پشاور جلسہ، علی امین گنڈاپور کی تقریر کے دوران بدنظمی
اشاعت کی تاریخ: 27th, September 2025 GMT
پشاور (ڈیلی پاکستان آن لائن) پاکستان تحریک انصاف کے جلسے کے دوران وزیراعلیٰ خیبرپختونخوا علی امین گنڈاپور کی تقریر میں بدنظمی دیکھنے میں آئی۔
علی امین گنڈاپور نے خطاب کرتے ہوئے کہا کہ حقیقی آزادی کی جدوجہد جاری رہے گی اور عدلیہ سے مطالبہ کیا کہ وہ آئین کے مطابق انصاف فراہم کرے۔ ان کا کہنا تھا کہ بانی پی ٹی آئی، ان کی اہلیہ، پارٹی رہنماؤں اور کارکنوں کو انصاف دیا جائے، اور جب تک تمام ادارے آئین کے دائرے میں رہ کر کام نہیں کریں گے، ہم اپنی آواز بلند کرتے رہیں گے۔
وزیراعلیٰ نے مزید کہا کہ ’’فیلڈ مارشل صاحب! آپ 25 کروڑ عوام کے سپہ سالار ہیں، بانی پی ٹی آئی کی ہدایت کے مطابق پوری قوم فوج کے ساتھ کھڑی ہے۔ بھارت کے ساتھ جنگ کے موقع پر بھی بانی پی ٹی آئی نے عوام کو فوج کی حمایت کا کہا تھا۔‘‘
عدلیہ آئین کے مطابق انصاف پر مبنی فیصلے کرے ، آئین کی پاسداری اس ملک میں سب پر فرض ہے،وزیراعلیٰ خیبرپختونخوا علی امین گنڈاپور
نجی ٹی وی جیو نیوز کے مطابق خطاب کے دوران کچھ کارکنان مشتعل ہوگئے اور اسٹیج کی جانب بوتلیں پھینکیں جبکہ علی امین گنڈاپور کے خلاف نعرے بھی لگائے۔ دوسری طرف جلسے میں بدنظمی اس وقت بھی پیدا ہوئی جب بعض کارکن خواتین کے انکلوژر میں گھس گئے اور ان کی نشستوں پر بیٹھ گئے، جس پر پولیس نے مداخلت کرتے ہوئے انہیں زبردستی باہر نکالا۔
مزید :.ذریعہ: Daily Pakistan
کلیدی لفظ: علی امین گنڈاپور کے مطابق
پڑھیں:
اسلام آباد کی عدالت کا گنڈا پور کو گرفتار کرکے پیش کرنے کا حکم
اسلام آباد(نیوز ڈیسک)ڈسٹرکٹ اینڈ سیشن کورٹس اسلام آباد نے سابق وزیراعلیٰ کے پی علی امین گنڈا پور کو گرفتار کرکے پیش کرنے کا حکم دے دیا۔
نجی ٹی وی کے مطابق سابق وزیر اعلیٰ کے پی علی امین گنڈا پور کے خلاف شراب و اسلحہ برآمدگی کیس کی سماعت ہوئی۔ عدالت نے علی امین گنڈا پور کے وارنٹ گرفتاری برقرار رکھے اور انہیں گرفتار کرکے پیش کرنے کا حکم جاری کیا۔
سینئر سول جج مبشر حسن چشتی نے کیس پر سماعت کی۔ علی امین گنڈا پور آج بھی عدالت میں پیش نہ ہوئے۔ عدالت نے مسلسل غیر حاضری کے باعث ہی ان کے وارنٹ جاری کیے ہیں۔ کیس کی آئندہ سماعت 17 نومبر کو ہوگی۔
واضح رہے کہ علی امین گنڈا پور کے خلاف تھانہ بارہ کہو میں مقدمہ درج ہے۔
ٹیکس ادائیگی میں بے ضابطگیاں متعدد ریسٹورنٹس، شاپس اور مارکیز کے سیل ریکارڈ کی جانچ شروع