پشاور جلسہ: پی ٹی آئی کا وفاق سے 4 نکاتی مطالبہ
اشاعت کی تاریخ: 27th, September 2025 GMT
پاکستان تحریک انصاف (پی ٹی آئی) نے پشاور میں جلسے کے دوران 4 نکاتی مطالبات پیش کردیا جسے متفقہ طور پر پیش کیا گیا۔ مطالبات قرارداد کی شکل میں مرکزی رہنما پی ٹی آئی رہنما سلمان اکرام راجا نے پیش کی۔ جسے کارکنوں نے متفقہ طور پر منظور کرلیا۔
قرارداد میں کہا گیا کہ 8 فروری 2024 کے عام انتخابات میں ووٹ کی چوری کو یکسر مسترد کیا جاتا ہے اور اس انتخابی دھاندلی کو قبول نہیں کیا جائے گا۔ دوسرے نمبر پہ عوام پر مسلط کیے گئے جبر کو رد کیا جاتا ہے جس کا مقصد ووٹ چوری کو چھپانا ہے، اور چھبسویں آئینی ترمیم کے ذریعے عدلیہ کی محکومی کو بھی تسلیم نہیں کیا جاتا۔
مزید پڑھیں: پی ٹی آئی ارکان کے پارلیمنٹ کی کمیٹیوں سے دیے گئے استعفے کب منظور ہوں گے؟
سلمان اکرام راجا تیسرا مطالبے میں بتایا کہ خیبرپختونخوا میں جاری ملٹری آپریشن، بلوچستان میں جبری گمشدگیوں اور صوبوں کے وسائل پر ڈاکے کو مسترد کرتے ہوئے کہا گیا کہ ہر صوبے کے معدنی و آبی ذخائر کی حفاظت کی جائے گی اور یہ وسائل کسی اور کو نہیں دیے جائیں گے۔
جبکہ آخر میں عمران خان سمیت پارٹی قیادت کی رہائی کا مطالبہ کیا گیا۔ قرارداد میں کہا گیا کہ عمران خان، بشریٰ بی بی، ڈاکٹر یاسمین راشد، اعجاز چوہدری، شاہ محمود قریشی اور عمر سرفراز چیمہ ناحق قید ہیں۔ مزید کہا گیا کہ ملٹری عدالتوں سے سزا پانے والوں کو بھی رہا کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
4 مطالبات پشاور جلسہ پی ٹی آئی.ذریعہ: WE News
کلیدی لفظ: 4 مطالبات پشاور جلسہ پی ٹی ا ئی کہا گیا کہ
پڑھیں:
پنجاب میں دفعہ 144میں 15 نومبر تک توسیع، احتجاج، جلسہ و اجتماع پر پابندی برقرار
پنجاب میں دفعہ 144 کے نفاذ میں 15 نومبر تک توسیع کر دی گئی، اس حوالے سے جاری نوٹیفکیشن کے مطابق پنجاب میں احتجاج، جلسے، جلوس، ریلیوں، دھرنوں اور اجتماع پر پابندی برقرار رہے گی۔
نوٹیفکیشن کے مطابق 3 سے زائد افراد کے عوامی مقامات پر جمع ہونے پر پابندی ہوگی، پنجاب بھر میں ہر قسم کے اسلحے کی نمائش پر پابندی ہوگی۔
محکمہ داخلہ پنجاب نے ہفتہ 8 نومبر تک دفعہ 144 کے نفاذ میں توسیع کا باقاعدہ نوٹی فکیشن بھی جاری کر دیا۔
نوٹیفکیشن کے مطابق دفعہ 144 کے تحت لاؤڈ اسپیکر کے استعمال پر بھی پابندی ہے، اشتعال انگیز، نفرت آمیز یا فرقہ وارانہ مواد کی اشاعت اور تقسیم پر پابندی ہے۔
نوٹیفکیشن کے مطابق توسیع کا فیصلہ امن اور امان، انسانی جانوں اور املاک کے تحفظ کے لیے کیا گیا، حکومت پنجاب نے دہشت گردی اور امن عامہ کے خدشات کےپیش نظر احکامات جاری کیے۔
نوٹیفکیشن کے مطابق پابندی کا اطلاق شادی کی تقریبات، جنازہ اور تدفین پر نہیں ہوگا، سرکاری فرائض کی انجام دہی پر موجود افسران واہلکار اور عدالتیں پابندی سےمستثنٰی ہیں۔
نوٹیفکیشن کے مطابق لاؤڈ اسپیکر صرف اذان اور جمعہ کے خطبہ کےلیے استعمال کیے جاسکتے ہیں۔
تین ماہ کے لیے بجلی کی قیمت میں 45پیسے اضافے کا امکان