آکسفورڈ نے پاکستان میں اردو، اسلامیات اور مطالعہ پاکستان کا نیا نصاب متعارف کرادیا
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
پاکستان میں تعلیمی نظام کے لیے ایک اہم پیشرفت سامنے آئی ہے جہاں آکسفورڈ اے کیو اے نے 3 نئے لازمی نصاب متعارف کرانے کا اعلان کیا ہے۔
نجی ٹی وی کی رپورٹ کے مطابق اس اقدام کے تحت اردو، اسلامیات اور مطالعہ پاکستان کو بین الاقوامی معیار کے مطابق نصاب کا حصہ بنایا گیا ہے۔ ماہرین تعلیم کے مطابق یہ قدم نہ صرف پاکستانی طلبہ کو عالمی سطح کے امتحانات کی تیاری میں مدد فراہم کرے گا بلکہ انہیں اپنے مقامی پس منظر سے بھی جڑے رہنے کا موقع دے گا۔
نئے نصاب میں تنقیدی سوچ، تحقیق اور گروپ ورک پر خاص توجہ دی گئی ہے تاکہ طلبہ کو محض رٹہ سسٹم پر انحصار کرنے کے بجائے تجزیاتی اور عملی مہارتیں حاصل ہوں۔
ڈائریکٹر آکسفورڈ اے کیو اے سلمیٰ عادل کے مطابق یہ نصاب اسکولوں کو مزید مضبوط بنانے اور طلبہ کے لیے معیاری تعلیم کی فراہمی کے مقصد کے تحت تیار کیا گیا ہے۔ مقامی مضامین کو بین الاقوامی سطح کے نصاب میں شامل کرنا اس بات کی علامت ہے کہ پاکستان کے طلبہ کو عالمی امتحانات کی تیاری کرتے ہوئے اپنی زبان، تاریخ اور اسلامی اقدار کے ساتھ بھی وابستہ رکھا جا رہا ہے۔
اسی دوران کیمبرج ایگزامینیشن بورڈ نے بھی ایک نمایاں اعلان کیا ہے جس کے تحت پاکستانی اے اور او لیول طلبہ کو پہلی بار اپنی آنسر اسکرپٹ دیکھنے کا موقع فراہم کیا گیا ہے۔
یہ سہولت آن لائن اور بالکل مفت ہوگی، جس کے ذریعے طلبہ امتحانات کے بعد اپنی کاپیوں کا جائزہ لے سکیں گے اور اگر وہ کسی سوال کے نمبر پر اعتراض کریں تو اسکروٹنی کے لیے درخواست بھی دے سکیں گے۔
کیمبرج کی کنٹری منیجر عظمیٰ یوسف نے اپنے دورہ کراچی کے دوران بتایا کہ یہ اقدام شفافیت کے فروغ کے لیے اٹھایا گیا ہے اور اس سے طلبہ کا اعتماد تعلیمی نظام پر مزید بڑھے گا۔
انہوں نے مزید کہا کہ پاکستان دنیا بھر میں کیمبرج کے سب سے زیادہ انرولڈ طلبہ رکھنے والا ملک ہے، جہاں ایک لاکھ 30 ہزار طلبہ اے اور او لیول امتحانات میں حصہ لیتے ہیں۔ امریکا اس فہرست میں دوسرے نمبر پر ہے جب کہ چین، بھارت اور دبئی اس کے بعد آتے ہیں۔
.
ذریعہ
ذریعہ: Jasarat News
کلیدی لفظ: کے مطابق طلبہ کو کے لیے گیا ہے
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ