اشاعت کی تاریخ: 27th, September 2025 GMT
وزیر مملکت برائے داخلہ طلال چوہدری نے کہا ہے کہ خیبرپختونخوا حکومت دہشتگردی کے خلاف دو ٹوک مؤقف اپنانے کے بجائے ابہام پیدا کر رہی ہے، جلسے جلوس ان کا حق ہے، مگر کالعدم تنظیموں پر نرمی کی کوئی گنجائش نہیں۔
فیصل آباد میں پریس کانفرنس کرتے ہوئے طلال چوہدری نے کہا کہ صوبائی حکومت بات چیت کی بات کرتی ہے، مگر ان عناصر سے کیسے بات کی جائے جو فورسز اور معصوم شہریوں کو نشانہ بنا رہے ہیں؟ دہشتگردوں سے نرمی کا مطلب ان کے لیے محفوظ پناہ گاہیں دینا ہے، اور یہ قابلِ قبول نہیں۔
انہوں نے کہا کہ خیبرپختونخوا کو دہشتگردی کے خلاف 600 ارب روپے ملے، مگر نہ سی ٹی ڈی کو سہولیات دی گئیں، نہ سیف سٹی یا فرانزک منصوبے بنے، آخر یہ فنڈز کہاں گئے؟
طلال چوہدری کا کہنا تھا کہ خوارج (کالعدم گروہ) افغانستان سے سرحد پار کر رہے ہیں، 17 دہشتگرد کرک میں مارے گئے، اور شواہد عالمی برادری سے شیئر کیے جا چکے ہیں۔ انہوں نے کہا کہ نیشنل ایکشن پلان پر عملدرآمد صوبوں کی ذمہ داری ہے، صرف فوج لڑ رہی ہے، جبکہ سیاستدان خاموش ہیں۔
انہوں نے سابق وزیراعظم عمران خان پر الزام لگایا کہ ان کا بیانیہ بھارت و اسرائیل سے ملتا جلتا ہے، وہ شہداء کے لیے ایک ٹوئٹ بھی نہیں کرتے اور خوارج کے خلاف کارروائی کی مخالفت کرتے ہیں۔
اختتام پر انہوں نے کہا کہ حکومت کی سفارتی کامیابیوں کا فائدہ عوام تک تبھی پہنچے گا جب صوبائی حکومتیں اور سیاسی جماعتیں وفاق کا ساتھ دیں۔
ذریعہ
ذریعہ: Daily Mumtaz
کلیدی لفظ: طلال چوہدری نے کہا کہ انہوں نے
پڑھیں:
دوسرا ون ڈے:آسٹریلیا کیخلاف پاکستانی ٹیم 190رنز پر آل آئوٹ
ایک روزہ سیریز کے دوسرے میچ میں پاکستان کی بیٹنگ لائن(bating line colapse) 232 رنز کا تعاقب کرتے ہوئے لڑکھڑا گئی۔ پاکستان نے 27 اوورز میں 6 وکٹوں کے نقصان پر 119 رنز بنا لیے ہیں۔
اس سے قبل لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
مزید پڑھیں:آبنائے ہرمز بحالی پر بھی ایران سے پابندیاں نہیں ہٹائینگے: مارکوروبیو
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ